قصيدة الأسهم للــشــاعـر / سـفـر بن مـشـعان الـعـتـيـبـي

[بدر الروقي]

[align=center]السلام عليكم ورحمة الله وبركاته


اقدم لكم قصيدة للشاعر / سفر بن مشعان العتيبي

وارجو بأن تقبلونها [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله أبدا بذكره منشي أبـروقـه= سـبحان من بالسما الأمزان سايقها
ربٍ كريمٍ لطيـف بحال مخـلـوقـه= الواحد اللي كفل خلقه ورازقـهـا
أبدا بتفسير حال السهم مع سـوقـه= أسواق الأسهم عسى الرحمن يحرقـها
طبيت في وسطها والنفس محـروقـه= أدور الربح والأمـوال عاشـقـها
وأخذت ذخر الزمن قطيت صنـدوقه = حصيلي اللي عن الأنظـار مدرقـها
قالولـي الناس سوق الخير مطروقـه= والناس يامدور الأربـاح عانـقـها
وأخترت سهم المواشي عالـىٍ ذوقـه= صيته طغى فوق الأسهم صار فاسقها
والناس يـمه تـهد الطير بسـبوقـه= ماتدري إن الشـرك بيدين سـايقها
هامورها اللي يزود السـعر ويسـوقه= يسحب من العرض صفقاته ويسرقها
ويحط في خانـة المطلوب منطـوقـه= رمز العصـابة عسى الباري يفرتقها
يرسـم لهـم خطـةٍ صعبه وموثوقـه= والناس مثل البسوس تحب خانـقـها
يشـيل منهم ويجمـع كل ممشـوقـه= والناس تعطيـه مامعـها وترشـقها
والياشبع وأنتهى وأنكشفت فتـوقـه= حول عليهم كما محوال باشـقـها
ثم رشهم رشت الرشـاش ماتعـوقـه= والناس في غبـة الأسـعار يغرقـها
حسبي عليه الجشع نســاه مرزوقـه= عجوزنا اللي بوسـط الراس فالقـها
كانت عجـوزٍ عزيـزه حيل مرموقه= ومن عقب الأسهم تصيح وبان مفرقها
والعود مصلح حبيب الشعب معشوقه= بعد الخساير يصلي صوب مشـرقها [/poem]

[align=center]
مـع تـحـيـات

ابــن روقـ [/align]

[إبن ثعلي]

مشكور يابن روق وصح السان الشاعر سفر الغبيوي
تحياتي

[بدر الروقي]

مشكور عالمرور يابن ثعلي


وتحياتي لك


ابــن روقـ

[الزيـادي]

مشكور يابن روق وصح السان الشاعر سفر الغبيوي
تحياتي

[السيف الصقيل]

صح لسانك ولسان الشاعر / سفر بن مشعان العتيبي

قصيدة وافية

تسلم يابن روق

[بدر الروقي]

صحت أبدانكم جميع

ولاهنتو عالمرور


تحياتي لكم


ابــن روق

[محمد العتيبي]

ابن روق يعطيك العافيه على النقل وصح لسان الشاعر سفر العتيبي

[بدر الروقي]

الله يعافيك يابن العم ولاهنت عالمرور الرائع


تحياتي لك


ابــن روق

[النـايــــــف]

صح لسانك اخوي ابن روق

وصح لسان الشاعر سفر بن مشعان الغبيوي

وبيض الله وجهك يا الغالي

على هذا الاختيار الرائع

وللمعلوميه كان سفر أحد أعضاء هذا الموقع


تحياتي لك ،،،،

[بدر الروقي]

صح بدنك

ووجهك يالذيب


ماشاء الله اخترتو الشاعر المبدع ليشاركـ بقصائده الذهبيو هنا


على العموم


مشكور عالمرور ولاهنت يالغالي


تحياتي لك


ابــن روق