مجموعة قصائد للشاعر / بندر ابن سرور العتيبي

[براقة الحذى]

قصيده للشاعر بندر بن سرور
هذي قصيده للشاعر بندر بن سرور
وبعدها خرج وهو مختل عقليا

القصيده:ماني وانا بندر


[align=center]يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ على الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلب كل مامات همـــــــــه = دارت دواليب الدهر لين تحييــــــــــه
فراق شمل الناس عيا يلمـــــــه = وقت يشيب الـراس من شاية فيــــــه
احد ينام وحاط راسه بكمــــــه = واحـــد تخم النوم عيـــنه وتخطيــــه
واحد يحاول بالردى بنت عمـه = واحد يحاول ستر عذرى عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيع لابسات الازمــــــــه = ثور يــبابيض الرعــــابيب تغنيـــــــه
يزعل ليا جت ليلة الدور يمــــه = يرضى بسوق المال فخوه وفابيـــه
خطو البخيل اللي يكبر معمــه = يقرا الكتاب وواجب الله يخليـــــــــه
إمر هرج لك في رفيقه بنمــه = والا عطا وامه تضـــيع هقاويــــــــه
أنشدك ياللي كل فرض تتمـه = تقرا الكتاب وكل فـــرض تصليـــــــه
ويش القليب اللي غميق مجمـه = مافاد غرسه ماه وعطشى سوانيــه
تخالف الانظار شرق ويمــــــه = وكل هدف رآيه من الناس مرضيـــــه
سم السبب ياعارف عنه سمعه = سم السبب ياعارفه قبل اسميــــــه[/align]
:
:
:
وبعد هذي القصيده يقال له بين ابناء عمومته مرجوج
وذهب في يوم عندي شيخ قبيلتهم وطرق الباب وردة ابنت الشيخ وسئلها عن اباها
فذهبت تنادي ابها بصوت عالي وتقول : يبه المرجوج عند الباب يبيك
فقال هذي القصيده فيها

[align=center]يا مالي الذرعان مانيب مرجــــوج =رجتــــــني الدنيا بغدر وحيلـــــه
يابنت لولا اللي على تاسع الفــوج = تركت نجــــد وعزوه بالقبيـــــله
لا شك حاديني على نجد هـــيدوج = مسقى الفيافي لين يدرج مسيله
تركي لي من البلاوي غدن عـــوج =حملــه عتيبه كلها ماتشيلــــــــه
يرسى كما مينا البواخر على الموج= ومنين ماصك البحر ترتكيلــــــه
مادام تركي حي مـــــــاودي ادوج =وان غاب غبت من الرجوم الطويله[/align]

بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه ]
دعواتكم للمغفور له بندر بن اسرور العتيبي
مع تحيات / براق الحذى

[ظافر العتيبي]

الله يرحم بندر بن سرور

القصائد فيها بعض الاخطاء مثل (يامالي الذرعان) الصحيح (ياسهيف الذرعان)

وغيرها من الاخطاء

والكلام الذي ذكرتيه بأنه اختل هذا كلام غير صحيح وبندر مات وهو كامل العقل ولا يجب ان نقول كلام غير صحيح ولا يجب ان نقول عن موتانا هذا الكلا م والرسول صلى الله عليه وسلم قال (اذكروا محاسن موتاكم) أو كمال قال صلى الله عليه وسلم...

اشكرك على النقل حتى لو كان عليه بعض الملاحظات...

تحياتي

[ميااااسم]

مشكورة اخت براقة الحذى على النقل ولكن.....

هناك خطاء في القصيدة الثانية مطلع القصيدة..... ياسخيف الذرعان
واحب انوه على مناسبة القصيدة الثانية ابناء عمومة بندر بن سرور عمرهم ماقالوا عنه مرجوج بل كانو يفتخرون به دائما
وعلما بان المراة التي طرق عليها الباب ليست من بنات عمه وكانت من فخذ اخر
ولمن سالت من الطارق وكانت تعرفه جيدا وهو يعرفها ايضا فحب ان يمازحها
فخافت وقالت هذا شكله واحد مرجوج وكانت لاتعلم بانه بندر فكتب هذه القصيدة ردا على كلامها

انا اعرف بندر بن سرور جيدا تربطنا قرابة فارجوا احترامه هو شاعر من شعراء عتيبة
الله يرحمـــــــــــــك يالعطـــــــــاوي





تحياتي لكي حبيبتي اختك........ مياسم

[الرومنسي]

الله يرحم بندر بن سرور

مشكورة اخت براقة الحذى على النقل

مياسم





الله يعطيك العافيه على الكلام الرائع