قـدام بـابـه ابـصـرخ كـان يـوحـيـنـا ..

[شـوآق]

السلام عليكم ورحمه الله وبركاته

اعتذر عن الغيبه , واقدم لكم الجديد عساه ينال ع اعجابكم .

/

دنيا الشقا ويش باقي ماعطيتينا
داخل على الله يكفينا الذي فينا

كل ماغفت عيني اذكر ماضي ايامي
وفرقا وليف ِ رحل ااكيييد ناسينا

ادعي بصلاتي يحفظه ربي ويصونه
لاصار طيب عوافي لو يشقينا

وش فيك ياصاحبي مستنكر الدمعه
حنا كذا دوم نعشق من يبكينا

عن اذنك ابيك ترخص لي ابستاذن
عندي مهمه قبل للحزن ينهينا

وان قلت لي وين رايح قلت لك ناوي
تغيير زيت وبعدها فل بنزينا

البرد ذكى الرطوبه كانها عذرك
ولافيها احلى من الشرقيه الحينا

ان كان تبغى تخاوي خلك معزز
وعاني اعلمك بمشي تحت ميتنا

لاتقول صاحي ترا والله ماتدري
عن حرقه القلب شفها ترجف يدينا

ياقوء قلبه قدر يصبر على فراقي
شهرين واسبوع حاسبها ويومينا

كنها بعيني ميه سنه ولا ابالغ
يحسها من بكت عينه لماضينا

بروح لين اوصل لـ بيته ابي يسمع
قدام بابه ابصرخ كان يوحينا

خلوهـ يعطيني اللي سارقه مني
ولا يتماكن ترا معاد يمدينا

هو مادرى اني مدمن شوفة عيونه
هو مادرى ان حبه صار لي مينا

ان كان مايدري قولوله ياهل بيته
صوته لحاله قسم بالله يكفينا

لاشي بعدهـ يعوضني عن غيابه
لاغاب نور القمر غابت ليالينا

ماضيق الكون في عيني سوا حاجه
قفى وهو حالف انه مايخلينا

مابيه جنبي ابيه يحس بوجودي
لافاته الفوت ماينفع ينادينا

قالو يحبك مصيرهـ يندم ويرجع
وبلغتهم خوف يرجع مايلاقينا

معاه مهله لحد الصبح علمته
ولا من اللحين في حبه يعزينا

/

وسلامة قلوبكم
شـوآق

[رشيد الكسر]

شواق

صح لسانك واعتلا شانك

رائعه بروعة شاعرها

تحياتي

[صغير الشيابين]

صح السسسسانك يابو مساعد واهنيكـ على الابداع اللي ماهوب غريب عليك؟

[شـوآق]

رشيد الكسر

حضور اول افتخر فيه ... وصح بدنك
حياك ربي

[بنت الهيــــلا]

صح منطوقك وفكرك


نص راقي وإحساس مترف بالجمال


تحيتي..

[شـوآق]

صغير الشيابين

صح بدنك يابو نايف .. والابداع يكتمل بـ تواجدك
عسى الله لايهينك

[شـوآق]

بنت الهيلا

ومنطوقك .. عسى الله يجمل ايامك
حياك ربي

[شموخ طفله]

اعذرني سيدي قلمك أجبرني على مجاراته ..! وتلك الآلام التي استوطنت داخلي .. وجدت مساحة هنا للبوح .. أيها الرائع دام قلمك نقياً بنقاء روحك .. سماء صفاء وسعادة تكسو أيامك ... ودمت مبدعاً ,, وأبعد الله عنك الهم والحزن .احترامي لك

[أتعبني فراقك]

أَبْيَات قِمّة بِالرووعُه وَالْجَمَال ,,"
سَلِمْتِ وَسَلِمَت رَوْعَةذَائِقَــتُك الْشِّعْرِيَّة,,"
دُمْتِ بِذَات الرووعُه ,,"
كُلُّنَاشَوْؤؤق لِجَدِيْدِك ,,"
دُمْتِ بِحُب لِمَن يَحِن لَه قَلْبَك
أرق تحيه

[نايف تراحيب]

يا وجه الله
يا وجه الله


شوآق هناء معآنآه اسئل الله ان يعينك عليهآ !!

صح لسسآنك مليون في مليون

دائماً مبدع

وانكانك مصمل عطه مهله اسبوع زيآده لين اخلص شغلي واجيك انا ووديك :)


احترآمي لك يالقرم


/



،