ياراكب اللي ماتغير موديله

[هلال معضد]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراكب اللي ماتغير موديله=لونه من افضل لون والصنع يابان

فالسوق حالف مانحصل بديله =الجكس آر اللي معه ماهو خسران

من طوكيو فخر الصناعه الاصيله=ماصممه يكون فاهم وفنان

مورده فالسوق نعرف وكيله=قطع غياره فيه منت بعجزان

يبغاله اللي لامشى يتكيله=يصفي الطبلون لو كان عجلان

من سرعته في الخط محدن يخيله=مايحسب حساب المسافه ولو كان

وان رحتبه للبر ماله مثيله=عزمه قوي بالحيل ماهو بنيسان

خفف له الدعسه في نمره ثقيله=وعطه الدبل لكن في بعض الاحيان

صحيح شوفوا قيمته مستحيله=مايملكه يكون تاجر وبطران

الشاعر
هلال معضد[/poem]

[عبدالله المرشدي]

هلال معضد


صح لسانك

وعلى شانك

تحيتي

[ابن مسلم]

هلال معضد


صح لسانك

وعلى شانك

تحيتي

[نادر النمر]

صح السانك ..

ويستاهل الجكسار ..,,

لونك خربتها مع النيسان :)


. كل التقدير ..,,

[ناصر الحربي]

هلال معضد

صح لسااانك

رائعه

لاهنت


كل التقدير

[إبن ثعلي]

صح السانك ياهلال قصيدة رائعه تشكر عليها
تحياتي لك

[نسمة غلا]

الاخ هلال بن معضد

رائعه نتمتع بها من خلال كلماتك العذبه


وجميل ان يتغنى الانسان بسيارته

وهذا شئ يدل على ان الشعر يبيح مكنونات الخواطر

دمت اخي ودام شعرك الراقي

[هلال معضد]

الاخوان
المرشدي
ابو مسلم
العنيد
الحربي
ابن ثعلي

اسعدني مروركم

والاخت
نسمة غلا

اسعدني مرورك

[ذيب الينوفي]

ابن معضد اول قصيده اسمعها في الجكسارمع ان العاده المدح للفكسار

لكن يستاهل الجكسار وتستاهل صيدتك الثناء لانها روعه

[ناصر بن سعدي]

الغالي

هلال معضــد ,,


رائع ..وأبياتك رائعه ,,


رغم الأخطاء الأملائيه ,,


وتقبل خالص تحياتي ,,