الله من قلب عوى عويت الذيب

[مخاوي النشامى]

قصيدة أعجبتني وتمنيت معرفة قائلها , وسأسعى جاهدا على ذلكـ أرجو أن تنال إعجابكم واستحسانكم:


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله من قلبٍ عوى عويـت الذيـب =
ذيب عوى لجـت ضلوعـه ولجـي
عليك ياراعـي العيـون المهاديـب=
سـودٍ مضاليـلٍ وسـاع ٍ وبـجـي
سودٍ تشذب بسرة القلـب تشذيـب =
طحت بخطرهـن يالله انـك تنجـي
سهومهن تسطي على القلب وتصيب =
تخـج صنـدوق المعاليـق خـجـي
ياصاحبي حبـك لقلبـي عواقيـب =
ارفق علـي شـوي قبـل استلجـي
يا اللي عليك عيون الامه مراقيـب =
تقـول بيـن شـفـاك درٍ يمـجـي
والخد براق المـزون المهاضيـب =
اللي رعوده رجـت القـاع رجـي
يامنوتـي مافيـه شـك ولاريـب =
منساك كود انسى صيامـي وحجـي
يابو نهـودٍ شلعـن مقـدم الجيـب =
كمشمشٍ عرقه مـن المـاء ينجـي
من فوقهن شقرٍ تغذى على الطيـب =
ريح الشمطري في طرفهـن يعجـي
ذيل اشقرٍ ينسف خلاف العراقيـب =
تطلـب عيالـه بالمهـر والترجـي
هزت وزرفـات السبايـا جناديـب =
لوما شليل الصبـر والمـال هجـي
ذبحتنـي ياسيـد كـل الرعابيـب =
فجيت قلبـي يأريـش العيـن فجـي
فجن مثل مظراب شلفاء تراحيـب =
شلفاءاً تخل الـدم الاحمـر يكجـي
لا وردة من كف مـرو المغاليـب =
والخيـل كاسيهـا ضبـابٍ وعجـي
ياعاذل المشتـاق مابالهـوى عيـب =
ماذقت لذاتـه عسـى امـك تدجـي
لو ذقت من حلوه ومـره تجاريـب =
مالمـت طـراد البنـي الغنـجـي
نجل العيون مزعلات الخطاطيـب =
شعـوٍ عـذاب مقطعيـن الفرجـي
يم الحبيب اللي هروجـه تعاجيـب =
ياعيـن لديلـه ويـارجـل سـجـي [/poem]

[محمد العتيبي]

مشكور يامخاوي النشامى وانشاء يعرف شاعرها

ياعاذل المشتاق مابالهـوى عيـب
ماذقت لذاتـه عسـى امـك تدجـي
لو ذقت من حلوه ومـره تجاريـب
مالمـت طـراد البـنـي الغنـجـي

تحياتي

[طلق الشيباني]

مخاوي النشامى

صح لسانك والله يعطيك العافيه

تحياتي...

[ابن عبيدالسليس]

بيض الله وجهك
اختيار رائع
واقول
ياصاحبي حبـك لقلبـي عواقيـب
ارفق علـي شـوي قبـل استلجـي
اللي يبي يستلج انا الضاهر
هههههه
مشكوووووور

[** ولد روق **]

صح لسانك
قصيد ممتازه
وبيض الله وجهك
/
/
/
** ولد روق **

[مخاوي النشامى]

المشاركة الأصلية كتبت بواسطة محمد العتيبي مشكور يامخاوي النشامى وانشاء يعرف شاعرها ياعاذل المشتاق مابالهـوى عيـب ماذقت لذاتـه عسـى امـك تدجـي لو ذقت من حلوه ومـره تجاريـب مالمـت طـراد البـنـي الغنـجـي تحياتي

هلا وغلا يامشرفنا

أسعدني تواجدك الرائع


بعد جهود حثيثه شاعرها هو / محمد الخس

[مخاوي النشامى]

المشاركة الأصلية كتبت بواسطة طلق الشيباني مخاوي النشامى صح لسانك والله يعطيك العافيه تحياتي...

صح بدنك اخوي والله يعافيك

لاهنت على التواجد الرائع

[مخاوي النشامى]

المشاركة الأصلية كتبت بواسطة ابن عبيدالسليس بيض الله وجهك اختيار رائع واقول ياصاحبي حبـك لقلبـي عواقيـب ارفق علـي شـوي قبـل استلجـي اللي يبي يستلج انا الضاهر هههههه مشكوووووور

وجهك ابيض خوي ابن عبيد


لاهنت على التواجد الرائع

[مخاوي النشامى]

المشاركة الأصلية كتبت بواسطة ** ولد روق ** صح لسانك قصيد ممتازه وبيض الله وجهك / / / ** ولد روق **

صح بدنك اخوي ولاهنت على التواجد الرائع

[النـايــــــف]

صح لسانك اخوي مخاوي النشامى

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،