مجموعة قصائد قديمه لشعراء من قبيلة عتيبه

[ابـو سعـود]

هذه القصيده للشاعر دهيس الهمرقي المقاطي العتيبي وذلك عندما رحل الشيخ
عبّاس بن زيد شيخ قبيلة السمره من الروقه من عتيبه من على قليبه المسماه تنضبه
حيث كان الشاعر دهيس يسير على الشيخ عباس ويستانس معه
وفي يوم من الايام شاهد القليب خاليه من القطين فتمثل قائلا ً : -

[poet font="Simplified Arabic,4,black,normal,normal" bkcolor="transparent" bkimage="" border="ridge,4,silver" type=1 line=200% align=center use=ex length=0 char="" num="0,black" filter=""]
مال الحيا ياتنضبه بير بن زيد = اللي قطنها الترف جالي عذابه
شدّوا ودنّوا له دقاق العجاريد = على اشقح ٍ ومخفّف ٍ له زهابه
ثم انحدر به مرذي الفطر العيد = اللي مع الجوبه يروع التهابه
إمّا نصى مرّان زين المواريد = ولا تنصّى الدحو وايسر هضابه
على دروبه يذهبن المفاريد = وكم ذود مصلاح ٍ بعيد ٍ غدابه
يبرونه الروقه بخيل ٍ سناجيد = ربع ٍ يفكّون التفق من قرابه

[/poet]

[ابـو سعـود]

الشاعر بطحي بن غنيمه الغنامي يقول في معشوقته /
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

انا البارحة في الليل نومي مغيراسهاج = وادير الفكايريوم كثرة هناديبي
ابااصبر ثمان ليال والصبر فيه افراج = وابااصل حراج السوق وابد المراقيبي
وانا ضايقاً صدري ابا المشي والمنهاج = على حرة تاطا حفي الضواريبي
على حرة جزل القرا زينة الدفلاج = ليا روحت تشبه هذيل اسحم الذيبي
عليهاجديد الرنق والكورعود العاج = وخرج الحساء ومعلقات الاصاويبي
إلي صاحبٍ فالشرق ياطاه درب الحاج=على عقلة ٍ مدهال عوج العراقيبي
حليـّه غزال الريم وأزين برد وحجاج = اليا خضّب الخمسة زهن الكواكيبي
يكد القرون اللي عن المفرقين افلاج = تشابه حظي الجمر فوق الاساليبي
الاياعيون اللي لحوم الهواء رواج = دمي الحباري حانيا ً بالمخاليبي
[/poet]

[ابـو سعـود]

وهذه قصيده للشاعر عسكر المصعوك الغنامي /


[poet font="Simplified Arabic,4,black,normal,normal" bkcolor="transparent" bkimage="" border="double,4,sienna" type=1 line=200% align=center use=ex length=0 char="" num="0,black" filter=""]

كريم يابرق ٍ جذبني مخيله = جاله على ديرة فطوم إشتبابي
واصاحبي برني رنيه مكيله = وحساوت الوادي لخلي شرابي
وحب النبي من باب مكه يجيله = ولايشرب الا در شول عرابي
واصاحب ٍ وادي بريم ٍ مقيله = متوهل ٍ دار العدا من عذابي
أصبح شديد البدو عجـّل رحيله = متنحرا ً عني خبار اللهابي
راحت لبن شاهر وأخذها حليله = يستاهل الطيب وديع الركابي
يستاهل الطيب وهي تستويله = الله خلق واحد لواحد واصابي
تكفى يابن سحمان حام الدبيله = ياخالط العيدي وسمر العزابي
أخذ بهم حسبة ليال ٍ قليله = وأرجع بهم لديارنا لاتهابي
انتم ليا كلٍّ تنصّـا قبيله = إلكم على الزيدي وصبحا مسابي
وحنـّا ليا كلٍ تحصّل حصيله = إلنا على وادي الجرير انقلابي

[/poet]

[ابـو سعـود]

