صورة وتعليق ..

[°• قرنقش •°]

السلام عليكم ..

أخباركم ..؟

أنا كنت فاتحه جريدة الرياض على صفحة خزامى ..

وشفت صورة وتعليقات عليها بالشعر ..

وحبيت أحطه لاني فعلاً استانست بشعرهم .. ممتع بشكل..

أتمنى يعجبكم ..

هذي الصورة ..



وهذي التعليقات....

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تقولها زينة الحلوات=توري الناس وتنبه
لي عام أذاكر به الساعات=واثمن الوقت ماالعب به
يوم جيت الأولى بصفي جات=هديتي ضب مااحبه[/poem]
خالد العنزي

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ويش السويه صرت أنا اليوم حيران=أنا ورفاقي دايم بهم وحزون
في حالة يرثى لها كيف ننهان=ياهل الحماية ردوا الصوت تكفون
لامن طرت قالوا نبي اليوم ضبان=وصرنا لعب لأطفالهم كيف ترضون[/poem]
محمد الخنيفر

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماله امان الضب في يدين طفله=مادام له مخلب وناب وعكرة
شيلو عنها وزيدوا الراس بكله=وجيبوا لها لعبة من السوق بكرة
وخلوها تستانس وتلعب وتدله=وتنسى هذا المخلوق ينعاف ذكرة[/poem]
فارس الثبيتي

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الضب مجلد ونعساني=والورع طارت به عيونه
مرتاع ماهوب طرباني=الله يفكه من سنونه
لا تأمن الضب من داني=حتيش لو غمض عيونه[/poem]
مبارك الدوسري

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا نجحت أبغى من أهلي هدية=نجحت أنا وأبغى هدية نجاحي
جابوا لي ضب قلت وش ذا البلية=قالوا تسلي وامزحي به امزاحي
وش رايكم باللي تسبب علية=حظي الردي واللي قردني صياحي[/poem]
سعود الحافي

أتمنى يحوز على رضاكم ..

احترامي ..

[** راس حربه **]

ابيات حلوه ومقتطفات مضحكه

وصوره جميله

واختياار جميل ورائع يا قرنقش

تحياتي لك

[إبن ثعلي]

قرنقش مختارات رائعه
تحياتي

[الدهوم]

ابن ثعلي الســـــــــــلام الدهوم عضو جديد وابغاء الكسب الخبرة معك













ابوهادي

[حسام هوازن]

روووووووووووووووووعة
الابيات

يـــ قرنقش

تحية طيبة لكي

ودمتم بألف خير

[فهد المطيري]

اخوي قرنقش

مشكور ياقلبي على موضوعك ولاكن الصوره مافتحت .

واتوقع من الردود ان الصوره . صورة ضب . والا مو صح علي ؟


ولك تحياتي

[متعب الساطي]

صوره طريفه وابيات جميله والله يعطيك العافيه