متنبي العصر ....... بندر بن سرور .

[سيف العز]

بندر بن سرور


[align=center]بندر بن سرور من مواليد القراره القريبه من محافظة الرس بالقصيم عاش يتيم الاب وعند وصوله لسن الشباب ترك حياة الباديه واتجه الى الخرج
وتعلم بها القراءة والكتابة حتى أنهى المرحلة الابتدائية بعد أن التحق بالسلك العسكري
...ثم بعد فترة من الزمن توجه للكويت فعمل في الجيش الكويتي حتى وصل إلى رتبة رقيب ...وطلب رزقه بنفسه وتنقل جوالا بين عدد من الدول العربية ...ولا تستغرب أن تجده في الإمارات ، بائعا في أسواقها ومنشدا في قصر أميرها آنذاك .
وبقي بندر على هذه الحال كثيرا حتى أنهكته الطرق وشيبته المسافات ، وتبادلته الأمراض ، فأصبح مريضا،سقيما هرما وهو لم يتجاوز الأربعين من عمره!!!
وفي رحلة من الرحلات..... وبعد أن فرغ من مهمته....قرر زيارة أحد أصدقائه في ضواحي الدوادمي ....
وفي الطريق إليه وبعد أن تجاوز الدوادمي ، أحس بألم فظيع ينهش صدره فأوقف سيارته في جانب الطريق عسى أن يخف الألم ....
وفعلا ، صمت الألم إلى الأبد ....واسكت معه شاعرا من أعظم شعراء نجد.. ومات بندر بن سرور – رحمه الله تعالى – عن عمر يناهز الأربعةوالأربعين ربيعا (قيل)في عام 1405هـ ، مات
في غمرة نضجه ، مات الجسد ولكن الروح لم تمت ، لقد بقيت ترفرف في معانيه وأشعاره وأخباره .....
ومن اكثر الابيات اللتي تعجبني لهذا الشاعر واحب ترديدها قوله:[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أحد ٍ ينـــام وحط راسه بكــمه = وأحد تخم النوم عينه وتخطيه
وأحد ٍيحاول بالردى بنت عمه!!=وأحد يحاول ستر عذرا عوانيه[/poem]

اضيف لكم افضل ماقريت من الشعر عن بندر بن سرور العتيبي وهو شاعر معروف عند الجميع وله من القصايد العديد والعديد من الشعر في الغزل ومن المدح في شيوخ القبايل وان شالله بان يكون الموضوع يرضيكم ويعجب المجميع
يعد الشاعر بندر بن سرور العتيبي واحداً من اشهر شعراء العامية في عصرنا الحاضر، ذلك راجع الى عدة امور من أهمها الظروف التي عاشها وعايشها الشاعر التي كان لها الدور الأكبر في تشكيل شخصيته وصقل موهبته الشعرية، اضافة إلى ما يتوافر عليه شعره من جزالة في اللفظ وقوة في السبك وسهولة في الحفظ، الأمر الذي جعل شعره قريباً جداً من متذوقيه وعشاقه، اذ حفظ شعره في الصدور ولما يطبع له ديوان شعري.
ولقد تعددت الاغراض التي طرقها شاعرنا، إلا أنه أكثر في شعر الحكمة، وذلك نتيجة لما واجهه في حياته من متاعب ومآس، جعلته يعيش حالة من القلق والترقب،

[poem=font="Simplified Arabic,5,black,normal,italic" bkcolor="transparent" bkimage="" border="double,4,gray" type=0 line=0 align=center use=ex num="0,black"]
ياسخيف الذرعان ماني بمرجوج = رجتني الدنيا بغدر iiوحيله

يابنت لولا اللي على تاسع الفوج = تركت نجد وعزوة بالقبيله

لاشك حاديني على نجد هيدوج = مسقي الفيافي لين يدرج مسيله

تركي ليامن الليالي غدن عوج = حمله عتيبه كلها ماتشيله

يرسي كما مينا البواخر على الموج = ومنين ماصك البحر يرتكي له

مادام تركي حي ماودي ادوج = وان غاب غبت من الرجوم الطويله[/poem]

