مابغت العضوية تتفعل ( اجل اربعة سعوديين يكفون ؟ قال ايش قال الشعر من راس مطنوخ ) امحق شعر والله

[كلمة السر]

[align=center]السلام عليكم ..

مابغت العضوية تتفعل .. اشوى الي ماتفعلت بعد مسابقة
شاعر المليون ابو بالاصح مسابقة لجنة الفشل ..

اولا تحية الى كل عتيبي على وجه الارض ..
والحمدلله اللي الله خلقنا عتبان .. يالله لك الحمد ..

نجي لموضوعنا الاصلي .. او الموضوع الي ابي اكتبه
انا هنا او الي جاي عشان اكتبه هنا او الي قاعد انتظر
التفعيل عشان اكتب هالموضوع ..

تخبرون الشاعر التحفة الحبابي الاماراتي ..
ابد الي يقول ( الشعر من راس مطنوخه هههه )
جعلي اطنخه والله بكم شلوت ...

والكلام على مسؤوليتي .. كل مابذكره الحين على مسؤوليتي
ولعلمي وتأكدي ان هالمنتدى بالذات متابع من قبل راعي البيض
واللبنة وابو (غ)ـلب اسود ( مافيك حيلة ) والي يقول ( عِسل ) هههه
يالربع شلون تنكسر كلمة عسل وتصير عييييسل هههه
والاهبل الثاني الي اصلا لاهوب من مملكتنا مغير قاطن وجهه ..
والدليل شوفوا شخصيته ولايهون الشاعر الي يقول :
( امي ماهي ام امي كنز حنييييييييييييييييييييه ) مع مطة الياء
عشرين الف مطه وكسرها عشان تعرفون تقلدونه ...

كتبت هالمووضوع ..

من كان يستحق التاهل هو الشاعر فهد القثامي ...
وسبحان الله الي كان نسبته 16 صار نسبته 28 !! مدري 26 !!
ياسبحان الله في ليلة وحده يصير ابو راس مطنوخه 28 مدري 26!

المتأهل المفروض فهد القثامي ..
واتحدى لجنة التحكيم واحد واحد ..
واتحدى مديري مسرح شاطيء الراحة ( الهنود )

وللعلم فقط .. تعرض النتايج قبل ساعه فقط من بداية الحقلة
على الشيخ الكبير الي قال :
( شو ها ؟ اربع سعودين
وتبون تزيدونهم واحد خامس شو هالرمسة ؟؟
ومافيه ولا اماراتي بالنهائي ؟؟ هاي فضيحِه !
اهلوا الحبابي ويكفون اربع سعودين شو هالرمسه ) !

هذا بالنسبة لخروج النجم فهد القثامي ..

بالنسبة ليوسف .. جعلي فدا عويناته ...
فانا نصيحتي له مانيب قايلها الا بالاخير ..

اولا :

الفائز منتهي امره ..
والخطة خربت عليهم بتأهل يوسف وحصوله على
تصويت قوي جدا ... جدا ..
واكبر دليل تعالوا خلونا نرجع شوي ورى للمسابقة ..
تذكرون يوم عرضوا حلقة وقالوا فيها ان المتاهلين للنهائي
ثلاثة فقط .. ويكون الاختيار من بين هالثلاثة ..
تذكرون ياعتابة ولا ماتذكرون ؟؟

وراها اختلفت القوانين ؟؟
ومن غير القوانين ؟
وليش تغيرت ؟؟
وش السالفة ؟؟

تعالوا نرجع لارقام التصويت في اخر حلقة نبي نلقى ان الثلاثة الي المفروض
يطلعون هم محمد بن مريبد العازمي ( وابو راس مطنوخه ههه ) و ( تركي الميزاني )

وكان من المفروض ان الي يبي يبقى هم :
يوسف العتيبي ( والنعم ) وعبدالرحمن الشمري وبن فطيس ..

ليش تغيرت القوانين ؟؟
ماهوب من المفروض وعلى اساس نظام الحلقة من البداية ..
ان الشاعر الميزاني وبن مريبد المفروض يطلعون مع ابو راس مطنوخه ..
ليش انقلبت القوانين وصارو واحد يطلع وخمسه يقعدون ؟؟؟

وش اللي تغير ؟؟

طيب بالعقل .. يااخوان : بن فطيس .. لو كان جمهوره من قطر يصوتون له
هذا اذا كان قطر كلها قطريين ... ومع بعض التحالفات من بعض القبائل ..
حلونا نوصلهم الى 5 مليون شخص الي صوتوا لابن فطيس ...

وش نقول عن تركي الميزاني ( ولا ابي اقول يوسف في البداية عشان مايقولون متحيز )
تركي الميزاني جمهوره يصف جمهور ابن فطيس على جنب .. وهذي حقيقة
لايمكن لاي شخص ان ينكرها ..

نجي ليوسف ونقارنه بابن فطيس .. عتابة في كل مكان موجودين .. ولاهم تاركين ولدهم نهائيا ... ولو جينا وقلنا منهم عتابه .. بيكون الجواب ( دايركت ) :

هم المملكة العربية العتيبية ولا يقدر ولد ابوه انه ينكر ...

