[align=center]
الشاعر عبدالله فلاح مساجله مع الشاعر نايف ابو طفره
يانايف المطلق فتح وانغلق باب
ماهو بيمي مير جيـت اتهبيـا
غنيت من فرقا الولايف والاحباب
وجاوبت انا اللي يوم غنا لعبيـا
البارحه عديت في راس مرقاب
الين نور الصبـح بـان وجبيـا
قمت اتذكر داعج العيـن نهـاب
اللي اغـار وبضحويـه غلبيـا
اغار بعقاب العواجي وبحجـاب
والقلـب يانايـف بليـا جنبيـا
ثم ورد الشلفا على قلب منصاب
وجيتك لك الله عقب شلفاه حبيا
حسين دل وبالتواصيف جـذاب
الله خلق فوق العجايب عجبيـا
رزين عقل ولايـدور للاعجـاب
واليا مشى يكن حليـاه ضبيـا
ياكن في قلبي تفاجير الارهـاب
اللي يسويهـا مطـوع غضبيـا
اموت في حبه مثل موت خطاب
اللي طرحوه اهل الوثن وانصلبيا
لاماعلى المشتاق نقد وتعيـاب
ودي تضيع السالفـه وتخربيـا
الله يبيح ابن الملوح والاعـراب
شهيد حبن فـي زمانـه ذهبيـا
عزالله اني ياهل الحـب رغـاب
الحب به نكبـه عسـى منكبيـا
رد الشاعر نايف ابو طفره
البارحه جتني هواجيسـي اسـراب
ولادري وش المطلوب ويش الطلبيـا
لاراح دولابـــن تـقـفـاه دولاب
الين نـور الصبـح بـان وحضبيـا
حي الجواب اللي لفانـي علـى اب
وميقاف بيته معسّره لـي فـأ بيـا
حيـت ياللـي للجزيـلات كـسـاب
واللي مثـل شـرواك الـه احسبيـا
شاعر واديـب وللطواريـق لعـاب
وانالـك الله كـل صرفـي ذهبـيـا
لاباس ياشاكي تفاريـق الاصحـاب
ياجعل مـن لامـك بنـار وحطبيـا
ماذاق مثلك حـب تلعـات الارقـاب
وقلبه من خشوف البنـي منعطبيـا
ماهو سواتك يوم نجم القضي غـاب
دمعك على فرقـا الوليـف انسكبيـا
اتجاوب السرحان وتجيـب ماجـاب
اليـا قنـب قلبـك سواتـه قنبـيـا
على عشيرن خجك بسيـف وحـراب
سيف الغلا وحـراب سـود الهدبيـا
خلا فؤادك فيـه تجريـح وانشـاب
زملوق وسمن فيـه طعـم العنبيـا
ابوجديلـن فـوق الامتـان منسـاب
شليـل غوجـن للمغيـره كسبـيـا
في ماقفن واليا اعتزوا عكف الاشناب
فوقـه شجاعـن بالقـا ينطربـيـا
اليا دحم جمـع المعاديـن ماهـاب
خيـال علويـن يـفـك النشبـيـا
عين اشقرن لحـاق ماهـو بتـلاب
اشقر ظهـر صيـده كبـار الغلبيـا
من سبته ماينفعـك كثـر الاطبـاب
ياكود عنـق الريـم تسبيـه سبيـا
امر علي وانـا لـك اليـوم طـلاب
ولجلك يابن بدهـان افـزع عربيـا
حنا هل الفزعه عريبيـن الانسـاب
وابشـر بعـزك ياعريـب النسبيـا
ياما شبع في دربنا ذيـب واعقـاب
ولايسلـم الا كـود منهـو هربـيـا
عبـدالله البدهـان للنـار شـبـاب
بالطيـب والا لوتبيـهـا غصبـيـا [/align]
| 
|
05-01-2006, 12:20 AM
المواضيع المتشابهه
العرض العادي