وهذي بصوته

http://www.al7an.com/sh3aar/bandr-bn-sror/yashef.ram

وقال بندر
[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
ياسخيف الذرعان مافي وسواس = لي حاجة بالعرض وأسعى وراها

وأسجد لقادرها على غفلة الناس = وأسأله الجنة يكمل عطاها

أسعى ورى حد مهاويه دراس = زيزوم نمراً قادها ماتلاها

علق حبالي فرخ واليوم قرناس = واللي بحالي للولي مشتكاها

أعوذ بك يارب من سعي الإفلاس =وأنته رقيب النفس تعلم خفاها

يابنت أنا هذي شفاياي يباس = أطابق الوجبات ما أشفق علاها

ماني وانا بندر بتباع الأنجاس = اللي قريبٍ تفلها من لحاها

أنا بدرب الصيرمي عدم الاجناس = زعيم روق اليا تنصت عداها[/poem]



الا وهني اللي

[poem=font="Simplified Arabic,5,darkblue,normal,italic" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
الا وهنى اللى تمرجل بصك تراب=لو لا لجنة الترسيم ماعاش مع غيرة


انا كل ديرة جيتها وادرك الاسباب=ادور نصيب بذ رجلى بتدويرة


الا يا وجودى وجد من صك دونة باب=بقفل اعجمى(ن) مغلقات مساميرة


معة فرت خمسة طن ينقل ميةركاب=من المال عيا ينقلنة تغاييرة


على اللى كوانى كية العظم بالمشهاب=على اقصى عراوى القلب محم مناشيرة


عشيري ورى الكودة وانا من ورى مشعاب=بعيد قريب تعيب ياهون تيسيرة


ولا ياصلة ياكود فرت علية اصطاب=ليا حاسب السواق تشر مواخيرة


صنايع بياطير الكفر لابسين الكاب=عصاة اليهود اللى مشاريبها البيرة


ولاوهنى اللى من الود ماقد تاب=وانا تبت عنة وعدتلة ياللة الخيرة[/poem]

وبصوته ايضا

http://www.al7an.com/sh3aar/bandr-bn-sror/ala-wahne.ram

وقال بندر : يالله يا جال

[poem=font="Simplified Arabic,5,black,normal,italic" bkcolor="transparent" bkimage="" border="groove,4,gray" type=0 line=0 align=center use=ex num="0,black"]
يالله يا جال الأمور المهمة=تجلى وهق قلب برى حال راعيه

البر دجته و البحر رحت يمّه=أدرج سبب حظ على الله مساعيه

يوم إن ولد اللاش رزقه على امه =رزقي على اللي ميّت القشع يحييه

ماني وانا بندر ببياع دمه=يقطعك يا بيّاع دمّه و مهفيه

اللي يبيّع لابسات الأزمه =ثور يبي بيض العماهيج تغنيه

يزعل ليا جت ليلة الدول يمّه=يرضى بسوق المال بأخيه و أبيه

خطو البخيل اللي يكبّر معمه =يقرا الكتاب و واجب الله مخليه

أما هرج له في رفيقه بنمّه =والا عطا و أمه تضيّع هقاويه

يا مل قلب كل ما مات همّه=دارت دواليب الدهر لين تحييه

فرّاق شمل الناس عيّا يلمه=وقتن يشيب الراس من شاية فيه

أحدن ينام و حط راسه بكمه=و أحد تخم النوم عينه و تخطيه

و أحدن يحاول بالردى بنت عمه=و أحدن يحاول ستر عذرا عوانيه

تخالف الأنظار شرقن و يمّه=كلٍ هدف رايه من الناس مرضيه

أنشدك ياللي كل شي تتمه =تقرا الكتاب وكل فرض تصليّه

ويش القليب اللي عميق مجمّه=ما سرّ غرسه ماه عطشى سوانيه

سم السبب يا عارفن عنه سمه=سم السبب يا عارفه قبل اسميه[/poem]



وبصوته :http://www.al7an.com/sh3aar/bandr-bn-sror/ala-wahne.ram

يا عبيد

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا عبيد يوم إنك تبي الدرب عجلان=رد النقي يا عبيد حالٍ وحيله