هذه أبيات للشاعر ذيخان بن وازع العضياني قالها في جوزاء بن الشيخ ناصر الشغار

[poet font="Simplified Arabic,4,black,normal,normal" bkcolor="transparent" bkimage="" border="double,4,sienna" type=1 line=200% align=center use=ex length=0 char="" num="0,black" filter=""]

زول ٍ خذا قلبي غدا به نهابه = عليه بيبان الضماير مغاليل
علـّق ببيبان الضماير صوابه = تعليق عكفان المسامير بالخيل
أنا أشهد انـّه صار فعله جوابه = وانـّه عسير ولا شبح فيِّ بالحيل
بنت اللذي كم من قطيع ٍ غدابه = فوق المهار القحص وهجن ٍ مراميل

[/poet]




وهذه ابيات أيضا له قالها في أخيه


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

اخوي عقب انـّه جلس واستوى لي = وافرح ضميري والمقادير تاتيه
أخوي كنـّه حيد ضلع ٍ زمى لي = كل العلوم الطيبه تنلقي فيه
ليته يجي بالبيع لو كان غالي = لو كان بيـّاعه بالاثمان مغليه
دايم يبالي كل ماله ومالي = لو عندنا له مال ماهو بيطريه
ماهو بخيل ٍ لاغداله ريالي = حنـّث على اللي قاضبه لين يدّيه
جنّب طريق مهبّـلين العيالي = كني على حيد الجبل راقي ٍ فيه
[/poet]


و قال ذيخان العضياني الروقي :

[poet font="Simplified Arabic,4,black,normal,normal" bkcolor="transparent" bkimage="" border="ridge,4,sienna" type=1 line=200% align=center use=ex length=0 char="" num="0,black" filter=""]

يـــــا راكب هجـــن عليــــــها الكلايف =هجن علـــــى قطع المراريت صبّار
قصوا بهن الدرب يــــا أهــــل اللغايف =خلــوا شداد يمين والرجم جا يسار
وأبو خيالـــــه دربهــــــــن بالوصايف=وأيمـن معيقل درب حزبات الأكوار
وان كـــــــــان مذربهن ماهوب خايف = رس المطيــــــــوي يرتون منه عبّار
وهجوا بهن يا أهل البكــار العسايف =وحشة ملية دربهن هــــــاك الأزوار
والعصـــر يوم إن الفيايــــــــا تهايف =.يبدي لهنــــه بالمكـــــــاحيل سبّار
ولهن فــــــــي رس الهتيمي حسايف =أظن فوقــــــه واحـــــد يشعم النار
وشريق في مربــــى البكار السهايف =مدهــــال طايلة الخطا حسك الأوبار
يم العبل مدهـــــــــال كـــل الطوايف = اللي تجي لهم حـــم الأشعاف صدّار
ثم عندكم راعــــــي الدلال الصفايف=ونجر غريب يدهلـــــه كــــــل مرار
عـــامر محنى موميــــــات السفايف =طلق اللسان اليا نشب كـــل طنجار


[/poet]


يخاطب الشاعر بهذه القصيدة ابن عمه عامر ابن مسعود،

[الدجيما]

اخوي ابو سعود مشكور على هالنقل والى المزيد دائما.




الدحيما

[فهد العتيبي]

قصائد رائعه اخوي ابوسعود وتسلم والله

[طالع]

مرحبا بك


مشكور على هذا النقل يابدع

[ابن _ روق]

يالله يالي لبيض المزن نشيت يمخرج ارزقك لمن تشتهيله
عطنا عطاماعارضه ليت من ليت ولاهوب مداللوجيه البخيله
ان كان لخفرات ماقدهسيت ولانيب احاول في قريبي بحيله
وتبيع بكره يهل الهجن مسيت مسيت كوري فوق حمرا جليله
تغانمو دربي تراني تناويت وانالهل عوص الركايب دليله
كم اغتنا مع دربنا من شفا ليت وكم ذود مصلحا طوينا صميله
نقود ربعا فالملاقا لنا صيت كسابه النوماس يوم الدبيله
سمحين عقال حجال لهم صيت يوم اللقا يرون حد الصقيله

[ابن مداعيل]

قصايد رايعه الله لايهينك ابو سعود