[align=center]
[poem=font="Simplified Arabic,5,red,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
يا مل قلب ٍ كـل مـا قلتلـه هـد= قام يتهشم من ورا حدب الاضلاع
اليا طرت طريا المواليـف يرعـد= واليا نهيته ما سمع لي ولا طـاع
وجده وجود اللي مورد على العـد= وعيو هل المارد على ورد الاقطاع
وبغى يسايسهم وعيو عـن الـود= وكل على رايه صـدود ومنصـاع
فكر بـذود ٍ مـن ضمـاه يتهبـد= وصمل وماهو للمعاديـن مطـواع
تكاونـو والعـود مالـه مسانـد= ينخى ولا حوله من الناس فـزاع
وقام يتعزوى والحق الجد بالجـد= يكـر بلحالـه ولا هـو بمرتـاع
شق الصفوف لعين رويانـة القـد= وحول ومد اللي للارقـاب نـزاع
ياخذ علـى الجمعيـن رد ٍ ورا رد= من هيبته من صيحته ترجف القاع
وحول عليه اللي من القوم منهـد= وصكه على رجله وكسرت ولا فاع
ثم ربطوه وكل مـن ناظـره لـد= عزيز قوم وذلتـه قصـرة البـاع
تقاسمـو ذوده ولاهــو مـعـود= قدام عينه ميـر طايـع وخضـاع
وضح ٍ بياض اوبارهـن متزايـد= برق ٍ من القبله على مزنته شـاع
راحن ومن وما فيه ما عاد به سد= ارخت عيونه فوق الاوجان الادماع
من حسرته يصفق على اليد باليد= ومقسم ٍ همه على انصاف وارباع
نوب ٍ يكابد كسرت الرجل والكـد= ونوب ٍ يجاوب عوية الذيب لا جاع
وبعد التعب حصل مع الموت موعد= وحتى وهو ميت تعشنـه اسبـاع
هذا وجوده وجـد قلـب ٍ مجاهـد= اليا سلم من صاع يردفله بصـاع
عليك يالمجمول يـا باهـي الخـد= يا سلعة ٍ ما هي لشـاري وبيـاع
طالبك يا راعي الجبيـن المـورد= ناظر بعيني كود تشرح لك اوضاع
عن كل زين ٍ غيركم خافقي صـد= اعطيك ودي وانت تعطيني اوجاع
اغليـك و اودك وداد ٍ بـلا حــد= والقلب بفراقك حزيـن ٍ وملتـاع
رح واعرف اني لو تصد وتباعـد= مسكر ٍ عن عاذلك كـل الاسمـاع
وان جاك يوم وقلت لك بتركك جد= اصير مفري ٍ فري عشرة اصبـاع [/poem]
مطلق الجبعا[/align]
| 
|
03-18-2007, 10:11 PM
المواضيع المتشابهه
العرض العادي
