حكاية شاعررر .......

[فيصل المسعودي]

حكاية شاعرررررررر ..................


حمود عيد


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
انا لى قصةٍ قصـه ولا ظنـى تجـى فالبـال =
ابكتبها وانا ادرى ان الدموع تهل مـن عينـى
حكاية شاعرٍ يكتب من طروق القصيد جـزال =
وعاف البيت. والمعنى. وطرقـه. والدواوينـى
كثير الناس من حولى تنشدّنى وش؟الاحـوال =
علامك ليه مـا تكتـب وانـا شعـرى معنينـى
اشيل هموم فى صدرى وانا همى يهـد جبـال =
تثاقلـت الكـلام ولا لقيـت الـلـى يقديـنـى
انا عارف ترى الشكوى لغير الله علـيّ إذلال =
وانا عارف قـدر نفسـي واقـول الله مغنينـى
وعا قلبي وابوي يقولها مـا يشكـى الرجـال =
ياربي طـول بعمـره علـى العـزه موصينـى
موصينى على شيل المصايب لو تجينى أثقـال =
ولو ضاقت بى الدنيا ولـو دارت بـى سنينـى
ترى صبرٍ جميل يعوضك يوم الليالـى طـوال =
مدام الصبر مفتـاح الفـرج والنـاس دارينـى
يقول لسانك حصانك واذا صنته مـع الجهـال =
تبى ترقا المعالـى والنصيحـه بينـك وبينـى
صغير السن حزتهـا معلمنـى علـوم رجـال =
طبايع "بدو" محلاهـا علـى الفطـره مربينـى
كبرت وشفت انا الدنيا بعينى وكثرت الآمـال =
صحيح اضحك مع العالـم وربـي عالـمٍ فينـى
اقول انى مقزرهـا وانـا جرحـى هنـا لازال =
مـدام ان الهمـوم اللـى تصبحنـى تمسينـى
ابى قلبٍ عرف ينسا . وابى عمرٍ قصر لو طال =
وابى همـى يفارقنـى . وابـى حـبٍ يكفينـى
وابى قلبٍ على قلبي صدوق ولا يجيه اجـدال =
ابـى لاضاقـت الدنيـا بعينـى مـا يخليـنـى
وابى قلبٍ ملابه من حنان الكون كـل اشكـال =
حنـان "الام" يـا زينـه ابـى مثلـه يدفينـى
قسم لكتب له ابياتٍ تجـى للعاشقيـن امثـال =
وجيب مـن القصيـد اللـى يسليـه ويسلينـى
وعوض كل ما فات الخفوق اقوال وإلا أفعـال =
"حبيبى"يابعـد عمرى"حياتى"يـا نظـر عينـى
أبى لى قلب ينبضها بصدق ولا يجـى محتـال =
ولكن للأسـف حظـى وقـف عيـا يراعينـى
صدمت بواقعى.! وادرى علومى ما تسر البال =
آلا ياللـى تنشدّنـى تـرى همـى مطوّيـنـى
هذاك اليوم تسألنى وحالـى بالقصايـد حـال =
انا لاجيت ابكتبهـا يهـل الدمـع مـن عينـى
تبى أكثر اوضحّهـا انـا جرحـى هنـا لازال =
أبى ترجـع بدايتهـا "وركـز فـى عناوينـى"
حكاية شاعرٍ يكتب من طروق القصيد جـزال =
وعاف "البيت" والمعنى" وطرقـه" والدواوينـى [/poem]

[فواز الشيباني]

صح السانك يافيصل المسعودي
وصح السان حمود عيد

الله يعطيك العافيه

لاخلاولاعدم

[((الدلبحي))]

تسلم يمناك وصح السان الشاعر حمود عيد

تحيااااااااااااااااااااااااااااااااااااااتي

[حسام هوازن]

صح لسانك يفيصل على هذه القصيدة وصح لسان شاعرها

دمت بخير

[العريدي11]

صح لسانك علي هلقصيده الجزله

يعطيك الف عافيه

[النـايــــــف]

صح لسانك اخوي فيصل المسعودي


وصح لسان الشاعر حمود بن عيد


وبيض الله وجهك يا الغالي


على هذا الاختيار


تحياتي لك ،،،،

[إبن ثعلي]

مشكور اخوي فيصل على نقل هذه القصيدة الرائعه
تحياتي