رد الثنا بالشكر ماهوب تطنيش

[عبدالله المرشدي]

من آخر الجديد عسى ان تنال قليل من رضاكم
[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
رد الثنا بالشكر ماهوب تطنيش=كلمة وفا لا قلتها تبرد الجاش
ماقلت بدي شين والا مابديش=كلمه بدت من خاطري قلتها كاش
ياصاحبي لا صار بالفكر تشويش=يحس من كيفه ويضرب على ماش
ماكل قولٍ تسمعه تفتهم ويش=من هرجة الشعار تنصاب برباش
محدٍ بسامع لك ليا قلته له ليش=ولانته بفاهم لين تتعب وتنداش
اقر السطور وخل عنك الخرابيش=ناظر بعينك زين لاترمش رماش
لاتحرك الاشجان ياناعم الريش=ريح ضميرك من متاهات ونقاش
ماني بيمك ياعشيق المرابيش=اشوم بعيوني وفكري ليا طاش
اقلط على الواجب واكب العراميش=ولاصدت صيد اترك على دربي عراش
نفسي لها عن ماكر العز تنبيش=وعيني سما لو كنت جالس على فراش
طبعي وفا مافيه كذبٍ وتغشيش=قرمٍ شجيع وقلبي ابيض من الشاش
يشدني برق المزون المراهيش=اطرب ليا من شفت جايٍ له رعاش
ماتهت مع راع الكفوف المناقيش=حب البني ماحط في قلبي عشاش
الا التي ماعرضت للطواريش=ريمٍ هواها صار في مهجتي داش
بدرٍ ملكته في طرف نوره اعيش=وانسى النجوم اللي لها لمعة فلاش
ماودي اذكر حسنها الحين واطيش=ادري بقيفاني على وصفها عطاش
ماني مهمش مطلع القاف تهميش=اخاف مما قلت يجيك هشاش
القصد واضح ماخدش القيل تخديش=قولٍ سليم ولا بدا فيه وشواش
اترك زمان اللعب والحب والطيش=لاتصير خبلٍ من ورا الناس تعتاش
مافيه باللفات نقطه وتفتيش=دربك خضر ليتك مع الدرب تنحاش[/poem]
عبدالله مرزوق المرشدي

[النـايــــــف]

صح لسانك اخوي عبدالله المرشدي


وبيض الله وجهك يا الغالي


ولا تحرمنا من إبداعك معنا


تحياتي لك ،،،،،

[ناصر بن سعدي]

الغالي

عبدالله المرشدي


بيض الله وجهك..!!

وافي...ورائع ومبدع..!!

مافيـه باللفـات نقطـه وتفتـيـش

دربك خضر ليتك مع الدرب تنحـاش

لاهنت وتقبل تحياتي..!!

[بنت* عتيبة]

[align=center][gdwl][gdwl]
نفسي لها عـــن ماكـر العـــــز تنبيـش
وعيني سما لو كنت جالس على فراش[/gdwl][/gdwl]

المشرف الشاعر
عبدالله المرشدي
قصيدة جزلة ووافية بمعانيها الرائعة
صح لسانك مليون
لاهنت
سجل اعجابي وتقبل تحياتي[/align]

[القوبع العضياني]

بيض الله وجهك وصح لسانك

[وحش عتيبه]

[align=center]صح لساك






[/align]

[ابن مسلم]

ماتهت مـع راع الكفـوف المناقيـش
....................................حب البني ماحط في قلبـي عشـاش
الا التـي ماعـرضـت للطـواريـش
................................ ريمٍ هواها صـار فـي مهجتـي داش


هاذي وأشكالها هي اللي تنحب ياعبدالله مرزوق


صح لسانك

كعادتك دائماً مبدع

تحياتي

[عتيبي والفخر]

صح لسانك اخوي عبدالله المرشدي


وبيض الله وجهك يا الغالي


ولا تحرمنا من إبداعك معنا


تحياتي لك ،،،،،

[ابن مرشد]

صح لسانك ملايين ياعبد الله





تحياتي

[ا لـشـا مـل]

عبدالله مرزوق المرشدي

صح لسانك
وسلم بنانك
مدد بلا عدد

وبيض الله وجهك

مع
اجمل المنى
شامل