قصيدة مجاراه لقصيدة عبدالمعين الثعلي

[رايد]

السلام عليكم ورحمة الله وبركاته.................

هذه قصيدة للشاعر: حمود زايد العيه الدلبحي مجاراه على قافية وقصيدة
الشاعر عبد المعين الثعلي.......وتتحدث عن نفسهاااااااااااااا
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]


ياقلب دوبك والقوافي تحداك = دوبك ولابه قاف" يصعب علاكا
عبد المعين اللي بيوته على ياك = قافه لذيذ وذقت منه الهلاكا
ياقاف لو انك بسوق" جلبناك = كل"يبا قربك وكل" يباكا
وياعدّ لو انك مخيف" وردناك = ولا قيل جانا فاللزوم ارتباكا
وياقلب ماوالله بيوم" عصيناك = اعطيك ماتطلب وجالك مناكا
ابحث عن المطلوب وادوّر رضاك = ورضاك عند اللي سطع في سماكا
ماضنتي ياقلب خلك بينساك = ارسله المكتوب مع ذا وذاكا
ارسل مراسيلك وعبّر بدعواك = وقله ترى المرسل يتله هواكا
وقله ترى خلك وصل حد الادراك= ماأقساك في خلك وماصعب جزاكا
وضّح تواصيفه وسرّك لذولاك = بالخافي المقصود واللي دعاكا
يازين ماينلام قلب" تمناك = في ذمتي يازين ماكثر حلاكا
لو اقدر الهجران مثلك هجرناك =ارفق على خلك وش اللي دهاكا
كن القمر خمسة عشر في محياك = واسود سواد الليل ناعم غطاكا
وكن العسل يازين يصنع من شفاك = وعروق قلبي(موتت)من ظماكا
وعينك وعين اللي على الوكر بشباك =وردف" شلع بالثوب نابي وراكا
سبحان منهو ياأريش العين سواك = وياسعد من يرعاك واللي رباكا
وجدي على قربك ووجدي بلاماك= ووجدي على ماكون داخل حماكا
وصدر" كما التفاح(لارحم مجناك) = وأنعم من الديباج لمسة يداكا
ولجلك نظمت القاف كله لعيناك = واكثر طعون القلب همسة نباكا
لو اكثر التوصيف تتعب مزاياك = ولاحد" دخل بين الحنايا سواكا
يارود،ياريحان،يامسك،ياراك = وجدي على ماقضي حياتي معاكا
يادر،ياياقوت،يالول،مغلاك = كل الجواهر ماتجي مستواكا
نصف الجمال اللي يذكّر تغشاك = والنصف الاخر في مواطي خطاكا
يمناي تشفق يالصغير ليمناك = (والبرد اكلني طامع" في دفاكا)
جعل العذارى ياغصن موز تفداك = (واستثني امي والبقايا فداكا)
ياقل جنسك فالجزيرة وحلياك = عذبتني يازين ماكثر سحاكا
ياعنق ريمي" ولحد" تحلاك = من خلقتك محد" تجرى يراكا
ولاآمرك في وصلك عليّه ولاانهاك = كان الحنين اللي وطاني وطاكا
مالك حلي فالشام وديار الاتراك = والغرب كله ليا ضواحي سكاكا
انته ربيت (بنجد) ياحي مرباك = خشف" ربى في (نجد) وارض الدكاكا
جعل العذول اللي على البعد وداك = اللي قلع يازين عني مداكا
اللي سعى لاجل القطيعه بفرقاك = واللي على ماقيل عني نهاكا
منا عليه تصك بقعا ومناك = تذرف عيونه طول وقته تباكا
حتى ليا مني نشدته وش ابكاك = تذرفه عيونه دم حمر وعساكا
[/poet]

[ابـو سعـود]

سلمت وجزاك الله خير على نقل القصيده

الجدير بالذكر ان قصيدة عبدالمعين المذكوره

موجوده على هذا الرابط

http://www.otaiby.com/dewan/showthre...stid=14#post14

[رايد]

العفو اخوي بو سعود

واشكر مرورك ;)

[" بــواج الظلام "]

سلمت يالقرم


وبيض الله وجهك


أخووووووووك


بواج

[الاسد]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بعد السلام عليكم ورحمة الله وبركاته

لاهان ابن ثعلى ولا هنت ياذاك"=" ياحمود وافى القول وابيض علاكا

وما قصرت وعساك سالم
[/poet]

[و ر ا د]

[ALIGN=CENTER]رائد




سلمت على هذا النقل الراقي




لاهنت وبانتظار المزيد [/ALIGN]

[إبن ثعلي]

ما قصرت يارائد بيض الله وجهك اجتهدت و احسنت واجدت واتمنى لك التوفيق

اخوكم بن ثعلي

[ابـو سعـود]

على طاري المجاراه لهذه القصيده

هناك مجاراه اخرى لكن لاتحضرني كامله من الشاعر هلال بن راضي الثعلي
من أهل المحاني
وطبعا القصيده ومجاراتها عمرها أكثر من ستين سنه

واذكر من أبياته

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

حسبك على اللي دلـّك العد وأسقاك = لين امتلى دلوك وصبيت ماكا
انته منـول مجزيات ٍ ضماياك = محدن على مرسى قليب ٍ شكاكا
ولاغير هايفبك وروّح وخلاّك = حتى يزيد بك الحرق مع ضماكاٍ
وهذي هي الدنيا مداورة الافلاك = تسعى براعيها لدرب الهلاكا
نوج ٍ ركوبك فوق دمثات الاوراك = ونوج ٍ على رجلك عطيب ٍ حفاكا
ونوج ٍ غني وياتي الخط بيداك = ونوج ٍ فقير وغير دين عملاكا
[/poet]

[غازي الروقي]

الله يعطيكم العاااافيه
والله يرحم الشاعرين
تحياااتي للجميع