موهبتي الجديده ....لاتطوووفكم ..

[اصايل]

صباحكم / مساءكم ابداااع


:
والله اني اكتب وانا ميته ضحك


/

كلكم تعرفون سالفة جوالي ...ماخلت احد الا بشرته

من الفرحه عاد قلت هذي القصيده ...قصدي الابيات ,,,,,(( تكفين ياخلف بن هذال ))

ابيات طريفه وادري انها مشرقه ومغربه وحدها معفوسه بس عاد ابت الا ان تأتي بين ايديكم ..حطوا تحتها مية خط ..... برااااا

ماعليكم الا تمرون وتقولون رايكم وتنقدون ..

اتقبل تهانيكم ....اقصد تعليقاتكم برحابة صدر



:


استلموا ....

:


يـانـاشــــدن عن جهــــــــــازي .. صلـــح من صـــــــا لح النيَــــــــه

ركبت انا وحســــين ســواقي .. ننصى محــل(ن) فـ ..الصناعيَـــه

تســـــلم يديـــن ابن الاجــوادي .. سواه بخمــــسين وميَـــــه

ماهيــــب حســـــــوفه في كحيلاني ..يـــــاعــــل ماتلحقه ســيَه

وقبلــــه الشـــــــكر للـــوالــــــي ..يومنـــــها تسهلــــــــت ليَـــــــه

وصلـــــــوا على النبي الهـــــــــادي ..لاهبــت النــــود عصريَــــه



وسلامتكم ..



عقب هالقصيده شعاري

الواثق من شعره يمشي ملك برا ولي يرحم والديك ..


ناطرتكم ..

[نايف تراحيب]

الحمد لله على سلامة جهازك يا اصايل :)

وصح لسانك على مشاعرك

وبالنسبه للأبيات تفتقد لأساسيات القصيده من ناحية الوزن ومن ناحية القافيه في الشطر الأول :)

ما عدا بيت واحد تقريباً وزنه سليم :)

وحيآك الله

احترامي وتقديري


/


،

[اصايل]

حياك الله يانايف

والله يسلمك ويبقيك ..

انا اعرف الاساسيات وعارفه ان الشطر الاول حادر شعيب :)

بس ماضبط معي ههههه

اهم شي المشاعر صادقه :)

وكمان من باب تغيير الرسميه ومن تلطيف الجو جبتها هوني والا بالامكان مااعرضها للنشر

مخافة العين


لاخلا ولاعدم يابو تراحيب

شرفت ..

[عزيزة الجناب]

الحمد لله ع سلامة جهازك

والمشاعر عامره

وقدام قدام بكره تصيرين شاعره اد الدنيا

عاد لاتنسين وخيتك

وتسلمين ي اصايل النشيطه اوي اوي

دوك

[وجودك يكفي]

مبرووووووك مبروووووووك وصح لسانك

مبروك على سلامة الجهاز ومبروك على البدايه الشعريه

الله يبارك في هالجهاز اللي طلع المواهب ..

لآهنتي يا آصايل


احترامي

[اصايل]

افا عليك اما انسااااك ..!

كلها كم شهر ياعزيزه وتشوفين اوخيتس تنافس الكل ......

بس اصبري الصبر الزين :)

:


الله يسلمك يابعدهم

ومشكوره ع الطله الحلوه

تعالي كلبو دايم :)

[تباريح الروقي]

علييه الصلا ة والسلام

ياسلام ع الواثقين

دووك~


الحمدلله ع سلامة طويل العمر والعودة ساالم غانم

والله انا عن نفسسي اعجبتني الابيات.. وبدااية موفقه يالغلا

لكي كل ود وتقدير

[عهود]

صــــــــــــــــــــح لســــــــــــــانك يالأيفونيه وعقبال الألفيه ههههههههههههههههههههههههااي

[عبدالعزيز الفرج]

صح لسانتس يا اصايل ومبروك صلاح الجهاز والبداية الشعرية

أضم صوتي لصوت نايف تراحيب


والفكرة حلوة :)

[مهـرة مـطير]

يامساء الابداع للنّاس المبدعه

الله الله شنو هذا يا اصايل صح لسانج

ومبروك تصليح الجهاز والله يخليه لج ويطول بعمره :)

يالله بانتظار الجديد اذا محتاجه مساعده في تنظيم ابيات

لاتترددين انا موجوده <<اقول برا بس