جهد متواضع ( شعر شعبي من القديم )

[عزام الوسمي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السلام عليكم ورحمة الله وبركاته .......................

هذه ابيات أخترتها لكم من مما سمعت وقرأت ,,,,,,,,,,, ارجو ان هذا الجهد المتواضع يعجبكم ,,,

حميدان الشويعر
الايام ما يرجى لهن رجـــــــــــــوع = غدت بخلان لنا وربوع
مرقت من الدنيا بيوم ولـــــــــــــيــلة= واعد اسبوع وراه اسبوع
ربوع لنا قد فرق البين شـــــــــملــهم= وشوف الديار الخاربات يروع
سود الليالي ما درى عن بطونـــــها= يمسن حوامل ويصبحن وضوع
انا ادري بعلم اليوم وامس بما جرى=وباكر بغيب والاموروقوع
وانا احب جلوسي عند حي يفيـــدني=ولا ميت ما في لقاه نفوع
وانا احب قعودي عند قوم تـــــعزني= لو كان فيهم من صليب طبوع
ترى ياولدي من ثمن الخوف ما سطا=والانجاس ما خلو سبيلك طوع
ولاضحك الا والبكا مردفــــــــــــ له=ولا شبعة الا مقتفــــــيهاجوع

سليمان بن شريم
سرى البارق اللي له زمانين ما سرى=صدوق المخايل بارقه يجذب الساري
على فرعة الوادي وسيله تـــحـــــدرا=وغنت طيور الما على حاير الجاري
مرابي غزال بعد عرفه تنـــــــــــكرا=عليه الله اكبر كل ما حل له طاري
نطحني بثوب القزفوق المشــــــــجرا=جميل المحاسن لا بضخم ولا عاري
ارى سلبة العاتق الى صد مــــا درى=مثل سلبة العرجون في صفحة الذاري
ابو لبه مثل القمرضاح واســــــــــفرا=ولا غابت القمرا تقدي به الساري
صويب الهوى مسكين يمشي على ورى=ترا النقص فيه وحيلة اقوى من الضاري
برى الجرح منه ومني الجرح ما برى=وهو يحسب اني يوم طال المدى باري

ابن عبد الكريم مازحا
خمسة عشرفنجال لحنيف صبيت=ولو هو يروي قربة قد ملاها

رد حنيف بن سعيدان المطيري
لا تحسب اني من دلالك تقــــهويت=ما تنقه الشراب من كثرماها
ياموصي الحرمه على صكة البيت=تقول ما هو فيه لوهو وراها
يا خيبة امك يوم قالت تضــــنويت=يا خيبتها واقطيعة رجاها


شارع بن حطاب القحطاني
انا ليا كثرت الاشاوير ما شــــير=وحلفت مااتي واحد ما دعاني
وانا صديقك في الليالي المعاسير=ولا الرخا كل يسد بمكاني
رجا الله بن محمد الوسمي
شبه ريم صفقها الريح واقفت جفيل=ترتعي من شعيب تومورش حياه
صاحبي لا دقاق ولا بعوده جلــــيل=واحمد اللي علىهاك الوصايف قداه
يوم شفت المخاذع والجديل الجديل=قلت يارب انا وش عاد ابي بالحياه
قالوا الناس حيل وقلت والله ما حيل=كود قصرالسحرتي يوم حال اقتفاه


نورة الهوشان الرشيدي
يا عين هلي صافي الدمع هلـــــيه=والى انتهي صافيه هلي سريبه
وياعين شوفي زرع خلك وراعيه= شوفي معاويده وشوفي قليبه
لومرني في الدرب مقدراحاكيــــه=مصــيبة ياوي والله مصيبه
اللي يبيناعيت النفس تبغــــــــــيه=واللي نبي عجز البخت لا يجيبه


فهيد بن دحيم
يا راكب حمرا من العوجا همــــــيم=تجفل الى شافت سمار ظلالها
حمرا الى قفت كما خطوى الظـــليم=مع الخلا يامحلى زرفالها
تلفي على العايل وقله يا فــــــــــهيم= سلطان نجد ارجف عليك ارجالها
قله جرا يوم يشيب له الفـــــــــــطيم=به شاشة الاشراف ربي زالها
ندوسهم باقدمنا مثل الهـــــــــــــشيم=يوم تربة يعل فالك فالها
يوم اشهب البارود غداله رزيـــــــم=من وبله العدوان زاد اجفالها
قيدوا منا الضرغام والشهم والحشيم=صعب على غيره ينال خصالها
من دون بيت الله وزمزم والحطـــيم=ترخص مداغيش العيال احوالها
ربعي هل العوجا هل الفعل الــــقديم=كل القبايل خابرين افعالها
لا كملت هقوات خيال الـــــــــحريم=بمصادم العيال هو خيالها

