حنا جبلنا للصعيبات ) عتبان )

[ولد العالي]

السلام عليكم ورحمة الله

يشرفني ان انقل لكم هذي القصيده الجميله والكبيره

وبصراحه قصيده معجبتني كثير وقصيده تحكي عن الواقع الصحيح للي ليس عليه خباار

تتكلم عن جزز من تاريخ عتيبه

وانا والله ماعرف مانهوو صاحبها لكن قصيده روعه وشاعرها اروووع بعددد

,,,,,,,,,,,,,,,,,,,,,,,,,,,,منقوله؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛



_______________________________________


للطيـبـة هيـبـة وللـعـز تيـجـان
وللشعـر رواد وللـقـول مضـمـون
والادمي قبـل الشعـر قلـب ولسـان
ما يرفعـه شعـره معـا مـن يغنـون
ما قيـل إبـة رجـل تمرجـل بقيفـان
حتى ولـو يشهـره ينقـال مـا لـون
لـو القصيـد يغيـر أحـوال الانسـان
ما كـان بالشعـار صاحـى ومجنـون
ولـو الرجولـة بالقـوافـى والاوزان
كـان العـذارا للرجـولـة ينـالـون
سبحـان رب معتلـى فـوق سبحـان
قـد قـال بـأن الاغلبيـة يهيـمـون
ملا رحمـه الـرب لاشـك خسـران
هذا الصحيـح وقولـوا اللـى تقولـون
يارب تجعل لـى عـن النـار مزبـان
يامخرج من ظلمـة البحـر ذا النـون
هذا ونـور الصبـح لـلان مـا بـان
وأصبحت ويا الليـل عاشـق ومفتـون
الليل فـى عتمـة ظلامـه ليـا حـان
سجة فكر للـى مـن الوقـت مشحـون
أرتاح عن صخب المدينـة والاشجـان
وانـادم النجمـات عـن كـل مكنـون
وأشيل جزل القـاف وأجـر الالحـان
وأقطف ثمر ما لاق من كـل مـوزون
على مدار الفكـر فـى كـل الالـوان
أطلقت لى فكـرٌ مـن العـام مسجـون
حنـا جبلنـا للصعيـبـات عتـبـان
رجالنـا يسـوا مـن القـوم ملـيـون
لاعلى الشموخ إلنـا مهابـة وعنـوان
بالسيف سطرناة مـن خلقـت الكـون
قبيلـة فـى فعلهـا يفـخـر الــزان
تشهد بهـا العـدوان وبليـس ملعـون
عتبان ناصـل فـى هـوازن وعدنـان
وحنا خوال المصطفـى خيـر مأمـون
نرعى الخطر فى شف حلوات الالبـان
تأمـن بأسامينـا وحنـا لهـا عــون
يانجد ياكم طـاح بـك روس شجعـان
اللـى بصكـات الحـرايـب يهـلـون
ياكثر ما ضـم الثـرا فيـك شيخـان
وكم راس قرم فى صحاريـك مدفـون
خلى عشـا للسبـع والذيـب سرحـان
مضيافهـم بأفعالنـا كــل دنــدون
يا نجـد مـا جينـاك للـدار ضيفـان
ولا تزعمـنـا بـأتـوات وفـنــون
جينـاك بسيـوف تعـزوى بفرسـان
اللـى علـى حبـك لـلارواح يهـدون
قبايـلٌ تسكـنـك مـاهـم بـرديـان
لكنهـم بالمعركـة مــن ينـاحـون
تنزحوا من عقـب روغـات الاذهـان
من فعـل هنـدي للارقـاب مسنـون
ورفرف علم عتاب فى كـل الاركـان
وزاحت قبايل نجد عن نجـد بضعـون
ما سمـوا الهيـلا تمازيـح وإحسـان
ألا بفعـل يجعـل الخصـم مطـعـون
فعايـل يشهـد بهـا الانـس والجـان
وعيب على هرج بـلا فعـل مقـرون
ويشهد بها نجـد المسمـى والاوطـان
وأهـل البصايـر بالتواريـخ يقـرون
هذا الصحيـح محكحـك بكـل ميـزان
وهرج بليـا ثبـت لا طعـم لا لـون
وتبقى القبايـل شامخـه دون نقصـان
ومدحى لربعى ما ينقص مـن الشـون
أبفتخـر وأنثـر مـن القـول ريحـان
ومن لامنى يعيـش ويمـوت مغبـون
مانـى نديـم لكـل غـاوى وجـبـان
اللـى علاقتهـم كمـا سيـر مدهـون
علاقـةٌ مــا تنتـوثـق بسيـسـان
تصبح كما جمـر علـى راس غليـون
أهل الرخـا لـو تعتلـى كـل ميـدان
غسلتهم عن طرقتـى غسـل صابـون
أنــا نديـمـى لـلـوازم كحـيـلان
راس ما يقبـل منـزل الـذل والهـون
فى لازمة أسـوق لـه غـال الاثمـان
وفى لازمى يصبح لى حصون وحصون
له بالغلا فى داخـل الصـدر صيـوان
وانا أدرى إنى داخل القلـب مصيـون
قريـب وألا بعيـد فـالامـر سـيـان
ما عنـه تصديـد ولا عنـه مرهـون
ياليـل فـى داجيـك للشعـر مسكـان
حيث الهدو فـى عالمـك دوم مسكـون
أرعـاك لوحـة تنتظـر رسـم فنـان
وأرسم على خدك هواجيـس وشجـون
وألبسـك مـن فاخـر الشعـر تيجـان
فيها من الهوجـاس للفكـر مضمـون

[إبن ثعلي]

ماقصرت ياولد العالي اختيار رائع
تحياتي

[فهد العايضي]

قصيده جزله ياولد غابي جعلك تسلم

صح لسانك ولسان شاعرها


تحياتي

[ولد العالي]

هلا وغلا






هلا برد هلا المرور الحلووووووو

هلا بكل قلبي


لك يابن ثعلي

وربي انه فخر للي انك تقرراء موضوع منزله انا وربي وسام علي صدري



تحياتي لك



يابن الكرم والجود

[ولد العالي]

الغريب


هلا وغلا والله تسلم بناايابه عن وولد غابي



بس ياخوي انا اللي منزل القصيده ماهو ولد غابي


بس مشكور علي ردك وعلي مرورك الكريم


تحياتي لك يااااااااااااااااااااااااااااااااااااااااااااااااا ااا







عسل انته

[طالع]

ياولد العالي الضاهر انها قصيدة خالد الذيابي وهو معنا بالمنتدى

[النـايــــــف]

شكراً على هذا الاختيار


يا ولد العالي


تحياتي لك ،،،،،

[ولد العالي]

شكرك علي كل من مررر علي القصيده



تحياتي لكممم

[ولد العالي]

صاحب القصيده الشاعر المخضرررم الرايع خالد الذيابي



وصح لساانه

ويعطيه الف عاافيه


تحياتي ياخ خالد