اليوم جايب لكم اخوكم سويلم عرنان الخراص قصيده بعنوان ( الـنـــــادره )
وجياب لكم برضه رد الشاعر سلمان عزيز الحافي وعسى ان نكون قد وفقنا في اعجابكم
[poem=font="simplified arabic,5,black,normal,normal" bkcolor="transparent" bkimage="backgrounds/27.gif" border="inset,5,chocolate" type=0 line=0 align=center use=ex num="0,black""]
ياالنادره ماني بليد الاحاسيس=فاهمك لكن صدتي بأعتمادي
أخذ الحذرفي مجتمعكم جواسيس=يامنوتي ياجعلهم لنفادي
اهل الحكي بالحكي ماهرهم ابليس = لاتحسبن الوضع يازين عادي
واناتراني من حرارن قرانيس =أحسب حساب المهزله والنقادي
اقفل مجال الذبذبه للهداريس=الوضع مايضبط يكود انفرادي
حتى تهيض اصدورنا اللي محابيس=لينتها مبديت يأبدأ فوادي
وننسى زمان الوسوسه والهواجيس=ويطيب جرجن مانفع به ضمادي
يأم العيون الفاتنات النواعيس=خل الملامه وانت غاية مرادي
اسهوم حبك فالضماير مغاريس=والنوم والله مهتني في رقادي
اهيم بفكاري لوقت الغطاليس=واخشى نهاية حبنا بالنكادي
اكبر مثل لهل الهوا فالهوى قيس=خل وخليل و راح كلن بوادي
وان صارفي عشقي وعشقك عواكيس=وتقفلت كل المخارج وكادي
ولاعادتنفع كلمة ابليز مع ييس=وجهتها للي يحكم الزنادي
نخيت اناالنشمي بعيدالمراميس=الحر الاشقر في وسوم الهدادي
كساب قولة نعم وابوالنواميس=ابوعزيز ذيب ليل الهجادي
من لابتن تبقى على عز تأسيس=ويبطي سقيم اللي لقومه معادي
أرماحهم فاضدادهم مالها قيس=أحفاه قومن يتعبون الجوادي
تمت وصلو عد نجمن مقابيس = تال الشهروالجوكله سوادي
واعداد مايحمس بوسط المحاميس=بن اليمن بعد انكفو بالحصادي
على الذي شريعته خير تدريس=محمد شفيع الخلق للخلق هادي[/poem]
رد الشاعر سلمان عزيز الحافي
[poem=font="simplified arabic,5,black,normal,normal" bkcolor="transparent" bkimage="backgrounds/27.gif" border="inset,5,sandybrown" type=0 line=0 align=center use=ex num="0,black""]
البارحه نومي حلوم ووساويس=اجاهد هموم الليالي جهادي
يامرحبا ترحيبة مالها قيس=ترحيبة من خاطري بالمنادي
لوكان ينخاني بعد ذكربلقيس=بعض العلوم تمر ماهي بعادي
وان كان ياسويلم بجوك غطاليس=اعرف طريقك لاتصير امتحادي
وابعدشبوحك يابعيد المراميس=ترى بياض العلم عكس السوادي
موجز وتفصل الخبر بالقراطيس=يوم استوى الطاروق والجو هادي
شفت الدلال الصفر عقب المحاميس=من كيفها قندت راسي قنادي
وكتبت مالا يكتبون المفاليس=واسرجت لعيون المنادي جوادي
لو الامر ماهو بمحتاج فريس=الامرعادي نأخذه بالمبادي
مامن خطرحتى ندق النواقيس=ونشب نار الحرب والاأنفادي
الامر هين واستعن والعن ابليس=الله يقدينا لدرب الرشادي
من لايدوس الراي من قبل لاديس=قد قالها ابن حميد وين انت غادي
وصف ديار ام العيون النواعيس=اللي خذت عقلك وقلبك وكادي
وابشر بفزعة جاه وارخاية الكيس=قولا شهوده فعل ماهو دوادي
كلام واثق ياصدوق الاحاسيس=ماهو خرابيط الكذوب الربادي
اللي علومه كلبوها دنافيس=تكرم عنه لحيتك واعرف مرادي
ناس تخبا من خلاف الكواليس=ثوب الصديق اصبح لباس المعادي
واسلم ودم يابن الحرار القرانيس=اللي ينومس طلعها بالهدادي[/poem]
| 
|
08-10-2009, 11:02 PM
العرض العادي
