معلقة الحقباني طير شلوى (ألا هبي..)

[النـداوي]

بسم الله الرحمن الرحيم
الحقيقه عثرت على قصيده للشاعر نابت بن حسن بن شجاع الحقبان الدوسري من أهل الأفلاج وأعجبتني ويسرني ان أقدمها في هذا المنتدى الرائع. هذه القصيده (المعلقه) .

ومن ارادها بصوت رابط التحميل

هنــــــــــــــــــــــا

[poem=font="Simplified Arabic,4,white,normal,normal" bkcolor="transparent" bkimage="backgrounds/2.gif" border="solid,4,sienna" type=0 line=0 align=center use=ex num="0,black"]
ألا هبي بصحنك واصبحينا =ولا تبقي خمور الأندرينا
بديت ببيت من أبيات جدي =وغيري للجدود مضيعينا
أنا البارح قضيته بالتفكر =بمجد فات في غبر السنينا
بمجد في يدين التغلبيه =وتشهد به جموع العالمينا
أراجع صفحة الماضي بقلبي =وأشوف أفعالنا كالفرقدينا
فعول مادخلها كذب كاذب =ولا جاها لفاق ملفقينا
ولا جاها مثل هذا وهذا =وكل خابر مرسى السفينا
فعول بيض وقت الجاهليه =قبل بعث النبي طه نبينا
قبل يبعث وبعد البعث حنا =كتبنا العز في أعلى الجبينا
بخلي مجد ما قبل الرساله =لأنه في الكتب ماهو دفينا
لأنه في الكتب واضح مؤرخ =سواليف تغيض الحاقدينا
سواليف الأمير كليب وايل =وأخوه الزير ذباح السمينا
والأخطل وابن كلثوم المشبب =وسيف الدوله الحمدان فينا
ابترك وقتهم وابدى بوقتي =وأقول اللي بجوفي من سنينا
ألا يا نعم يا صبيان تغلب =وتغلب جمعها ما له قرينا
ملينا نجد والحد الشمالي =وحتى من ورا احدوده ملينا
جميعاً نلتحم في لاد تغلب =جموع لازهمناها تجينا
ولكن نجد واللي عاش فيها = غدوا بالدوسريه من سنينا
بحلف جابه العرعير جدي =بوقت جاه زايد والضعينا
فقول الد وسريه ما وجدها =سوى العرعير جدي با ليمينا
وكل شاهد بالقول هذا =ولا ينكره رجال فطينا
وترى طول الشبب هو طولة لي =وقصدي واضح للسامعينا
وساس الدوسريه حول خمسه =قبايل تغلبيه بينينا
أبخذهم قصص ببدي بروحي =عسى الله يكتب الخيرة يعينا
نعم يا لابتي لاد العياضي =ليا ادانت تزيد الدين دينا
نرد الكيل كيلين وفيه =وينقص كيل عادينا علينا
ويشهد برك في قولي ويومه =ومخضار وجرهَّ شاهدينا
خذينا بعشرتنا حول ميه =بشيخان العدا قمنا ابتدينا
تلايم ضدنا جمعين لكن =خذيناهم يسار مع يمينا
وصدوا كل جمع فيه وجعه =بكبده ينغبن منها غبينا
ومشوط من جنوب جاك عادي =يبي يكسب سواة الكاسبينا
وساق البل وابن شيبان يلحق =نعم ياحمود رد أم الحنينا
نكس بالبل وخلاهم جثايا =كنخل منقعر ميت سنينا
جميعا موتوا ياكون مشوط =ترك مكسور مغبون حزينا
ومثله مزيد ضده زمانه =جويع جاك يبغا يغتذينا
معه من لابته تسعين حايف =وكل حافله هجمه بحينا
لحقناهم ثمنيه واشتبكنا =بهم وسط اليتايم وامنينا
وجينا بالجهام مدورجينه =وعلوان وربعه سالمينا
ولنا وسط الحسا هيه مريه =حكاها الأجنبي قبل البطينا
غدا عفاس من ربعي نعامه =وأبوليلى وربعه كالعجينا
ولنا أكبر عطيه جات تذكر =عطيناها آل زايد با لسنينا
وهي ياسامعي بيض اللهايد =ويومنا عطيناها عطينا
من العرعير للملطوم زايد =فزايد عقبها منا وفينا
وفلقتنا سرت بين القبايل =مثل سايد ومشهور حسينا
تسمى فلقة الحقبان لامن =قرن عازة وصارت عازتينا
ونعم بالمصارير الضواري =هل عشر خذوها باليمينا
