..الشاب السعودي..رمز الرقي والتحضر (ايه هين))

[ماجد عتيبه]

السلام عليكم
مساكم الله بالخير


سبحان الله على هذا الشاب السعودي.. هذا الشاب اللي لو سالت كل العالم..كل الناس وفي مختلف الدول عنه ..كلهم بيقولون لك نفس الكلام..كلهم بيسمعونك سيل من كلمات الشكر والإعجاب..كلهم بيعطونك شهادات التقدير اللي توصف حسن سلوكه..كيف مايسوون كل هذا واكثر والشاب السعودي ضرب للعالم كله أروع الأمثله في الأخلاق والتحضر..

خلونا ناخذ الموضوع جانب جانب.. مثلا لو تكلمنا عن أنظمة المرور.. قد مرة شفت سعودي مسرع؟؟ قد مرة شفت شاب سعودي متعدي الصف عند الاشارة وينقال انه مو قاطع اشارة؟؟ أصلا قد مرة شفت شاب سعودي قاطع اشارة؟؟ابدا!! لو تسال المرور تعرف انهم مساكين ياعمري عليهم قاعدين لا شغلة ولا مشغله حاطين ايدينهم على خدهم ... لا يحررون مخالفات.. ولا فيه حوداث.. ولا فيه هوشات

اصلا ماتدرون ان في الدراسات الأخيرة اثبتوا ان الشاب السعودي محتل المرتبة الأولى في النظام والترتيب؟؟

واكبر مثل لما نكون عند الجوازت مثلا... والا في البنك .. تشوفهم يوقفون في طابور منظمين.. كل واحد يحترم دور الثاني.. ولا يتعدى عليه .. سبحان الله

طيب ولو أخذنا جانب ثاني ومهم .. اهو المغازل.. هذا الجانب اللي السعودين ابببببببببد مايعرفون فيه شي.. والا شوف الشاب السعودي العازب.. يدخل السوق... ياخذ شغله ويطلع .. وعيونه منزلها بالارض تقول يعد كم بلاطه بالسوق ..

والا الشاب السعودي المتزوج .. يدخل السوق ماسك بيد مرته.. ولا يرفع عينه من عليها.. ولا يقعد يقز ببنات خلق الله .. اصلا هو مايفكر الا بمرته وبس!! وهذي صفه ثانيه له.. الاخلاص !!

اما اذا كان شاب سعودي يشتغل بمحل حريم .. سبحان الله على اخلاقه .. مسكين يعامل البنت بكل احترام واخلاق.. ولا يفكر يحط لها الرقم في كيستها او يطلب منها تكلمه .. في الواقع.. الشاب السعودي مايعرف كيف يرقم وبمعنى اصح مايعرف وش يعني ترقيم..

مرة سالوا شاب سعودي عن رايه بالترقيم.. تدرون وش قال؟؟ قال: ينظم الشوارع..

مسكين يحسب ترقيم الشوارع ..

اصلا في حياتي ماشفت شاب سعودي كاشخ ومشخص كانه معرس يحوط بالمجمع يتمنى بنت تعطيه وجه.. ولا عمري شفت شاب سعودي يقعد بسيارته (الكشخه) يدور حول المجمع منزل الشبابيك والاغاني شاقه الدنيا .. لفت نظر!!

الشاب السعودي يعتبر بنات خلق الله مثل خواته عشان كذا مايغلط عليهم .. او يرضى انه يعطيهم الورقه الصغيره اللي مكتوب عليها الرقم..اصلا هو مايحب يخدع البنت..فما يرقهما وهو حاط اسم مو اسمه ..ومايكلمها طول الليل وهو يوعدها بالزواج وبالأخير يتركها ولاكن عرفها..

اصلا هذي الاشياء مو من طبعه ولا من شيمه ... مو هو الشاب الراقي؟؟

هنيئا لبلادنا فيك يالشاب السعودي.. يارمز الرقي والتحضر !!

[الحصان]

قايد الغزلان ليس كل الشباب كما ذكرتي

[الباحث و الكاتب]

اخي قايد الغزلان

لو غيرت العنوان ( الاطفال السعوديون )

هؤلاء ليسوا شباب بل اطفال .

اما موضوع طوابير الاجهزة الحكومية ، المشكلة ليس في الشباب بل في الخدمة التى تنتظر ساعه و هناك ناس يجون بالواسطه من خلف المكاتب ولا عنك احد .

ولو رحت تشتكي على المدير ، طلع هو الذي المرسل الواسطه .