ما ينرمي قولٍ على غير نيشان=ومن لا يثبت حجته ويش هي له


صوتي وأنا بندر طويلٍ ليابان=وان ما خشيت الرب ويش اختشي له


وان عودت للناس قومٍ وصدقان=ما احد بما نعني لأعدي الطويله


وأن جيت أغني البيت وافي ومليان=ولولا معاني بالغنا ما اشتقيله


ما أحب ترديد الغنامير مشحان=ما أدمح خطا اللي شاهده رأس ذيله


والا خطا الطيب زبادٍ وريحان=لو يدعي لي بالفنا وادعيله


إن ضاق صدري شفي أمزح بالالحان=والا عن الزلات رجلي ثقيله


دنيا نبي تقزيرها ضحك حجان=وألا ترى صيورها مستقيله


والرجل غاية ملحته قلب ولسان=وألا أن باقي جثته حنضليله


يارب تجعل لي من الذنب غفران=يافارج لأيوب عقب تهليله[/poem]




ياعبيد وجدي

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعبيد يا وجدي على شاي قبل أمس=شاي مزج ياعبيد بالزعفراني

امصلحه مركوز الأنهاد بالخمس=راعي ثمانٍ كأنها القحوياني

وجدي عليها وجد من حمل الجمس=في حملته ياعبيد سبع المعاني

يوم الطرد عدت ثلاثٍ بعد خمس=قامت تقطع قربته جدعاني

مدوله الدربيل مع مطلع الشمس=وجاه العريف وحدره لسفواني[/poem]


عز الله اني جزت

[poem=font="Simplified Arabic,5,blue,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

عز الله أني جزت على كل ماقول = لاشك ردتني على القول ضيحه

لا ياعيون اللي لياصك بالجول = منه أبرق الجنحان عجلٍ مطيحه

ياعود ريحانٍ رفع غصنه الطول = رستم قليبه مايهون ضبيحه

يوم استوى عوده على داير الحول = هجوا به التجار من زين ريحه

ياشيخة الخفرات بالزين ودلول = من مات من سبتك ربه يبيحه[/poem]



واقلبي اللي تله الود

[poem=font="Simplified Arabic,5,deeppink,normal,normal" bkcolor="transparent" bkimage="" border="double,4,red" type=0 line=0 align=center use=ex num="0,black"]
واقلبى اللي تله الود تلي = تل الرشا من فوق ملحاجلاله

في غربها تسعين فري ومشلي = وتجفل اليا سمعت ضريس المحاله

من واحدٍ طرق عليه يهلي = جدد جروح القلب مع ما جرى له

برمش العيون اللي هدبهن مظلي = ضافٍ على بيض المحاجر ضلاله

يابنت عيفي واحدٍ ما يصلي = تارك عمود الدين مالك وماله

عيفيه لو يفرش لك البيت زلي = من لا يخاف الله حرامٍ حلاله

خلي ملعن والدينه يولي = تلقين في نجد المسمى بداله

وعليك باللي للجماعه يهلي = اللي كما النبوة منارة دلاله

بالرجل ثنتينٍ حداهن يدلي = من كبهن ماهوب ويا الرجاله

وان كان مابه دين مع زين دلي = جعله من الدنيا تقطع حباله[/poem]



يا بنت

[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت ياللي حول فلة خبيان = الله عليك أنتي من أيا عتيبه

لا ياعيون اللي على الطرد ولهان = حرٍ قطامي فعوله عطيبه

والقرن ذيل اللي تشعشع للأكوان = بنت الأصيل اللي طويلٍ سبيبه

والردف يطوي الثوب والعود ريان = والخد بارق مزنةٍ مستجيبه[/poem]


يابنت ياللي

[poem=font="Simplified Arabic,5,orangered,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت ياللي عمرها صدر وردوف = بيض محاجرها وحلو نباها

