تكفى تــــــرا تكفى تهز الرجاجيل

فواز الشيباني · 04-23-2006, 04:15 AM

تكفى تــــــرا تكفى تهز الرجاجيل ........ ولولا ظروف الوقت مــا قلت تكفى
تكفى يـــا مزيد ما يبا العلم تفصيل .......... المشكلـــه كبرت على عماش تكفى
مـا قلت تكفى غير من فترة الحيل .......... وانتـــــه ولد من يفعل الطيـب تكفى
انخاك من كثــــر العنـــا والبهاذيل ........ الفقر حطمني .. وانــا ازريت تكفى
غديت مثل اللي بـرك ضامه الشيل ......... تضحك بي ضعوف الرجاجيل تكفى
يــــومٍ لك وقفه .. وجاه .. ومداخيل ............ مـــا نغتني عن مثل شرواك تكفى
افزع تــــــــرا وقتي غدى كنه الليل .......... والعلم مــــــا يخفاك يالقرم تكفى
مـــا عاد بي شده ولا عاد بي حيل ........... ضدتنـــي الايـام ... والـقــلّ تكفى
اروح وارجع مـا حصلي محاصيل ......... والرجل بادت.. يا فتى الجود تكفى
واليوم عندك يـــــــا رفيق المشاكيل ......... العذر مـــا ينفع وانا قول تكفى
حيثك من اهل الطيب واهل المفاعيل .......... يـا زبن من جاله ومن قال تكفى
الجيب فـاضــي .. واليالـي مقابيل ......... عجزت اعيش مع الرجاجيـــل تكفى
والراتب المحدود .. يــروح تحويل .......... من الاداره .. لاهـــــل الديـن تكفى
حتى عيالــي مـا قدرت الهم الكيل .......... والازمــــه لا جـات .. صديـت تكفى
ارجــى الفرج والله يجيـب التساهيل ......... واعيش فـــي راحه مع الناس تكفى
والله كريــــم .. يبـــدل الحال تبديل .......... ومــا قلّ دلّ .. وصامـل الهرج تكفى

منقول

**ابوسـعد** · 04-23-2006, 04:43 AM

جميله جدا تسلم عل النقل الرائع وياهلااااااااااوغلاااااااااااا بفواز

طيب الفال · 04-23-2006, 04:52 AM

شكراً يا فواز على نقلك

بس الشاعر كثر من ( تكفى) تقريباً عددها 20

أحتراااااااااااااااااامي

طيب الفال

اخو من طاع الله · 04-23-2006, 08:03 AM

مشكور يا فواز على القصيده الراااااااااااااااااااائعه

لا هنت على النقل الرائع

فواز الشيباني · 04-23-2006, 09:08 AM

اخي ابو سعد

مشكور على التوصل الرائع

الله يعطيك العافيه

فواز الشيباني · 04-23-2006, 09:10 AM

اخي طيب الفال

الرجال بلاه الوقت والفقر لازم يكثر من قولة تكفي

يعطيك العافيه على المرور

فواز الشيباني · 04-23-2006, 09:10 AM

اخي عبدالله الحافي

مشكور على التوصل الرائع

الله يعطيك العافيه

talal08 · 04-23-2006, 10:43 PM

اخوي فواز

هل هذه هي قصيدة تكفى الدارجة على ألسنة الناس هالايام والا هي مجاراة

ومن هو شاعر قصيدة تكفى ؟؟؟

ارجو الرد واجو ان تكون حقوق هذه القصيدة محفوظة لعتيبة ، ويكون واحد منهم !!!

طويل الذراع · 04-23-2006, 11:18 PM

صح السانك والسان الشاعر

والله يعطيك العافيه

تحياتي

فواز الشيباني · 04-24-2006, 03:40 AM

اخي طالع 08

هذا الدره من درر عماش المطيري

بيت اشتهر بين الصغير قبل الكبير
بيت اشتهر بشاشات الجوال
بيت كم فك من النشب
بيت خلص اشغال ناس كثر
بيت فزعه وبس
المفروض كل واحد يستخدم البيت هذا يدعي بالتوفيق

تكفى ترا تكفى تهـز الرجاجيـل
ولولا ظروف الوقت ما قلت تكفى

لعماش المطيري

يعطيك العافيه على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدري اني بنت نــــاس ومن قبـــــايل ..... تكفى قدري لا يطيح وترخـــصه	بنت الهواجر	منتدى الشعر الشعبي المنقول	28	07-06-2008 02:11 AM
تكفي النظره ؟؟؟؟؟؟	الذويبي العتيبي	منتدى قصائد الأعضاء	26	06-24-2008 10:27 AM