وش قصة ابن فطيس يصير اقوى تصويت واكثر تصويت ؟؟
ماحد يختلف على شاعريته .. لكن الاختلاف على جمهوره ..
فان كان من قطر فقطر ليست كلها قطريين ..
وان كان قطر والتحالفات فهل يعقل ان يكونون بحجم جمهور يوسف والميزاني ؟؟؟

اذن ابن فطيس يلعبون به لعبه ضدنا ..

نرجع مره ثانية لتركي الميزاني :
تركي الميزاني يقول ان الامير سلمان اتصل عليه .. وهنأه وقاله انت احسن واحد
ياتركي وانت الشاعر الي مايشق له ضروس قصدي غبار وانت الي مافيه بعدك ..
على كلام تركي طبعا ...
كذاب تركي بوسط وجهه ..

الامير سلمان اتصل على تركي قاله ترى البيت الي قلته عن (قبل هيت ) ماهيب للملك عبدالعزيز لواحد من اخويا الملك عبدالعزيز .. حبيت اوضحلك هالشي ..
وقاله اتمنى لك التوفيق ( فقط ) ماقاله مثل مايقول تركي الميزاني ..
يعني بلا هياط ياتركي ..

اخيرا : نجي نـ ( غ ) ـلب سيرة المهايطي ابو البران حمد السعيد ( وش اصله ؟ )
حمد السعيد حالف ان يوسف مايفوز باللقب .. ليش طيب ؟؟ عشانه قاله ياصلبي ؟؟
يوسف كما هو معروف انفعالي جدا ولايهمه احد .. وللعلم يوسف يقول لولا احترامه لصاحب البلد الي هو فيه .. كان خربها من زمان .. وللعلم يوسف اعطى لجنة الفشل قصيدة عن صدام حسين ورفضها ( مافيك حيله ) بسبب انها تمجد القائد العظيم صدام حسين ... وكانت هي الشرارة لكره يوسف ..

اما راعي البيض واللبنة .. فابن عبيان لعن خيره .. وصارت بينهم مشكلة اعتقد
ان الزملاء في كثير من المنتديات اسهبوا في شرحها ..

اخيرا املك كثير من المعلومات عن هالاغبياء لجنة الفشل ..
لكن ياعتابة :

حمد السعيد عطى يوسف ( صفر )
وسلطان العميمي عطى يوسف ( صفر )

واللقب اعتقد امره محسوم ...

اخيرا مانيب ناصح يوسف انه ينحسب ولا يجلس .. هو الي يعرف مصلحته وين
ولكن نصيحتي ليوسف انه يكتب قصيدة يبين للجمهور الظلم الي وقع عليه وعلى
فهد القثامي .. وبس .. لو اعاد يعطيهم وجه سواء فاز ولا مافاز ...

وعموما يكفي فوز يوسف بحبنا له ...
ويكفينا اننا كسرنا خشومهم واهلنا يوسف ..

حنا عتيبة لنا عادات ياللجنة
من دون يوسف تنومسنا رسايلنا
لن قاله الله لنرخي روسكم بذنه
كم شاربن ضاع في زحمة شواربنا
شيختو البيك راع البيض واللبنة
وحنا عن البيك محشومة مشايخنا
مادام نياتكم وافكاركم عفنة
حطو صفر رايكم ماعاد يلزمنا

بالتوفيق ...[/align]

[كلمة السر]

على فكرة نسيت اقول شي :

ليش اجلوا الـ 25 بالميه وخلوها للحلقة النهائية ؟؟
وليش خلوا 25 بالميه الحين ؟؟

ليش التلاعب ؟
ام لان الللقب اصلا محسوم لشاعر بعينه ؟؟

اترك لكم التعليق ..

[com.العصيميهwww]

كلمة السر

والله انك جبتها

بس ماهمتنا المليون

عتيبه اثبتوا وجودهم غصب عن اللي مايرضى

وهالصلبي السعيد منقهر من يوووسف الله يزيده

وانا بصرااحه مستغربه من نسبة ابن فطيس ....!!!!!

مشكوور أخوي ومافيك حيله ، وخير من يمثل عتيبه ^_^

[الحصان]

ياخوان مايجب الطعن في الانساب نحن صحيح اخذنا في خطرنا على الاستاذ حمد السعيد في تعامله مع يوسف العتيبي ولكن لايجب ان تصل بنا الحمية في ابن عمنا إلى ان نطعن في نسب السعيد فالمعروف ان السعيد اصلهم من قبيلة بني تميم وبني تميم من اعرق قبائل العرب والسعيد كانو محالفين الظفير ولكنهم لم يضيعو اصلهم

[أبو سعد الدلبحي]

كلمة السر سلمت على الكلام الطيب والكافي والوافي
وصح لسانك يا الغالي


( الخلوي ) حمد السعيد: يتحدى عتيبه يا كبرها عند ربي
سلطان العميمي: الله يطول بعمرررررررررررررررررك حادر شعيب
ابو لغابيب: وين عرفت الكصيده النبطيه علشان تقيم يا ابو شكيب
تركي المريخي: هو شرارة المشكله من حقده على العتبان

علي المسعودي : تسلم يمينه واشهد انه اطيبهم