شالح بن هدلان الخنفري
يا ربعنا ياللي على الفطر الشــــــيب=عز الله انه ضاع منكم وداعه
رحتوا على الطوعات مثل العياسيب=وجيتوا وخليتوا بقلبي بضاعه
خليتوا النادر بدار الاجانـــــيـــــــب=وضاقت بي الافاق عقب اتساعه
تكدرن لي صافيات المـــــشاريـــب=وبالعون شفت الذل عقب الشجاعه
ياذيب انا بوصيك لا تاكل الذيـــــب=كم ليلة عشاك عقب المجاعه
كم ليلة عشاك حرش العراقـــــــيب=وكم شيخ قوم كزته لك ذراعه
كفه بعدوانه شنيع المضاريـــــــــب=ويسقي عدوه بالوغى سم ساعه
ويضحك ليا صكت عليه المغاليـب=ويلكد على جمع العدو باندفاعه
وبيته لجيرانه يشيد على الطيـــــب=وللضيف يبني في طويل الرفاعه
كني بعد فقده بحامي اللواهيــــــــب=وكني غريب الدار مالي جماعه
من عقب ذيب الخيل عرج مهاليــب=ياهل الرمك ماعاد فيهن اطماعه
قالوا تطيب وقلت وشلون ابا طيـــب=وطلبت من عند الكريم الشفاعه


ابن سجوان
يا حسين بلدان الجماعه مريفه=واللي مع الاجناب كنه على نار
والطير بالجنحان محلى رفيفه=ولا انكسر حدا الجناحين ما طار
ويمنى بلا يسرى تراها ضعيفه=ورجل بلا ربع على الغبن صبار


بن لعبون
شفنا المنازل مثل دوي الفضا=عقب السكن صارت خلايا مخاريب
واحسرتي لمن طرى ما مضى=عصر يذكرني الاهل والاصاحيب


سعد الهرشاني
حييت ياللي بحلو النوم عانلي=البارحه طول ليله ما تعداني
ليته يسوي سواة البارحه خلي=الى رقدوا مدمج الساقين ينصاني
لو كان ما في حلوم الليل نفعلي=الا عذاب على قلبي وشقياني

راشد الخلاوي
لا تاخذ الهزلى على شان مالـــــها=ولاتقتبس من نارها بالوقايد
لا تاخذ الا بنت قوم حــــــــــــميده=عسى ولد منها يجيب الحمايد
يجزي عمل راعي الحساني بمثلها=ويجزي عمل راعي النكد بالنكايد
ولا تتقى في خصلة ما بــــها ذرى=ولا تنزل الا عند راعي الوكايد
ولا تسفه المنيوب الى جاك عانــي=اياك ياولدي ومطل الوعايد






خليف الشمري
ياليت عند خليف اربع ملايين=واربع عمارات بحي العليا
واربع حريم كلبوهن مزايـين=واردهن اللي مثل نجم الثريا
ابغى لامن غدى اليل ليلــــين=كل تقول خليف عندي هنيا

الشريف سرور
يالله ياللي كل حي يســـــــــــــالك=ياواحد كل يخافك ويرجيك
ان جاد حظك باع لك واشترى لك=فوايده في كل الاوقات تاتيك
وان باربك خلاك تنقل عيـــــــالك=من دار الى دار لدار يجلويك

موضي العبيدي في نبأ اصابة والدها في المعركة الصريف
الله من علم لفابه قرينـــــــــــــيــس=ياليت من هو ميت ما درىبه
علم لفا به مرس القلب تمريـــــــس=والنار شبت بالضمير التهابه
والنوم له عن جفن عيني حراريس=والحنظل المذيوق زاده شرابه
على الذي قفى على ضمرعيـــــس=واليوم مدري باي خب لفابه
نصيت بيته قلت له يا قرينــــــــيس=وين الحبيب وقال ما علمنا به
اتلا الخبر به بين ذيك الطعامـــيس=لم الصريف ولا سقى الله جنابه
رديت من كثر البكا والهواجـــــيس=دمعي كما وبل نشا من سحابه
يالله يا فكاك حبس المحابيــــــــــس=انك تفك محمد من صوابه