ودي بشوفك مير يوم اقصر الشوف = عيني بعد هاك الرمد قل ماها

سويت لي يابنت بالعين معروف = بأسباب رجل بعدتها خطاها

والا ترى قلبي ليا اصطك بالجوف = اومى بحالي لين تابس عصاها[/poem]




يالله يا جال الامور المهمه

[poem=font="Simplified Arabic,5,black,normal,italic" bkcolor="transparent" bkimage="" border="double,4,gray" type=0 line=0 align=center use=ex num="0,black"]
يالله ياجال الامور المهمه = تجلا وهج قلب برا حال راعيه

البر دجته والبحر رحت يمه = اسعى ورى رزق عسى الله يهيه

يوم ان ولد اللاش رزقه على أمه = رزقي على اللي ميت القشع يحييه

يامل قلب كل ما مات همه = دارت دواليب الدهر لين تحييه

فرَاق شمل الناس عيَا يلمَه = وقتٍ يشيب الرأس من شايةٍ فيه

أحدٍ ينام وحط رأسه بكمه = وأحدٍ يخم النوم عينه وتخطيه

أحدٍ يحاول بالردا بنت عمه = وأحدٍ يحاول ستر عذراء عوانيه

ماني وأنا بندر ببياع دمه = يقطعك يا بياع دمه ومهفيه

اللي يبيع لابسات الأزمه = ثورٍ يبا بيض الرعابيب تغنيه

يزعل ليا جت ليلة الدور يمه = يرضى بسوق المال فخره وفا بيه

خطو البخيل اللي يكبر معمه = يقرأ الكتاب وواجب الله يخليه

اما هرج لك في رفيقه بنمه = ولا عطا وأمه أتضيع هقاويه

أنشدك ياللي كل فرض تتمه = تقرأ الكتاب وكل فرض تصليه

ويش القليب اللي غميق مجمه = ما فاد غرسه ماه عطش سوانيه

تخالف الانظار شرق ويمه = وكل هدف رآيه من الناس مرضيه

سمَ السبب ياعارفٍ عنه سمه = سمَ السبب ياعارفه قبل أسمه[/poem]



الله من عين

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لله من عينٍ ليا عسعس الليل=عافت لذيذ النوم ماتهتني به


ياوين أبلقى من يحب التعاليل=يبدي بزين القول ولا ابتدي به


خطو الولد يامال قصف التماهيل=يشرح عيوب الناس ماشاف عيبه


يفرح ليا شاف المجالس هراميل=يكره ليا شاف المجالس أمنيبه


ماشوقنه طيبات التماثيل=مع شايبٍ قد بيَن الوقت شيبه


ماهوب شايب ، شيبنَه غرابيل=عيدٍ يقفي به وعيدٍ يجيبه


أنا الذي شفت الوزا ياسماعيل=طاوعت نفسي لين شفت الغليبه


النفس طير والخطايا محابيل=والناس روَاي الحديث أتحكيبه[/poem]


يا كثر يا فيحان

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياكثر يافيحان صبر صبرناه = امس الشهر عديت باقي اسبوعه

لاتغبط اللي صار زوده بدنياه= يتبع هوى نفسه وغير طبوعه

مخطي طريق الحق غاد بعمياه = يجمع وصخ مال زوال نفوعه

اغبط تقي صار زوده بتقواه = عبد لصوت العبد يرخي سموعه

يفرح بصوت منادي الحق ناداه = عجل على المسجد بطيْ ركوعه

والا ترى الدنيا حدود مسماه = لابد مايقفي وتقفي زروع[/poem]


بديت بذكر الله

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت ذكر اللي بسط سبع بوتاد = واللي رفع سبع بليا عمدها

والكار للي صار غيث للأجواد = لاقبلها صارت ولا من بعدها

زايد على كل العرب بالوفاء زاد = ساق المراجل لين وقف عددها

حلحيل حلو مر زراع حصاد = كبد يداويها وكبد لهدها

ولي عجوز من ورى شط بغداد = سمت على الحر الفلاحي ولدها

تبغاه يطلع مثل زايد ولا فاد = ماكل من هاز الطويله صعدها

ياشيخ انا جيتك على غير ميعاد = من خوف روحي لايجيها وعدها[/poem]



