[frame="9 80"][align=center]بسم الله الرحمن الرحيم
قصيدة شكر وثناء مهداه
إلى كافة قبايل الذّيبه من الروقه من عتيبه
بعد ان أهدوا لي ((سياره جيب))
وهذا ليس بمستغرب على آلاد ذايب[/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/14.gif" border="double,10,blue" type=0 line=0 align=center use=ex num="0,black"]
يقول لي واحدٍ يبغاني اجيبه=الجيب ويش إسنعه ياطيّب الفالي
وجاوبت بالصدق وإلا الكذب ماليبه=ماهوب طبعٍ لبوي ولاطبع خالي
الكذب نزع إبركه للرجل ومصيبه=ولابه من المرجله لو ربع مثقالي
والجيب جاني عطاء وافخر وأماريبه=لاهوب شحذه ولاشاريه من مالي
مابه عذاريب يامدوّر عذاريبه=راعيه يرهي على قطع الخلاء الخالي
شروه لي ربعي اهل العزّ والهيبه=الذّيبه اهل الكرم والمنزل العالي
ليامن بعض العرب غرّوه اصاحيبه=اصحابي اهل الوفاء من ماض الاجيالي
عون المغربل ليا كبرت مطاليبه=ليا زبنهم يزول الهم طوّالي
مايفلس الرجل والذّيبه معازيبه=آلاد ذايب هل الطالات الابطالي
إسلومهم كايده بالحيل وإصعيبه=في نطحة النايبه وحماية الجالي
وأمّا الكرم لازمينه مع تلابيبه=ورثٍ من اوّلهم الاول ليا التالي
مكرم من الذّيبه إلا خالق الذّيبه=الخالق اللي وهبهم جزل الافعالي
وهمه شيوخ الكرم وهمه مناصيبه=مثبوت بشهود علماً مايورّالي
احكي بعلمٍ جميع الخلق تحكيبه=واقول والله مغنيهم عن أقوالي
ماهم بحاجه لقولي يوم أغنيبه=وان قلت في مدحهم ماقلته إلحالي
قبلي نويفع وكل الخلق تدريبه=في مدحهم سطّر أعذب جزل الامثالي
والثعلي اللي قضى في ذبحة إصحيبه=وزبن عليهم وقال ونعم ماقالي
اللي وصفهم وصوفٍ صدق ومصيبه=قولٍ على فعل ماظنّيت ينزالي
وانا على منهج الماضين وامشيبه=واحرص على رفقة الذّيبه ولا ابالي
لوكانت إدروبهم صعبات وتعيبه=صعبه مجاراتهم في كل الاحوالي
أفعالهم تعجز الرجال وتصيبه=بأرهاق وأقلاق فألاقفاء والاقبالي
واللي يبا مثلهم يشعل مشاهيبه=ولايهاب الصعاب ونطح الاهوالي
وان زاره الضيف يبديله تراحيبه=ويكب عنه الرخيص ويبذل الغالي
حتّى ليا حل ذكره ينذكر طيبه=ويقال سبعين نعم ولابه إجدالي
واللي يبا مثلهم ومجوّدٍ جيبه=ويأخذ سنه ماصرف لو أنه إريالي
أزين له يروح ويحسّب مكاسيبه=ماله ومال الذّيَبه إجمال الاثقالي
يذلف لحاله لعلّه ينفري جيبه=ليا صار ماهو لصعب الحمل شيالي
ويلقى مع الناس مثله من يهليبه=كلاً من الناس يلقى شكل وامثالي
اللي يبا الطّيب يرقا في مراقيبه=ياجد مع الطيب له منهج ومدخالي
وراع الرداء ياجده ويحدّر إشعيبه=يلقى دروبه ويلقى الفين منزالي
والخاتمه والله ان الجود للذّيبه=ملكٍ من أوّلهم الاوّل ليا التالي[/poem]
[align=center]
(محمد بن دغيّم السميري)[/align][/frame]
| 
|
01-20-2007, 04:46 PM
المواضيع المتشابهه
العرض العادي
