من جديدي

[عبدالعزيز بن حشيان]

اخواني الله يسعد جميع اوقاتكم بكل خير ورمضان عليكم مبارك

ابيات لتواصل معكم نرجو ان تنال شي من اعجابكم
لكم مني

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قالو علامك قلت متكدر البال=تعبني الفعل المضارع وماضيه
واتوق للماضي على كل الاحوال=والمقبل المجهول اخافه واداريه
قالو ترا صبر الملل حكي جهال=قلت الصبر ترا الفرج في تواليه
واكبر دليل ايوب يوم المرض طال=دعا كريمن يسمع الي يناجيه
وتبدلت حاله عقب سو الهوال=واصبح سليم الجسم من سو مافيه
امنت من نزل تبارك والانفال=الي حجيجه في المشاعر تلبيه
وحكي الاوادم فيه جزلات وهزال=وكلن على ماقيل فكره يقديه
ويبن ادام المسكين لو الزمن طال=مصيرك المحتوم لازم تلاقيه
ولايغبط المغرور في جمع الاموال=يذهب كثير المال ويموت راعيه
والرابح الي لاحضر عرض الاعمال=ياخذ كتابه في يمينه ويرضيه
واستغفر الله عد ماهل همال=وعداد رملاً لافح النود ذاريه
وماقل دل وزبدت الهرج لاقال=صحت لسان الي يقوله ويلقيه
[/poem]

[إبن ثعلي]

وصح السانك يابن حشيان قصيدة لايعلى عليها
وتحياتي لك

[عبدالعزيز بن حشيان]

المشاركة الأصلية كتبت بواسطة إبن ثعلي وصح السانك يابن حشيان قصيدة لايعلى عليها وتحياتي لك

بن ثعلي


تسلم وصح بدنك اسعدني مرورك

[جهز الهرس]

صح لسانك يا بن حشيان
على هالقصيده الجميله الغيرمستغربه منك
واناتابعت قصايدك كلها ويقريتها بتمعن واعجبتني كثيراً
ولكن لايسمحلي الوقت اردعليها ولا اقول
الا صح لسانك على كل قصيده وبيض الله وجهك
وتقبل تحيات اخوك

[عبدالعزيز بن حشيان]

المشاركة الأصلية كتبت بواسطة جهز الهرس صح لسانك يا بن حشيان على هالقصيده الجميله الغيرمستغربه منك واناتابعت قصايدك كلها ويقريتها بتمعن واعجبتني كثيراً ولكن لايسمحلي الوقت اردعليها ولا اقول الا صح لسانك على كل قصيده وبيض الله وجهك وتقبل تحيات اخوك

جهز الهرس


وجهك ابيض وصح بدنك يالنشمي شهادتك اعتز بها ووسام على صدري

[عيد بن شده]

قـالـو عـلامــك قـلــت مـتـكـدر الـبــال
تعبـنـي الفـعـل المـضـارع وماضـيـه

واتوق للماضـي علـى كـل الاحـوال
والمقـبـل المجـهـول اخـافــه واداريـــه



هذا بلا ابوك ياعقاب المقبل الجهول

صح لسانك يابو خالد شاعر جزل

[عبدالعزيز بن حشيان]

المشاركة الأصلية كتبت بواسطة ابن شدة العتيبي قـالـو عـلامــك قـلــت مـتـكـدر الـبــال تعبـنـي الفـعـل المـضـارع وماضـيـه واتوق للماضـي علـى كـل الاحـوال والمقـبـل المجـهـول اخـافــه واداريـــه هذا بلا ابوك ياعقاب المقبل الجهول صح لسانك يابو خالد شاعر جزل

ابو فهد

صح بدنك يالنشمي اسعدني مرورك