ابراهيم بن جعيثن
يا سفا يا حيسفا شفت الســــــفا=في شراب كدره عني سفاه
طاب حظي يوم محبوبي لــــفا=يوم انا وياه في سن السفاه
يوم غصنه ما بعد شاف الجــفا=من مشاريب الهوى خذ ما كفاه
عن ليالي الشبط ينزل في الدفا=وعن لهيب القيظ ينزل في النفاه
ما وطا درب المدانس والـــهفا=علتي صده وطيبي ورد فاه
يوم شاف الصبح والليل اختـفا= كدر الصافي وبين لي جفاه

محمد العرافه
ولا يالله طلبتك وانت اوحيت=ويالمطلوب تعطيني منايه
ابى تسعين عام كان ما بطيت=وعشر سنين من عندك وفايه
وترحمني ليا مني توفـــــــيت=عسى موتي يجيني بالدرايه
ولا وحيسفي ون جيت في بيت=على حدوه وسيسانه ورايه
وسيسانه حجر بالحزم ثبـــيت=ويغطونه كما غطو المرايه

شقيرالجذع
اليوم انا قلبي على خف وجناح=ماعاد يبغى مصرشطه ونيله
حتيش لو ينتج منجه وتفــــــاح=وحتيش لو فيه العماير طويله
دار بها المشهور مصري وفلاح=لااحد يعد اصله ولاله قبيله
ربع تضيف ضيفها رجل وجناح=اطيبهم الي جاب ديك يشيله
يشتالها البركان والصبح منباح=وعوض مبانيها الرفيعه نثيله
ويصبح صحن صاحي من النزل صحصاح=وينجابها الي خالقه يعتنيله
ينجابها الي فيه يامر بالاصلاح=من لا يخاف الله عسى الله يزيله
دار نساها لبسهن شورت واشلاح=والي يحاكيها تقف وتحكيله
ويمشن والاسلاب من قدم فتاح=وانا دخيل الله منجي دخيله
ماجيتله ياسيد البيض سواح=ولولاك والله ياغضي ما عنيله
ولو قلتلك مرتاح ماني بمرتاح=يعلم بها الي كل هم يزيله
اقعد من المغرب الى نور الاصباح=القلب كنه فوق حام المليله
قلبي قفل وله الهواجيس مفتاح=ليا صدر هاجوس الاخر يجيله
وصبرت صبر ايوب لين الصبر راح=هذي من السفره ثلاثين ليله
وجداه ياشمت ذعاذيع الارياح=في نجد غب مروح ساسيله
من الحجاز ليا شرورة والاسياح=مابه شعيب ما تدارج مسيله
ديرة مكسرة الجنابي والارماح=ماهوب دار مصلحين البليله


