على طهر وشرف والله ثم والله ثم والله

[نوف]

نصيته لابس (ن) ثوب الولع متقلد (ن) عصاه )

تخطيت العرب يم الذي بادلني بهواه

دعاني من غلاي ولابغا من غيري زيارة

نصيته لابس (ن) ثوب الولع متقلد (ن) عصاه

واعرف إني على درب الخطر وأسج معباره

تمثنيت الخطر كله على شانه ومن غلاه

وجزمت مصبر(ن) نفسي وخوفي ينتبه جاره

بدالي مثل نور الشمس يضحك شاعق (ن) سناه

وقمت أغط منور غرته ويشع بأنواره

رفع للصوت بيهلي ورد لمبسمه يمناه

وقامت تضحك عيونه وفيها خوف وإيثاره

وأول ما نشد: وين الهدية ? جعلها تفداه

هدية طيب له وأنا هدية مثلي أخباره

جمعنا مجلس (ن) فاتت على الحساد لا تلقاه

تفاصيل اللقا حفظتها من جملة أسراره

على طهر وشرف والله ثم والله ثم والله

أموت الموتة الكبرى ولا المس طارف إزاره

يعاتبني على التأخير يا برد العتب برداه

كأنه ما يعرف منين جيت وعالي أسواره

معنيني ببعده عني وخوفي نهار ألقاه

أخاف يشوفنا عذالنا ويصيح مزماره

عليه أخاف من نفسي ومن نفسه ومن من جاه

وعليه أخاف من زمة نهوده تقطع زراره

واحبه حب كيف أوصفه وأبوي أنا وأبواه

كما حب المناضل لا نفوه لتربة دياره

محبة ضامر(ن) وده بشوفه وان سمع طرياه

كما الوادي يرشه باذر الأمطار بأزهاره

ولا غاب المطر عن وادي الولهان ما اسقاه

ذبل منه الزهر وأقفر ثراه ودنت أحجاره

حبيب (ن) حدني للبوح وحبه ما لحقت أقصاه

من أحكام الغلا بيدي قيود وبيده اسواره


الشاعر / داهم العصيمي

[جراح العتيبي]

شكرا
لك على النقل
للشاعر العصيمي..

وقصيده جميله ماعليها كلام

دامها منك ومن اختيارك وذوقك الرفيع في اختيار الابيات الجزله..
فــ اكيد تصير جميله وماعليها كلام

[خالـد]

صح لسان شاعرها ولا هنتي على النقل

[نوف]

اخي العزيز جراح

تسلم على مرورك الكريم

اشكرك على تواصلك

عساااني مانحرم منك



دمت ودام وجودك

[نوف]

اخي العزيز خالد

اشكرك على مرورك الكريم ولاهنت ياغالي

الله لايحرمني من تواصلك


دمت ودام وجودك

[منصور الشيباني]

الغالية : نوف

صح لسانك ولسان شاعرها

ولا هنتي على الاختيار الموفق

لا عدمتك

تحياتي وتقديري

[نوف]

اخي العزيز منصور


تسلم على مرورك ولاهنت

وشرفتني بتواجدك المشرف

اشكرك على تواصلك


دمت سالما

[العود الازرق]

اختيار رائع

يعطيك العافية نووووووف

[نوف]

اخي العزيز العود الازرق

أسعدني مرورك الرائع

ونورت متصفحي بنقش

حرفك الماسي لاعدمتك

اشكرك على تواصلك


دمت لمن تحب