قولوا لها ما عاد يقوى على جفا====والروح ما تقبل سواها عنودها

[جريـر]

قولوا لها

[poem=font=",6,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله يذكر يوم كنا نعودَهَا=ذيك الديار اللي عشقنا حُدودَهَا
اللي غلاها مِن غلا مَن سكن بَهَا=روحٍ عطت للروح معنى وجودَهَا
كانت سماي اللي تقلِّب سحابِتِي=كانت أحن من المحنَّه رُعودَهَا
كانت سعاده ما قدرت اهتني بَهَا=من كثر ما تفرض علينا قُيودَهَا
يا عين حسبك...ما تفيدك مدامِعِك=كم مرّةٍ توعد وتخلف وعودَهَا
كم ضيقةٍ صاحت:تراني انا لَهَا=وتْسوق حجَّتها وتِشْهد شُهُودَهَا
وتْهلِّ تجهد كلِّ عينٍ بكتْ لَهَا =وْلا فادت آهات العيون وجُهُودَهَا
وِالضيقه اللي احسِب انْها تِبَدِّدَت=جابت عقب هلَّ المدامع جُدُودَهَا
وين الفرح يا عين ...هذي عَبَايِرِي=ويش الوسيله...لا تقولي بِزودَهَا
ويش الوسيله يا "محمد" لِشوفَهَا=ملّيت انا ياخوك كثرة صُدودَهَا
كلْمَ ذْكرت قسوة هواي وْطِياشِتِي=القى قِطِيعه والعناد بْرُدودَهَا
أدري خدعني طيش...وادري ظلمْتَهَا=خنت الوفا والحب واصدق عُهُودَهَا
وادري بكا مَ يْفيد...ما هو وسيلِتِي=بس النّدم بالروح بدّد بُرودَهَا
جرح الهجر...ما زال ينزف...ما نِضَب=نار الوله...ما زال وقتي وقودَهَا
قولوا لها ياخوك ترجع لِدنيِتِي=ما عدْتِ أَقوى يا عضيدي جُحُودَهَا
قولوا لها ما عاد يقوى على جِفَا=والروح ما تقبل سواها عَنُودَهَا
[/poem]

للتحميل صوت 2 ميجا بايت
http://www.herosh.com/download/43118..._.___.mp3.html

[الأمير الفارس]

صح لسانك ولاهنت يا

جرير

شكراً لكـ

تحياتي

[فهيد مقعد الرويس]

صح لسانك

ياجرير

مبدع

ننتظر المزيد لاهنت

تحيتي وتقديري

[نايف تراحيب]

الله الله يا جرير

رائعه ورايقه بعد

لاهنت على هالكآيفه

وصح لسسسآنك مليون في مليون

احترآمي


/


،

[شيخ الشيوخـ]

قصيدة رائعة تدل على شاعر مبدع

صح لسانك

[جريـر]

المشاركة الأصلية كتبت بواسطة الأمير الفارس صح لسانك ولاهنت يا جرير شكراً لكـ تحياتي

ولسانك


تسلم اخي


عطرت الصفحه بمرورك


شكرا لك

[جريـر]

المشاركة الأصلية كتبت بواسطة فهيد مقعد الرويس صح لسانك ياجرير مبدع ننتظر المزيد لاهنت تحيتي وتقديري

ولسانك


تسلم اخي


عطرت الصفحه بمرورك


شكرا لك

[جريـر]

المشاركة الأصلية كتبت بواسطة شيخ الشيوخـ قصيدة رائعة تدل على شاعر مبدع صح لسانك

ولسانك


تسلم اخي


عطرت الصفحه بمرورك


شكرا لك

[جريـر]

المشاركة الأصلية كتبت بواسطة نايف تراحيب الله الله يا جرير رائعه ورايقه بعد لاهنت على هالكآيفه وصح لسسسآنك مليون في مليون احترآمي / ،

ولسانك


تسلم اخي


عطرت الصفحه بمرورك


شكرا لك

[ميااااح]

رائعه ياجرير

نعم انك مبدع