من سلايل روق لمقابل الضد حربا

[سمران القثامي]

الأخوه الأعزاء بمنتديات شبكة عتيبة اسعد الله جميع اوقاتكم بالخير


يسعدني ان أضع هذه القصيدة العزيزة على نفسي لانها في أوفياء

وهم ( بندر بن حمد الغنامي - حمزة بن مخلد بن رشيد الغنامي)

آمل ان تحوز على رضاكم وان أكون عند حسن الظن



[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="solid,4,gray" type=0 line=200% align=center use=ex length=0 char="" num="0,black" filter=""]




راكب اللي فزته وصفها فزة عنود=حدها القناص بالماس عن درب الظبا

تايهه في نجد ترعى زماليق النفود=من سجاترعى درورب السحابه لرغبا

راتعه في ديرة الريم وقصار العدود=ماربت في ديرة القيض وديار الوبا

يوم ربي ساقها والنصيب لها حدود=بشر اللي منوته شوفها عقب الغبا

أعطبوها بالثميدي عساهاماتعود=فزعةٍ كل على ساس جدانه ربا

يوم جوها من زهدها تعمد بالصدود =موكده فرقالقطيع ومداهيل الصبا

جيبٍ أبيض منوة اللي يبي وصل الوعود=في يدين مشببٍ للنوايب معتبا

محتزينه للمهمات بالذكر محمود=طيبٍ في منسبه زايده حلو النبا

لانخيته وصف حرٍ على الجول مهدود=مايقول الا على ماتحب وماتبا

في طلايع مقدمه بارق الخير معقود=مشعله في سيرته ضوعوده ماخبا

لاجحد معروفك اللاش مايعرف جحود=دارس السيرة وعلم الشريعه في قبا

صمموه اهل المعاصي بياطير اليهود=من ملك مثله على طيب صحه وش يب

وارد الألفين واثنين نادر فالوجود=فكس من دولة قطر جاي مركوب خطبا

وقفته وقفة شجيع على ورث الجدود=ماطلبته مطلب جاك مردوده جبا

وجهته للشرق يقطع تهاتيه الصمود=ماحسب شدة حثاثه ولاهمه نبا

لاضوى ليله سرى لاغفى رمش الرقود=من مزايا مصنعه كل وجهه كهربا

ياخذ المكتوب راعيه حفاظ السدود=حفظ بن سلطان لمحافظة حقل وظبا

يوصله حمزه قوي العزايم والجهود =بالمواقف خابره يوم نسناس الصبا

مزبن اللي ضامه الوقت والحال الزهود=لابداوقت الحميه حصانٍ ماكبا

مثل مابينه وبين الوفاء سلم وعهود=يكره التقصير سيفٍ معرب من شبا

ميزته عن وصف غيره جمل وافي عضود= لاوصل سيل الدعاوي على حد الزبا

لالفيته في محله على وصفي يزود=تبشر بحيل الكرم مع هلا يامرحبا

طايلٍ معروفه الناس ماهو بالحسود=انشدوا بندر وتلقون علم ماغبا

من عرين ماذخر غير ليثٍ من اسود=من سلايل روق لمقابل الضدحربا

ذايعين الصيت من عصر فرعون وثمود=ساسهم غنام مع كل نوماس نسبا

لوشرحت ولومدحت البتارين محدود=حدني رد الجمايل وحنان الدبا

والنهايه جعل برق المخيله والرعود=لااسبلت بالخير تسقي مداهيل الظبا
[/poet]

[الحصان]

اخي سمران صح لسانك قصيده رائعه من شاعرٍ مبدع في رجالٍ يستاهلون وشكراَلك واتحفنابالمزيد من الروائع

تحياتي

[سمران القثامي]

الأخ الغالي /الحصان الله يسعد مساك بالخير والعافيه


مرورك منور المتصفح طال عمرك 00ومشكور من الاعماق على المتابعة المستمرة 00وافي عساك تحيا


اخوك/ سمران القثامي

[الشبلان]

اخوي سمران القثامي صح لسانك ولاهنت ونعم بك وبسلايل روق وقصيدة حلوة
وتقبل تحياتي

[و ر ا د]

[ALIGN=CENTER]سمران القثامي





صح لسان على هذه الرائعه






والله لايهينك




بانتظار القادم [/ALIGN]

[الركــن]

الاخ العزيز : سمران القثامي

صح لسانك وبيض الله وجهك على هذه القصيده الجزله

وفي رجال(ن) كفو ويستاهلون الطيب ...


أخيك : الركــــن

[سمران القثامي]

الاخ الغالي / الشبلان الله يسعد ايامك ياطويل العمر شرفت القصيدة بمرورك العذب 00لاهنت على المتابعه


أخوك/سمران القثامي

[" بــواج الظلام "]

[ALIGN=CENTER]سمران



سمران



سمران



أكيد توحيني وقد أوحيت وش ابى اقول



لكن تأكيد الحجز مره أخرى



وربي مليون مايكفون لكن تبى علمي


الرجال الطيبين يستاهلون كل علمٍ غانم


وأنت اولهم



أخوك


العطاوي[/ALIGN]

[سمران القثامي]

الأخ الغالي والشاعر المميز/ وراد الله يسعد مساك بالخير والعافية


مشكور طال عمرك على المرور العطر والمتابعة المستمرة00لاهنت




اخوك/ سمران القثامي

[@ عتيـبـي نجــد @]

[ALIGN=CENTER][TABLE=width:70%;background-color:transparent;background-image:url();border:1 solid green;][CELL=filter:;][ALIGN=center]

الاخ الشاعر / سمران القثامي

صح لسانك ،
يصراحه شعله من النشاط
وقمه من الجزاله منذو اول مشاركه
اضفت الى توهجك نوراً جديداً
بهذه الرائعه
ونعم بمن ارسلتها لهم
ونعم بك
والى الامام
لك خالص تقديري
[/ALIGN][/CELL][/TABLE][/ALIGN]