بديوي الوقداني
ايامنا والليالي كم نعاتبها= شبنا وشابت وعفنا بعض الاحوالي
تاعد مواعيد والجاهل مكذبها= واللي عرف حدها من همها سالي
ان اقبلت يوم ماتصفى مشاربها= تقفي وتقبل ومادامت على حالي
في كل يوم تورينا عجايبها= واليوم الاول تراه اصفى من الثاني
ايام في غلبها وايام نغلبها= وايام فيها سوا والدهر ميالي
جربت الايام مثلي من يجربها= تجريب عاقل ذاق المر و الحالي
نضحك مع الناس والدنيا نلاعبها= نمشي مع الفي طوع حيث ما مالي
كم من علوم واداب نكسبها= والشعر ماوزن مثقال بمثقالي
اعرف حروف الهجاء بالرمز واكتبها=عاقل ومجنون حاوي كل الاشكالي
لكن حظي ردي والروح متعبها= مافادني حسن تادبيب مع امثالي
ان جيت ابي حاجة عزت مطالبها= العفو ماواحد في الناس ياوالي
قوم الى جيتها رفت شواربها=بالضحك وقلوبها فيها الردى كالي
وقوم الى جيتها صكت حواجبها= وابدت الي البغض في مقفالي واقبالي
ماكني الا مسوي حال مغضبها= والكل في عشرته ماكر ودجالي
ياحيف تخفي امور كنت حاسبها= واللي على بالهم كله على بالي
الجارجافي وكم قوم نحاربها= والاهل واصحابنا والدون والعالي
والروح وش عذرها في ترك واجبها= وما في الحسب والنسب في جمع الاموالي
نفسي تبي العز والحاجات تغصبها=ترمى بها بين اجاويد وانذالي
المال يحي رجال لا حياة ابها= كالسيل يحي الهشيم الدمدم البالي
عفت المنازل وروحي يوم اجنبها= منها غنيمة وعنه البعد اولالي
ولاخير في ديرة يشقي العزيز ابها=يمشى مع الناس في هم واذلالي
دابها الخوف دايم مايغايبها= والجوع فيها ومعها بعض الاحوالي
جوعى سراحينها وشبعى ثعالبها= والكلب والهر يقدم كل ريبالي
عز الفتي راس مالي من مكاسبها= يامرتضي الهون الاعز ولا مالي
خل المنازل وقل للبين يندبها = يبكي عليه بدمع العين هطالي
لاتعمر الدار والقالات تخربها=بيع الردي بالخسارة واشتر الغالي
ماضاقت الارض وانسدت مذاهبها=فيها السعة والمراجل والتفتالي
دار بدار وجيران نقاربها= وارض بارض واطلال باطلالي
والناس اجانيب لين انك تصاحبها= تكون منهم كما قالوا بالامثالي
الارض لله نمشى في مناكبها= والله قدر لنا ارزاق واجالي
حث المطايا وشرقها وغربها= واقطع بها كل فج وراس خالي
واطعن نحور الفيافي في ترايبها=وابعد عن الهم تمسى خالي البالي
من كل عملية تقطع براكبها= فدافد البيد درهام وزرفالي
تبعدك عن دار قوم ودار تقربها= واختر لنفسك المنزال منزالي
لومت في ديرة قفرا جوانبها=بها لوطي السباع الغبس مدهالي
اخير من ديرة يجفاك صاحبها= كم ذا الجفا والتجافي والتعلالي
دوس المخاطر ولاتخشى عواقبها=الموت واحخد وؤبعدالعز يجلالي
ان المنايا اذا مدت مخالبها= تدرك لو كنت في جو السما العالي
ما قرت الاسد في عالي مراقبها=تسعى على الرزق ماحنت للاشبالي
والشمس في برجها والغيم يحجبها= تقفي وتقبل لها في العرش مجدالي
رب السماوات يامحصي كواكبها= يامجري السفن في لجات الاهوالي
ضاقت بنا الارض واشتبت شبايبها= والغيث محبوس يامعبود ياوالي
يالله من مزنة هبت هبايبها= رعادها بات اله في البحر زلزالي
ريح العوالي من المنشا تجاذبها= جذب الدلى في جبا مطوية الجالي
ديمومة سبلت وارخت ذوايبها=وانهل منها غزيز الوبل همالي
تسقي ديارا شديد الوقت حاربها= ماعاد فيها لبعض الناس منزالي
ياجاهل اسمع تماثيل مرتبها= فيها معاني جميع القيل والقالي
مثل المحاديب زادت في قوالبها= في صرفها زايدة عن قرش وريالي
يارب توبة وروحي لاتعذبها=يوم القيامة اذا ضاقت اعمالي
وازكي صلاة على المختار نوهبها=شفيعنا يوم حشر الاهوالي



ما حبيت أطيل عليكم ( ولو أني طولتها شوي) مع العلم انها أكثر من ذلك ,,,

ياليت تعجبكم ,,,,,,, تقبلوا تحياتي واحترامي ,,,,,,[/poem]

[عزام الوسمي]

التنسيق خاني شوي ,,,,,

أرجو من المشرف حذفها لحين تنسيقها ,,,,

المعذرة والسموحة,,,,,,,

[وهاج]

بسيط التنسيق وارجع نسقها في مشاركة جديدة
لانها ماشا الله اختيار ما يحتاج

[جراح العتيبي]

يعطيك العافيه



والله رائع

[سلمان]

اخيار موفق
رائع يا عزام الخيل
مشكورررررررررررررررررررررررر
والله يعطيك العافيه
تحياتي

[إبن ثعلي]

مشكور ياعزام على هذه المقتطفات الرائعه وق تم تنسيقها ولا داعي لحذفها
تحياتي

[عزام الوسمي]

اللي نسق الله يعطيه العافية ويعذرني تعبته معي <<< أكيد أنت يابن ثعلي

وهاج
جراح العتيبي
سلمان
ومشرفنا بن ثعلي ,,

المرور أسعدني والشكر عاجز عنه <<<

تحياتي للجميع>>>

[نوف]

رائع ياعزام اختيار جميل

من صاحب ذوق رفيع


تحياتي لك