لاتفوتك (ريحها عطر فواح)

[ذياب المرشدي]

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يالله ياللي تعلم الشر والخير=تدلني على طريق اهل الاصلاح
بدفتر الوارد وصلني تقارير=رسايل يوجد بها احزان وافراح
تقول ابي رفقتك مالي وللغير=انت الوحيد اللي له القلب يرتاح
وسار القلم يكتب بزين التعابير=بيوت شعر ريحها عطر فواح
وعن حب هذا العصر سويت تحذير=ابغى الستر ماني للأجواد فضاح
عساه يكبر عقل من عقله صغير=وينجي من بحور الخطر كل سباح
حب الخنا مافيه للدين تقدير=كلاب تنابح لسمعت صوت نباح
فالسوق والملهى يجونك طوابير=والكل منهم كنه الطير سداح
يصيدها والا تصيده فلاخير=ياعنك ضاع الستر يوم الحيا راح
وصور لها نفسه بزين التصاوير=ثم روحت معه على خف وجناح
ترسل عليه الفجر والظهر وعصير=وفالليل للجوال رنات وصياح
خبله وطاحت في يدين المعيثير=ياشين فتح الباب من غير مفتاح
والدلو تجذب جمة الما من البير=ولافيه دلو الا ورى الدلو مياح
وباخر محبنتهم تسدد فواتير=مبنن غلط ماهي غريبه لياطاح
فكر قبل ماتنحدر بالف تفكير=وش مقصدك من حب ظبيات الابراح
واسمع سوالف عنتر وسالم الزير=تعرف معان الحب من غير شراح
قلته وانا ماني كثير المشاوير=لكن قصدي للمحبين الإيضاح
وفسرت شين الحب بالشعر تفسير= واهديت للشعاق مشمش وتفاح
وشفي بروضة عشب يصدح بها الطير=ريح الخزامى والنفل وسطها فاح
واتبع نياق كلبوهن مغاتير=وافرح ليا جني من البعد سراح
مابيعهن لو زودوا بالدنانير=اقولها والله ماني بمزاح
وربي كريم يدبر الحال تدبير=يعطي جزيلات العطايا بلا شحاح
وتمت بيوت مسطر القاف تسطير=بالعود والعنبر وزينات الارواح


اخوكم / ذياب المرشدي(راع النياق المغاتير
[/poet])

[روابــي نجد]

صح لسااانك أخوي ذيااب على هالأبيـــات


أبيات بالفعـــل رائعة ومعبــرة عن الواقع المرير اللي نعيشة


نشكــي ولكن مامن مجيب واسمح لي أهديك هالأبياات واخواااني الأخرين للشاعر فهد بن هجاج الحربي
يا مشتكي من ضيم الايام مسـموح
فرحه وحزن وكل شــــي له أسباب
لو عشت في دنياك والصدر مشروح
لحظه تحطك ملتقى الضرس والناب
إن أقبلت خلّت لك الباب مفــــــتوح
وإن ادبرت هذا بلا بوك ياعــــــــــقاب

وسلااامتكم

[ذياب المرشدي]

جزيل الشكر للأخت

روابي نجد على

هذا الثناء الطيب ،،،

التعليق :

يوجد بعض الاخطاء الاملائيه بالقصيده

البيت الثالث : يرتاح بدل رتاح
البيت التاسع عشر وسطها بدل وسطه
البيت الثاني والعشرين : مابيعهن بدل مابيعن

***الطير سداح هو (حنديا) قنص بها الحقير عبدالله السدحان ويسخر فيها بالصقر والصقاره والعوائد الجميله وكان في كل مرة يقول للحثاله الذين معه ياشباب عطو سداح فرصه والقصه معروفه وقد رد الشاعر هتاش على ذلك بابيات جميله سوف انشرها قريبا ومن ضمنها بيت :
الهزو في شيبانا والغلط ليش ،،،،، ويش الهدف اللي تريدون ياخياش
الخ وسوف تنشر قريبا ان شاء الله ،،،،،،،،،،،،،،،

وشكرا للجميع،،،،،،،،،،،،،،،،،،،،،،،،،،،،،،،،،،،،،،،،،،،



اخوكم /ذياب المرشدي (راع النياق المغاتير)

[عبدالعزيزالمرشدي]

صح لسانك على هذه القصيده الاجتماعية وبيض الله وجهك

كذلك لايفوتني شكر الاخت روابي نجد على تلك الابيات التي شاركت

بها الله يعطيكم العافيه

تحياتي ،،،،،،،

[ذياب المرشدي]

الله يعافيك اخوي عبدالعزيز

ومانقوم الا بالــــــــــــواجب

والفضل لله ثم للمشرف على حسن الادارة ،،،،،،،

والشكر موصول للأخت الفاضله روابي نجد ،،،،،،،،،،،،،،،،،









ذياب المرشدي (راع النياق المغاتير)

[$$ الدولار $$]

صح لسانك ياذياب وقصيده بصراحه مؤثره وحساسه


بس ذياب تقول لي ماتعرف الرقم ;) حاول تذكره



:p;)


على العموم اخوي ذياب سلمت يمينك ولاقصرت وبيض الله وجهك


وتقبل تحياتي

اخوك بدر المرشدي

[الصميدع]

صح لسانك ياخيينا ذياب المرشدي





اخوك الصميدع

[ذياب المرشدي]

نعم مازلنا نشكر الاخوان على ردودهم الطيبه ؛؛؛؛؛؛؛؛؛؛؛؛؛؛؛؛؛؛؛؛

وهذا ان دل على شي فأنما يدل على تواضعهم وطيب معدنهم ؛؛؛؛

فالشكر مكرر للأخ عبدالعزيز والاخت روابي نجد ؛؛؛؛؛؛؛؛؛؛؛؛؛؛؛؛؛؛؛؛

والشكر بالمسك والعنبر للغالين بدر المرشدي والصميدع وخويه ؛؛؛؛





اخوكم / ذياب المرشدي (راع النياق المغاتير )

[$$ الدولار $$]

[poet font="Simplified Arabic,4,darkred,normal,normal" bkcolor="transparent" bkimage="backgrounds/2.gif" border="outset,7,sienna" type=0 line=200% align=center use=ex length=0 char="" num="0,black" filter=""]
ياذياب ياراع النياق المغاتير =حنا تعبنا والمصالح قليله
الله يسيرنا على الحق تسيير =والا الردي ياجعل ربي يزيله
[/poet]



:D

[ذياب المرشدي]

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
امين ياذيب الرجال المناعير=ان جا نهار فيه حطه وشيله
وحنا على نور البدر فالدجى نسير=وان غاب اول مايضيع الدليله
والبدو حطو للغنم تبن وشعير=افهم ترى ماني براعي طويله

اخوك/ذياب المرشدي(راع النياق المغاتير)
[/poet]