مرثية ذيب الشمري في المرحوم بإذن الله نواف منور العازمي

[خيال الصبحا عطو]

لاشك ان الساحه الشعبيه فقدت في يوم الاربعاء الماضي الشاعر / نواف بن منور العازمي شاعر المحاوره الاول بالكويت وقد رثاه الكثير من الشعراء، رحم الله الشاعر نواف العازمي
واختار لكم هذه المرثيه الصادقه من صديق دربه الشاعر / ذيب الشمري


هذة مرثية ذيب الشمري في المرحوم بإذن الله نواف منور العازمي


كن الخبر رمحٍ تخلـل ضلوعـي
رمح الفراق اللي للاعمار قصّـاف
صحيح ماهو واحدٍ من ربوعـي
مير الوفا فوق الطوايف والاطياف
شقيق فكري في بدايـة طلوعـي
اخوي في حكم العوايد والاعـراف
بين الصفوف الحاميه والجموعي
ياما لنا في ساحة الشعـر ميقـاف
بالقاف يضربني على راس كوعي
واضربه مابين الحجاجين بالقـاف
على الشرف ندفع سلاح الدروعي
من شان تعزيز المواقع والاهـداف
في علم ترويض الاسود الهجوعي
في ساحته صرنا مروّض وعساّف
حتى بدت تمشي بطوعه وطوعي
والسبع راقي بالتعامل ليـا خـاف
واصبح حليفي بأتحاد الفزوعـي
يوم الزمان اصبح مجاميع واحلاف
من سنة الرحمن ماني جزوعـي
لكن معي قلبٍ مـن الـود شفـاف
حفظ الصداقه من جواهر طبوعي
اموج بالذكرى شـراعٍ ومجـداف
ادفع ضرايبهـا ولانـي منوعـي
مااظمها في خاطري شكل وغلاف
عليه من جوع الغلا زاد جوعـي
ماهو مثل جوع البهايـم للاعـلاف
جفت ينابيعي ويبْسـت زروعـي
عشرة عمر نسيانها ظلم واجحـاف
وفي حين صلينا عليه بخشوعـي
وحطوه في قبرٍ فصال اربع اطواف
اقفوا وانا عنده تـذارف دموعـي
اخر رجل واقف على قبر نـواف
يامن لحكمك معلنين الخضوعـي
انت الكريم وتكرم الضيف لا ضاف
عبدك وضيفك في مقامٍ يروعـي
عن رحمتْك ماله وساطات واسعاف
يالله لاتحصـي عليـه الوقوعـي
في ما نهيت وشفت والغير ماشاف

[ރسلايـل المجـدރ]

[align=center]يعطيك العافيه وصح السانك والسانه [/align]

[ناصر بن سعدي]

خيال الصبحا


لاهنت على النقل المؤثر...

ورحم الله الشاعر/نواف العازمي


وأسكنه فسيح جناته وألهم ذويه الصبر والسلوان ,,

وبيض الله وجه..

الوفي الشاعر/ذيب الشمري..


وأحسن الله عزاكم في فقيدكم..

[إبن ثعلي]

لاهنت ياخيال الصبحا على نقل هذه المرثيه الرائعه وصح السان ذيب الشمري ورحم الله نواف العازمي
تحياتي

[الدعجاني99]

يعطيك العافيه ع النقل


صح لسان الشاعر


تحياتي لك