قصيدتي في حفل الجبلان من قبيلة البقوم

[ضيف الله السميري]

السلام عليكم ورحمة اللله وبركاته


بدايةً اعتذر عن غيابي وقلة تواصلي ..


كما يسرني ان اقدم لكم هذه القصيده التي تشرفت بألقائها في حفل تكريم الشيخ الشاعر / زيد بن راجح الموركي البقمي
واتمنى ان تنال استحسانكم ..






[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام واخير مبدا للكلام السلام=تسليةً وافيه ما مال ميزانها
من شاعرً في مقامه مايجيه الملام=يسبح بحور القصيد ويدرك الحانها
حظرت ابارك لشيخً لبسوه الوسام=يوم اوكلوه المهمه قام من شانها
شاعر عموم البقوم ان جا نهار الزحام=رجلً عليه الرجال تلد باعيانها
زيد ابن راجح عريب الساس راع المقام=يوم ان روس العرب تفخر بشجعانها
وافي لربعه وناره في محله شعام=والحيل قدم الضيوف يقلط سمانها
صعد على المنبر المشهود نسل الكرام=في ساعةً تظهر السابق بذرعانها
وجا كاسب النعم والنوماس بين الانام=والخيل تصهل على الجبهه بفرسانها
يازيد لي كلمةً من خاطرً مستهام=شهادة الحق ماهو حق كتمانها
على جديدك جماهيرك عطاشاً حيام=وانت الجزيلات مايخفاك ميدانها
والموركه في لزومك يالسنافي حزام=ولا تطير الطيور الا بجنحانها
قومً لهم من سنام المجد راس السنام=وامجادهم يحفظ التاريخ ديوانها
اهل الخيول الاصايل والفعول الجسام=تجف الاقلام في تدوين عنوانها
بالمختصر عن مزاياهم يطول الكلام=سحابةً بالمكارم هل ودانها
وانا من اللي مواقفهم تصح النيام=العزوه اللي تمد الطيب بايمانها
الاد سامر رجال جارهم مايضام=لو عوج الايام عظتهم بنيبانها
ريفً للاقراب والا للمعادي كعام=من قبل لا تطفي الشعله ودخانها
واليوم حنا تحت راية وريث الامام=الحاكم اللي فعوله صعب نسيانها
مودع رقاب الاعادي تحت حد الحسام=ومعز روسً تريد العز لاوطانها
بالصارم اللي على المله يقص العظام=شبه الجزيره يسود الامن فاركانها
والمعذره من هل الطالات مسك الختام=ياعزوةً مجدها من مجد شيخانها

[/poem]

[بنت الهيــــلا]

صح لسانك وعلاشانك قصيده راقية برقي حضورك

ومرحباً بعودتك

تحيآتي ،،

[عبدالله المرشدي]

صح لسانك ياضيف الله

وعلى شانك

قصيده في قمة الروعه

والبقوم يستاهلون

كل خير

تحيتي لك

[اصايل]

صح لسانك مدد


لاهنت

[سلمان]

صح لسانك طال عمرك


والنعم في البقوم ويستاهلون

وبيض الله وجهك على الرائعه


تقبل خالص تقديري

[ضيف الله السميري]

المشاركة الأصلية كتبت بواسطة بنت الهيــــلا صح لسانك وعلاشانك قصيده راقية برقي حضورك ومرحباً بعودتك تحيآتي ،،

بنت عتيبه



لاهنتي اشكرك على تواجدك

[فهيد مقعد الرويس]

يامرحبابك ترحيب المطر

وصح لسانك ملااااااااااااايين

ياضيف الله ابدعت وانت كفو والجبلان وبن رجح يستاهلون المدح

تحيتي وتقديري

[ضيف الله السميري]

عبد الله المرشدي



لاهنت على التواجد يالقرم


تحيتي لك

[ضيف الله السميري]

المشاركة الأصلية كتبت بواسطة اصايل صح لسانك مدد لاهنت

اصايل


صح نبضك




لاهنتي


تحيتي لك

[ضيف الله السميري]

المشاركة الأصلية كتبت بواسطة سلمان صح لسانك طال عمرك والنعم في البقوم ويستاهلون وبيض الله وجهك على الرائعه تقبل خالص تقديري

سلمان


وجهك ابيض



تحيتي لك