تمنيت لوّ الأرض تنشق تبلعـني

[ولد غابي]

[poem=font="Traditional Arabic,6,darkblue,bold,normal" bkcolor="transparent" bkimage="backgrounds/19.gif" border="groove,4,gray" type=1 line=0 align=center use=ex num="0,black"]
تصوير درامي لـ لحظة فراق بين حبيبين يودعان بعضهما البعض
،، أرجوا أن يكون التصوير قد لامس الحقيقه،،

*****

تمنيت لوّ الأرض تنشق تبلعني= ولاأعيش لحظات الوداع الرهيبه
ساعة توادعنا سِمعته وسمّعني=كلامٍ عن إحساسه بنبره عجيبه
ومن حرقة الموقف لعنته ويلعني=والكل منّا عاش لحظة كئيبه
وحبّست دمعاتي ولا طــاوعني=وأنهارت أعصابي عصتني غصيبه
وادموعها القشرا هونّ واوجعني=وأعصابها مثلي عصن الحبيبه
وأقفت وأنا قفّيت والوجد يصفعني=بكف الفراق الصعب ضربه مريبه
وخطيت خطوه لكن الرجل تمنعني=ووقفت أنا محتار نفسي غضيبه
ويوم التفت إلينها غصب تتبعني=ومما تحسه لاحقتني غصيبه
ولديت بعيونه وأنا الحزن يطعني=وشفت الدموع وخفت لاأسمع نحيبه
وحاولت أصبرّها ولا شجعني=مشاعرٍ هزّت خفوقي غريبه
لا عاده الله يوم يومٍ يودعني=أنشهد إنه يوم أقشر مغيبه

*****

أبو طلال[/poem]

[ابوسـعد]

ابيات تصور واقع الشاعر وهي جميلة ولاباس بها وشكرااا لك
....خايف من فراق ماوراه اجتماع..................هذا موقف ثاني وو ووو ووو

[ولد غابي]

تعليق حلو يابو سعد ،، الله يسعدك دنيا وآخره

فرقتنا الليالي غصب من غير طوع
والليالي على مثلي دوامٍ عسيره


مع تحياتي

[حسام هوازن]

يالغبيوي والله تسلم يالغلا وياولد العم على هذي الابيات الجميلة

[إبن ثعلي]

ابيات رائعه يابن غابي
تحياتي

[أبو رديعه]

وحبّسـت دمعاتـي ولا طاوعنـي 000 وأنهارت أعصابي عصتني غصيبـه



الله الله صح لسانك يابو طلال

(ملاحظه يابوطلال قصيدتك بحرها المسحوب وذلك لاحظته من الشطر الثاني لكن الشطر الاول في اغلب الابيات ماعرفت اقراه مضبوط لذلك وجب التنبيه تراك انت فيك عجله)

والى الامام

[ولد غابي]

يابو رديعه ،،، أنت مدوختــك المحاوره،، تبا تقرا كل قصيده على طرق المحاورات

وأبك والله ،، أن اللى خلاني انظم البويتات اللى أنشرها الا تحدي وعناد والا أنا والله مالي ومال الشعر ،،، لكن وأنا خوك حتى الفصحى سويت على تفاعيلها أبيات،،، ولعلمك أنا مالحن بالقصيده لا سويتها تهلهل علي وياللاه الحق كتابتها،، والله مدري هو شعر اللي أكتبه ولا نثر ،، المهم ،، أنا أكتب وأنتم تقرون ،،، هههههههه

نقطه أخيره ،، كان تبا تعرف لحنها سجلتها لك على شريط ،، بس على شرط ترد علي ببويتات مثلها وعلى لحنها،،

مع تحياتي

[أبو رديعه]

ابك ابك هههههههههههه لا صدقت يابو طلال انا معلمك من اول ماقريتها زين


لكن تمنيت تراها ثقيله فالبيت الاول والعذر والسموحه انا خابر انك ماتخطي


بالنسبه للشريط 00الناس تطورت نزلها في رابط وابشر بالرد

مع تحياتي واسمحلي ماقلتها الا حرصا على المنتدى وانت خارج دائرة الشبهات

[فهد العايضي]

صح لسانك يابوطلال

قصيده رائعه جعلك تسلم

[ولد غابي]

الأخ أبو رديعه ،، عنيد دايم

شف وانا اخوك كلمة ((تمنيت)) اقرأها بسرعه ولاتطلع منها الا التاء الأخيره على شان تجي معك وتازن لك البيت بلسانك أنت،، وبعدين لو أني في بداياتي كان عذرتك وقلت يمكن ،،، هههههههه

عموما سبق وقلت لك أني ماالحن قصيدي ابدا ولله الحمد الأبيات تهلهل مثل المطر وأكتبها على الكمبيوتر،، ولا عمري سويت قصيده الا طباعة من فكري للحاسب فورا ثم أنساها بالمره.. وكلن له طبعه،، وأنا أعرف أن طبعي أقشر بس ويش أسوي حيل الله أقوى.......هههههه

لك تحياتي

الأخ: الغريب

شكرا لك على مرورك وصح بدنك يالغالي

ولكم جميعا تحياتي