من اروع الاحديات بين العتبان والمطران

[الحصان]

[align=center] احدية العتبان[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
الاوله سلام باسم عتيبه الهيلا على حق وحـقـيقه =لطامة العايل على وضح النقا واهل المواثيق الوثيقه
لاجا نهاريفـقـد الرجال عـقـله والنفـس ويجف ريقه =ذباحة الحايل سيوف العزواسأل فالعرب غرب ٍ وشرقا
والثانيه جينا نشرف حفـلكم مال الصديق الاصديقه=ياهل الزعامه والشهامه والمواقـيف الثقيلات الطليقه
كسابة الطاله رجال الطيب وجبال شواهيق ٍ مويقه=من عادة المطران حمران النواظرللـفـعـول الطيبه تشقى وترقا
والثالثه شفـت الخيال اللي يهيض البال والناظربريقه=يمطر على بحر الخليج وتحته بحور غزيرات ٍ عـميقه
منشاه من قـلب الجزيره واشتعل فوق البحر نار وحريقه=بالهون ياشاعر قطروالصوت والتصويت واللي يطرقون البيت طرقا
والرابعه وش رجل مايمشي عدوه في رضاه ولا طريقه =بعد ماطاعه عن جهل غـطا البرئ واخفاه في دار ٍ سحـيقه
عدل وتحمله حمل مافيه هذا اليوم من يقدر عليه ومن يطيقه=رجل عطاه الله قدر ومنزله يوم أن بعض الناس في غـفـله وغرقا[/poem]

[align=center]رد المطران[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
الاوله يامرحبا باللي حضرمن خاطر ٍ مافـيه ضيقه =عـداد مانهلت هماليل المطر والسيل حوّل مع مضيقه
واعداد مادارت ليالينا وعـدت بالثواني والدقـيقة=بسم الرجال اللي على الهـمات وقـت العـسروالا اللين ترقا
الله يحييكم تحيات المطروانتم معزتكم من الماضي غـميقه=نعزكم ونعدكم مثل الشقـيق اللي مايفرق عن شقـيقه
انتم وحنا كلنا سيساننا من ماضي الهجره عـميقه=مافـيه فرقا عندنا فاصحابنا من روق والا عيال برقا
والثالثه شفـت الخيال ان كان ماجاته صواديف ٍ تعيقه =لابد مايسقي البلاد وتصبح ارض الله حديقه
والناس كل ٍ طريق وكل رجال ٍ طريقه مع فـريقه=واللي يبا الفرقا نقول ان قاله المولى ترى مافـيه فرقا
والرابعه راس ٍ يجيه اصداع ياراعيه تبشربالشقيقه= والله عليم ٍ بالخفا والرجل يلقافي حياته مايليقه
وبعض المواقف تجبرالرجال ماينظر بعينه في رفيقه=واللي حصل منه الوجيه اللي عليها اللوم والشرهات عرقا[/poem]

[إبن ثعلي]

لاهنت يالحصان على نقل هذه الحداة وبديلتها لكن اعتقد ان المطران ماحلوا اللغز
تحياتي لك

[راع المحاني]

بيض الله وجهك يالحصان، ورأيي من رأي ابن ثعلي، اظن اللغز ماحلوه الربع

شكرا لك

[الحصان]

اللغزالاول اعتقد انه حول الشاعريوسف بن عبدالرزاق العصيمي وتحامل الشاعرتركي المريخي عليه في شاعرالمليون ويبدو ان المطران حلوه اما اللغزالثاني لم يحلوه

[ناصر بن سعدي]

إخوي الغالي


الحصان ..

نقل رائع ومميز ..والحدايا .. من الموروث الرائع ..التي إندثرت والآن بدأت الحياه تدب في شرايينها ..



وحداه رائعه بين العتبان ومطيــر ..ولو ذكرت لنا منهم العتبان لـ كان أفضل ..


واللغز الثاني ما إنحل بس أتوقع يكون حول قابيل وهابيل ..والغراب ..


ولكم خالص تحياتي ..

[المطيري305]

حــداهـ رائـعــة

ونعم بربعي مـطـيــر
ونـعـم بـخـوالـي عــتــيــبـه

[الحصان]

الشعراء ماعثرت على اسماهم واللغزالثاني اعتقد انه علي بن ابي طالب رضي الله عنه وابنته التي حاول دفنها اودفنها في الجاهليه ثم بعد اسلم كان ابليس مايمشي في طريقه من قو ايمانه برب العزة والجلال

[روقي قرم]

لله درك على هالنقل

سلمت ولاهنت

تحياتي