واحد يحاول بالردى بنت عمّه

[محمد بن دغيم السميري]

[frame="3 80"][poem=font="Simplified Arabic,5,black,bold,normal" bkcolor="transparent" bkimage="../backgrounds/14.gif" border="double,10,red" type=2 line=0 align=center use=ex num="0,black"]
يالله يا جال الأمور المهمّه=تجلى وهق قلب برى حال راعيه
البر دجته و البحر رحت يمّه=أدرج سبب حظ على الله مساعيه
يوم إن ولد اللاش رزقه على أمّه=رزقي على اللي ميّت القشع يحييه
ماني وانا بندر ببياع دمّه=يقطعك يا بيّاع دمّه و مهفيه
اللي يبيّع لابسات الأزمّه=ثور يبي بيض العماهيج تغنيه
يزعل ليا جت ليلة الدول يمّه=يرضى بسوق المال بأخيه و أبيه
خطو البخيل اللي يكبّر معمّه=يقرا الكتاب و واجب الله مخليه
أما هرج له في رفيقه بنمّه=والا عطا و أمه تضيّع هقاويه
يا مل قلب كل ما مات همّه=دارت دواليب الدهر لين تحييه
فرّاق شمل الناس عيّا يلمّه=وقتن يشيب الراس من شاية فيه
أحدن ينام و حط راسه بكمّه=و أحد تخم النوم عينه و تخطيه
و أحدن يحاول بالردى بنت عمّه!!=و أحدن يحاول ستر عذرا عوانيه!!
تخالف الأنظار شرقنٍ و يمّه=كلٍ هدف رايه من الناس مرضيه
أنشدك ياللي كل شي تتمّه=تقرا الكتاب وكل فرضٍ تصليّه
ويش القليب اللي عميق مجمّه=ما سرّ غرسه ماه عطشى سوانيه
سمّ السبب يا عارفٍ عنه سمّه=سم السبب يا عارفه قبل اسميه [/poem][/frame]

[ابوبتـــال]

[align=center]الاخ / محمد دغيم السميري
اشكرك علا كتابة هذه القصيده
والله يرحم الشاعر بندر سرور القسامي [/align]

[محمد بن دغيم السميري]

الاخ ابو بتال/ مشكور على المرور والله يبيض وجهك يابو بتال

تحياتي

[محمد العريــدي]

محمد السميري

كل الشـكر على حســن الأخــتيار ,, اللذي إن دل فإنما يدل على ذوقـكـ ,,

تقبل مروري ,,,,,

اخـوك:محمد العريدي

[محمد بن دغيم السميري]

الاخ/محمد العريدي....

كل الشـكر على مرورك وإطراءك......

تحياتي....

[البارق]

الاخ محمد مشكور على حسن الاختيار

[ناصر بن سعدي]

شاعرنا القدير..

أبو عمر..

لاهنت على النقل الجزل ياجزل ...


ورحم الله شاعرها الأسطوره...

أبن سرور عليه رحمة الله ...


ولاهنت ولاتحرمنا من الجزل ياجزل..


وتقبل تحياتي..

["بيطـــار نجـد"]

[align=center]محمد بن دغيم

ما اقول الا حاجة وحده

عز الله انك عرفت تختار

لاهنت

اخوك
بيطــــــار نجـــد[/align]