محاوره لزمينا تركي الشيخ وعلي الحصني

[((الدلبحي))]

هذه المحاوره جرت بين زميلنا تركي الشيخ وعلي الحصني


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علي الحصني
يابن خير الله لقيتك على الخط السريع=
لوسمحة ابعد عن الخط لاتاقف عليـه
الواداعه خلها وصلت الرجـل الوديـع=
ون ضلمك الشيخ بلحكم ما نته مشتكيه

تركي الشيخ
بالنيابه مرحبا بالحضور وبالجميع=
بعد جينا ياعلي هات علمك واحتميه
الوداعه عندنا ماتـروح ولاتضيـع=
وان بغينا علم نحصل وناخذ مانبيه

علي الحصني
البقاء ياالشيخ والشيخ يبدي كل الريع=
عارفين العلم والماء ماهومثل المويـه
كد غزينا مع مهناء وخو سلماء رضيع=
لاتضيع كورتك يـا البرازيلـي أبليـه

تركي الشيخ
مايجيب المرجله كود رجـالٍ شجيـع=
والذهب ياصاحبي مايساوى بالجنيـه
وش كسبتم فاللقا مشترى وان كان بيع=
يوم ضاعت خطتك يالمدرب ياخوزيـه

علي الحصني
والله انا ما ندور طعامن مـن ضريـع=
والغشيم يعيب الناس لو العيـب فيـه
ما عليك اخلاف عندك من المعزاء قطيع=
واضح انك واحدن من نيضيفين الوجيه

تركي الشيخ
الخبر ياصاحبـي فالاذاعـه والمذيـع=
والمصيبه عاقلٍ صار جاهـل يبتليـه
وانت عندك ظان تسرح وترعى فالربيع=
وانت حامي للغنم بالصياح اللي نحيه

علي الحصني
علمنا ماهو بزبدن يلا بانـت يميـع=
كاسبينه من تجارب مع الرجل النبيه
قالها ضيدان والعلم البيض ما يضيع=
واحدن ما يعرف الحر الاشقر يشتويه

تركي الشيخ
اركدوا يا اصحابنا قدمكم سدٍ منيع=
الشجاعه عادته والمعرفه تحتويه
قالها صياف والعلم والمعنى رفيع=
من يضيع حروته للعرب لاتحتريه

علي الحصني
مرتكب لك ذنب لكن حلم الله وسيع=
تـحــســب الــصـــوره توصلـك شيـن مــا تجـيـه
مالقيناء من نواميك ياواد النقيع=
غير نخله يابسه ومتحضنها سفيه

تركي الشيخ
مافعلنا ذنب ياصاحبي والله سميع=
ماتمثل صورته شاعرٍ جرد يديـه
والله اني خابرك ددسنن يقرع قريع=
والمسافه كايده بين جده والمويـه

علي الحصني
التعصب للمشاهير مـا يجلـب نفيـع=
ونت قلبك مهتو شخص ماهو مهتويه
يا قبايل حرب تكفون تركي لايضيـع=
شاعر (ن) ماهو ردي يرحم الله والديه

تركي الشيخ
افتخر في حرب ربعي وكم عاصي يطيع=
ثم ارد الطيب والطيب عادت كـل بيـه
ياقبايل حرب تكفون حسب المستطيـع=
ابك هذا شاعرٍ مار عـن دربـه يتيـه [/poem]

[فواز الشيباني]

اخي الدلبحي

مشكور على الاختيار الرائع

يعطيك العافيه ولاهنت

[كحيلان]

سلمت على الاختيار وبيض الله وجهك

[الوليد العتيبي]

اخي الدلبحي

مشكور على الاختيار الرائع

يعطيك العافيه ولاهنت

[((الدلبحي))]

فواز الشيباني

الله يعافيك ويطول في عمرك

تحياااااااااااااااااااااااااااااااااااتي

[((الدلبحي))]

كحيلان

وجهك ابيض وتسلم على مرورك

تحيااااااااااااااااااااااااااااااااااتي

[((الدلبحي))]

الوليد العتيبي

الله يعافيك

تحيااااااااااااااااااااااااااااااااااتي

[وليد الزراقي]

مشكور الدلبحي
ونأمل استمرار المحاوره في المنتدى
تحياتي
أمير المنتدى

[((الدلبحي))]

وليد الزراقي

الشكر موصول بتواجدك ياغالي

تحيااااااااااااااااااااااااااااااااااااتي

[اخو من طاع الله]

سلمت على الاختيار وبيض الله وجهك يا ابو حمود