اهل عشر تعلاها ذيابه =بكون تاه فيه المعتدينا
تقاضوا في ولد عشرين شايب =وقالوا من طغاهم ماقتضينا
وابن عبود حول به مضرا =طليفيح زبون المجرمينا
خذا الفنجال ثم سما وشربه =وهو قد كاد ناس حاضرينا
وفعلا يوم شربه ماتردا =ألا ياهيه يا فنجال صينا
وشلفا حزام كل قد سمعها =وكثر بفعلة حزام الرطينا
وابن الأعمى محمد با لخفيسه =وابن راحان في جنبه عوينا
عدو ورد الملازم بالغصايب =معالقه لجا اللازم تبينا
تعزوو ثم وردوها وأهلها =على جال الهجال محور بينا
فنعم وافي لاد الحبيبي =فهم بين التغالب الأقربينا
جميعاً في علي يرجع نسبنا =فماجد منهم وعياض فينا
وثالث لابة في التغلبيه =ينو مسنا نباها لاحكينا
لها بالوقت تاريخ وفعايل =لها السلطان والعز المكينا
وهي ياسامعي لاد العميري =عمور مجدها ماله ثمينا
لها ديره ألا ياكيف ديره =تضم يسود والديره عرينا
لفا الفيصل وتسع ألاف جيشه =يخرب كل ديره مايلينا
ولا رده يكون عمور تمره =بوجه بوجه ماحطوا كمينا
وكل شاهد بالقول هذا =كما الهذيه بروس الشاهدينا
فنعمٍ ياعمور التغلبيه =بني عم يجيها مايجينا
تعز الجار ماترضى هوانه =وكل بالجعيري خابيرينا
حشد واستاق جيشه صوب ليلى =يبي ابن الصباح المستهينا
وخرب مشرف قصر الصباحي =فزع في فزعته دنيا ودينا
ولا لبن الصباح إلا التحسر =يترجم حسرته بدموع عينا
ومني للذي راحو وشاخوا =بدار أجناب جاوك شايخينا
وهم ياسامعي لاد الخييلي =ولا يعتاز تبين المبينا
وهم خيالة الشرفا وأهلها =ومدحتهم ترى حق علينا
فنعم يامخاريز الرماحي =أهل سيف وأهل حربه سنينا
أصد بعبرتي لامن طرتلي =ديار كانوا فيها نازلينا
ديار في الحزم وابو خياله =عدوده من يسار ومن يمينا
وخامس لابة في التغلبيه =مشاوية لها القاسي يلينا
قبيلة أفتخر لا قلت عنها =قبيلة اصلها منا وفينا
ترى المشوي يعود للعياضي =وذا قول الرجال المقطبينا
فهذا حن ياصبيان تغلب =سوالفنا تجدد كل حينا
سوالفنا لها الشيخان تطرب =وتطربنا وتطرب سامعينا
تنومسني سواليف قدايم =تنومسني سوالف الأولينا
ليا من آنتهى جيل بطيبه =تجيك أجيال عقبه مقتفينا
تجيب الطيب الأول ثم تزيده =كذا الطيب يورث طيبينا
وقصير البيت ناسم له عصاته =ويمسي وامن مع وامنينا
بدعنا السلم هذا وانتبعنا =فمتبوعين ماحن تابعينا
تسلسل ساسنا من راس علطا =عرب وأ صل العرب حنا وأبينا
وختم القاف صلى الله وسلم =على طه رسول الله نبينا [/poem]


اول إنذار واخر إنذار


ممنوع وضع ارقام الجوال في المنتدى

تحياتي لك ،،،،

النـايــــــــــــــــــــف

[النـايــــــف]

مشكور اخوي النداوي


على هذا الاختيار


تحياتي لك ،،،

[بنت* عتيبة]

والنعم في بني تغلب .

قال عنهم احد الصحابة رضوان الله عليه... ان الرسول صلى الله عليه وسلم قال عنهم... لولا الاسلام لاكلو الناس .... وذلك لقوتهم وشجاعتهم وفصاحتهم وبيانهم.

وفي وقتنا الحاضر ظهر من التغالبة اهل تقوى وورع و رجال منهم شغلو ولا زالو قضاة في بعض محاكم المملكة وفي دواوين المظالم.

تسلم النداوي على الاشارة على مكانتهم بهذه القصيدة.

[النـداوي]

الاخت / بنت عتيبه

ما اقولك الا ماعليكم زود ياعتيبه وخاصة (بنت*عتيبه)

واقول

(وانا عتيبي عريب معرب ***** لي موقف كل الجميع شهد و به)

كفو يا عتيبه