وجهة نظر

[فهيد مقعد الرويس]

اليك بعد السلام هذه الابيات عسى ان تجد شي من الاستحسان

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بلاش تتعب فالمثل يامسويه=لصار فالموضوع ربح وخساره



تجهد تفاكيرك على ويش ياهيه=اسمع ولوك ماطلبت استشاره



ياراعي الجزله لك الراي مهديه=الشعر لاخشيت جو اختباره



لياك مع مبناه تربط معانيه=ونمق قدر ماتسطيع العباره



صفصف جمل وكتب على غير توجيه=لو تاتحط ام الحصان الحماره



دام الوزن والقافيه عندك اوكيه=امر القرار اضمن بصفك قراره



ومن زايد اعجابه يصفق بكفيه=ويرددالمعنى جديد ابتكاره



هذاه واقع والشعر عايشٌ فيه=اقبل دماره يوم زاد انتشاره



من يوم راع المال مابدى تمعنيه=بالشعر واهل الشعر تونس حراره



بسبودهم!!من هول شي يعانيه=مورثٌ اصبح من عروض التجاره



هذاه يبتاعه وهذاك يشريه=ولامنهم اللي حافظ له وقاره



ماهتم واحدهم سوا في مخابيه=بالكم لابلكيف حدد مساره



مرتبا حكمه على كم ياتيه=وجته الجموع منافسه لصدار



وكلن سهمه اكيد للي يواليه=يمد مقدوره بحسب اقتداره



من منطلق واجب على الشخص يديه=ماخذ احساباً لشعر وعتباره

على الشعر وشلون حكمه يمشيه=هذا عز الشعر ولاحتقاره



لاهملت تقييمه وقيمة راعيه=سعيت في مبناه وانت دماره



يامدعي حرصك على الشعر يكفيه=ماقمت حب له تعلي شعاره



عكست منهاجه وعليت واطيه=وغيرت مفهومه بزعم الحضاره



حضارة مازادته غير تشويه=ولاجماله غطته بستاره



سوت لها صرحا با الابداع تمويه=ليحان جدرانه وسقف استعاره



ادناة عاصوفً عن الارض يخفيه=مهوب مثل الي مسلح جداره



على القواعد مسساتاً مبانيه=ويشهد مع التجديد فن العماره[/poem]

[ميااااح]

الله الله

هذا الابداع والحكمه

ما اقول الا صح لسانك

ويعطيك الف عافيه على هالرائعه

لك كل الاحترام

[فهيد مقعد الرويس]

المشاركة الأصلية كتبت بواسطة ميااااح الله الله هذا الابداع والحكمه ما اقول الا صح لسانك ويعطيك الف عافيه على هالرائعه لك كل الاحترام

صح بدنك

والله يعافيك

يامياح

تقبل اطيب تحيه

[كــــآتــم المـــــعنى]

صح لسانك مليون يا فهيد وواقع نعيشه طال عمرك وبيض الله وجهك

وننتظر جديدك

[نايف تراحيب]

صح لسانك يافهيد

وقصيده وافيه من وافي

ننتضر جديدك

/


،


نايف العتيبي

[سعد مخلد]

صح لسانك يالرويس
اابيات قويه وموضوع حساس

وانا معك ومع الشعر الصحيح والله يقويك

شكرااا

مع التحيه سعد ابن عاصي

[مدله الضميان]

عكسـت منهاجـه وعليـت واطيـه
وغيرت مفهومـه بزعـم الحضـاره
حضـارة مازادتـه غيـر تشـويـه
ولاجمـالـه غـطـتـه بـسـتـاره
سوت لها صرحا با الابـداع تمويـه
ليحـان جدرانـه وسقـف استعـاره


فهيد صح لسانك واعتلا شانك

على الابداع

لك تحياتي

[قوت القلوب]

الله عليك يافهيد
قصيده رائعه جدآ لاهنت طال عمرك
تحيااتي لك

[رغدالشيباني]

حضـارة مازادتـه غيـر تشـويـه
ولاجمـالـه غـطـتـه بـسـتـاره
سوت لها صرحا با الابـداع تمويـه
ليحـان جدرانـه وسقـف استعـاره
ادناة عاصوفً عـن الارض يخفيـه
مهوب مثـل الـي مسلـح جـداره
علـى القواعـد مسساتـاً مبانـيـه
ويشهد مـع التجديـد فـن العمـاره

فهيد الرويس

صح لساانك .
.وجهة نظر جديره بالاهتمام..
تقبل أجمل تحيه..

[فهيد مقعد الرويس]

المشاركة الأصلية كتبت بواسطة سيف العضياني صح لسانك مليون يا فهيد وواقع نعيشه طال عمرك وبيض الله وجهك وننتظر جديدك

صح بدنك

ياسيف

والله يبيض وجهك على الحضور

تحيتي وتقديري