إن كان طيبي عيب ومشكلتي اوفيت

[مخاوي النشامى]

ياليل ما اذكــر في حياتي تمنيـــت
مثل ابتسامه تنتشل قلـب منصـاب
مليـت ورب البيـت يالليـل مليـت
من الجروح اللى تجيني بلا اسبـاب
تدري ياليل اني على الجرح غنيـت
غنيت دمعه والصدى ضم الاهـداب
تبي الحقيقـه والصراحـه ترجيـت
فرحه ولكن الزمـن بالعطـا خـاب
ياليل قلـي بدنيتـي ويـش سويـت
حتى الهموم بداخلـي تفتـح ابـواب
إن كان طيبي عيب ومشكلتي اوفيـت
اموت صادق وارفض اعيش كـذاب
طبعي كذا عـن ميزتـي ماتخليـت
عندي مبادي دونها ترخص ارقـاب
بينـي وبينـك ياكثـر ماتعنـيـت
اركض بغرفه مغلقـه مالهـا بـاب
غرفه وراها فرحتـي دونهـا جيـت
اركانها عتمـه ولا حولـي احبـاب
كاس الفـراق المـر منـه تقهويـت
انا اشهد إن الشـوق ياليـل غـلاب
ياليل انـا لاشفـت ماعفـت قفيـت
اقفي ولو خلفي كثيريـن الاصحـاب
الا جروحي كـل مارحـت وقفيـت
جتني تحمل صدتـي لـوم وعتـاب
ماذكر ولـو مـره بحياتـي تهنيـت
اضحك كذا والصدق عن شفتي غاب
صارت دموعي ضيف وعيوني البيت
ودايم تشوف من المناديـل ترحـاب
اشرب من الدخـان لاجيـت باكيـت
احرق زقاير والسهر يحرق اعصاب
لاشفت شمس الصبح ليديـك حنيـت
في داخلك حبـر القلـم بالشقـى ذاب
اسريك بالحالي واذا رحـت ونيـت
مابي تروح ودمعتي بيـن الاهـداب
أكتب شعوري في ظلامك على ايـت
ونورك ختم قصة عذابـي علـى اب
ياليـل قـل لصبـح انـي تمنيـت
بس ابتسامه تنتشـل قلـب منصـاب

م
ن
ق
و
ل

[فواز الشيباني]

اخي مخاوي النشامي

صح السانك والسان الشاعر

ولاهنت على الاختيار الرائع

[برقاوي هواوي]

صح لسانك أخوي مخاوي النشامى وتسلم على النقل الرااااااائع

[اخو من طاع الله]

لا هنت على النقل الررااائع

الله يعطيك العااااافيه

[مخاوي النشامى]

فواز الشيباني
برقاوي هواوي
عبد الله الحافي
صحت ابدانكم ولاهنتو على المرور والرد

[((الدلبحي))]

لا هنت على النقل الررااائع

الله يعطيك العااااافيه


تحياااااااااااااااااااااااااااااااتي

[النـايــــــف]

صح لسانك اخوي مخاوي النشامى


وصح لسان شاعرها


وبيض الله وجهك

على هذا الاختيار


تحياتي لك ،،،،

[مخاوي النشامى]

الدلبحي
لاعدمنــــــــــــــاك ياخوي مشكوووور على التواجد الرائع والرد

[مخاوي النشامى]

صح بدنك اخوي النايف
وجهك ابيض ياخوي تسلم يمينك على المرور والرد