تصدق ....
الموظفين الان ما يردون السلام عليك ( المراجع ) وهو سنه ، حتى ما تدخل الواسطه .

ما علاقة الواسطة بالسلام .

ويسلام سلم

[السعار]

عزيزي القائد كل ماذكرته صحيح وانا أتفق معك في كل ماقلت 100% كما أن مذكره أخي الباحث والكاتب صحيح والاسواء من هذا القضاة في المحاكم وكل موظفي وزارة العدل ادخل عليهم وسلم اذا ردوا عليك السلام فلك ماتريد.. هذا اذا اعطوك وجه .. واللى قالولك راجعنا بعدين .. لانهم فوق النظام ولديهم حصانات من كل القوانين في المملكة.. المهم ياعزيزي القائد اعجبني مقالك الساخر كل السخرية.. وياليت كل ماقلته صحيح لكان مجتمعنا مجتمع فاضل وهذا طبعا في الاحلام لانه لاوجود للمجتمع الفاضل ولا حصل هذا في اي عصر من العصور ولا في اي دين من الاديان.. ولكن لن يتطور مجتمع حتى يثقف شبابه ويوعهيم التوعية السليمة.. وخاصة التوسع في الثقافة العامة..

[الوذيناني]

لو سالت كل العالم..كل الناس وفي مختلف الدول عنه ..كلهم بيقولون لك نفس الكلام..كلهم بيسمعونك سيل من كلمات الشكر والإعجاب..كلهم بيعطونك شهادات التقدير اللي توصف حسن سلوكه

ايه هين

الشاب السعودي اللي المفروض ينعكس على شخصيته خلق الاسلام اصبح من اسوأ الشباب في العالم ككل .. و هذا الكلام مو عام يعني نسبة 60% من شبابنا مااحد يقدر يتكلم عنهم لكن المشكلة في الـ40% الباقيه ..

عموما شكرا على هاموضوع الجميل

[العريدي]

الشاب السعودي : وين بس محصله منكم و لامن ها الحالة اللي هم فيها

في بيته نكد و في الشارع نكد و في الاسواق و في الحدائق

لو متوفره وسائل الترفيه الحقيقية للشباب السعودي و القاء محاظرات عليهم تعرفهم بالواقع الذي يعيشون فيه و يناقشون مشاكلهم المالية و الاسرية و الشخصية ماضاعوا و شفتوهم بها الحالة التي تصفونهم بها ماشفتهم يسرسون في الاسواق و المقاهي الى طلوع الفجر ثم يتيخون الى القايلة
من قل الصنعة : حلو مشاكل الشباب و ناقشوها بجدية و شوفو وشنهي الاسباب ثم شوفو هم يتسنعون و لالا ؟؟؟؟؟؟؟؟؟؟؟؟؟ ( orida. com )

[إبن ثعلي]

السلام عليكم

الشباب السعودي بلغوا ذروة المجد , منهم نسور الجو ومنهم قادة البوارج في البحر ومنهم قادة الدبابة في البر ومنهم اطقم الصواريخ ورماة المدافع ومنهم العيون الساهره على امن الوطن ومنهم الاطباء ومنهم المهندسين ومنهم الاساتذه في الجامعات ومنهم القضاة في المحاكم وبطبيعة الحال لكل قاعدة شواذ وما ذكرتموه لن يسئ الى شبابنا
تحياتي

[ماجد عتيبه]

[align=center]الحصان حبيبي انا ولد مو بنت

احترم وجهة نظرك

ومشكور على مرورك

وشوفة توقعيك الحلو

ربعي عتيبه من العارض ليا الحره *** سقم المعادي لياجا العلم مردودي [/align]

[ماجد عتيبه]

[align=center]اخوي الباحث والكاتب


مااقدر اغير العنوان

لان هذا واقع بعض الشباب هداهم الله

والاطفال مايسوون مثلهم

الاطفال براءة طفولتهم معهم ماينطبق عليهم الموضوع هذا لو اغيره


والواسطة بعداحد الجوانب التى لم اتطرق اليها انت تطرقت لها

شاكر لك مرورك الجميل وطرحك الرائع


تحياتي لك[/align]

[ماجد عتيبه]

[align=center]اخوي الغالي السعار

القضاة في المحاكم انا ماعمري جيتهم الحمد لله

والله لا يحدني عليهم

بس اللي اشوفه انا ان المفروض المشايخ القضاة يكونون قدوة لغيرهم في

التواضع وعدم التكبر

وانت الان اضفت جانب من الجوانب المهمة

يعطيك العافية اخوي على مشاركتك ومداخلتك الجميلة

تحياتي لك[/align]