لاتسقط شرفها

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من شي بحالي نحفها=من مالجى بالقلب حالي نحيفه

من كثر ماتكتم تزايد تلفها=بين كداها بالعروق الصخافي

كم واحد له حاجة ماصرفها=يصد عن صرافها لايضيقه

يخاف لايقضب نديم طرفها=قلبه صدى واطراف جسمه نظيفه

والله خلق بيد الذلول وعسفها=للي يبي المنهاج مثل القطيفه

والفضل للي مدها ماقصفها=وانهج من الدار المحل للمريفه

وانصحك ياللي غرته ماعرفها=شيب تشيب مايحول رديفه

رديفها يركض ويركز هدفها=وقت يقص العظم من حد سيفه

وان جتبك الدنيا وجابك صدفها=لاتعتزي بأهل النفوس الضعيفه

وأنصحك نفسك لاتسقط شرفها=ترى بعض بيض المجالس مجيفه[/poem]



من بلاد الشام جينا

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

من بلاد الشام جينا بالمكينه = فوق فرت ماتخثع بالطماني

يحتدي مثل الجمل تسمع رطينه = مع طمان القاع مثل الثعلباني

والشفير من المدارس مطلعينه = عيدهي يجدعه جدع الحصاني

قذلة الطربوش ناطلها يمينه = عن ظلام الليل شب الكهرباني

ماتجيه يسار رجله شوف عينه = غير يسر الطاركي باليماني

يوم قال له الخوي عاشت يمينه = شد رجله للكمك واحد وثاني

يالله انك تنصره من نصر دينه = ان عطى له مع غبا والا بياني

قلت يالمطنوخ انا عيني حزينه = عن شراب اللف ابيه وعنك كاني

قد رمى بالكيس قدمي قال وينه = دوك مابالجيب عن شي لهاني

يقصد الكبريت معي منه عينه = قد منا تلت غراميل متاني

قلت ثالث قال يالله لاتهينه = قلت خامس قال قير يطلب نقل ثاني

قالت واحد والكمك ظام المكينه = قال لي من يرحم القاسي لياني

قلت والله يرحمونه صانعينه = قد زعلت من اللهيب اللي غشاني

قال ماتاثق بذمه مقننينه = عن مشاور غير عرفي قد كفاني

قاطع عرقين مدري وين وينه = قد وصلت الأرض واسمع صوت ثاني

يوم يرفع موخره قو المكينه = يرتخي صدره وانا الشاور غشاني

قلت دوك اللف خابو شاربينه = غطني عن شوف شي قد غشاني

قال عن وقلت بأيا لحينه = قال قل ناسي خوي مانساني

قلت عاش الشيخ واللي ناجبينه = عادة الطيب اليا جا الجد عاني[/poem]




الله من عين طرقها صواديف

[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الله من عين طرقها صواديف=عميت ويبسن بالعروق الصخافي


شفت الوزا بالعين من عرض ماشيف=شفته وغيري من فطن له وشافي


وقت تغير فيه حتى العواصيف=جا في عواصيف الرياح أختلافي


شره قناطير وخيره مقاطيف=يفطن له اللي يرضع الديد غافي


كم واحد جاله زمانه على الكيف=واغترته نفسه يبا الجود وافي


يطلع مطاليع العلا بالسواليف=بين العذارى عد روحه سنافي


يفرح بهرج بالقفى يكره الضيف=قتات والقتات بالنار هافي


يعلق قصيره علقة النار بالليف=عي ولد عي زنوده ضعافي


ان رخصت الحذوه توفي عن الحيف=وان غليت الحذوه مشى اللاش حافي


يرقد ويلحق والدينه تخاليف=دايم ومرقد ميت النار دافي


هو مادرى ان الجود يبغى تكاليف=سهر الليالي مقبلات مقافي


يبغى يدين للعطايا مغاريف=ويبغى رجول ماتمل الوقافي


والصبر بنحور السنين الشواحيف=اللي قساها مثل حد الرهافي


مايقدرون الجود سود الأطاريف=مشاركة بيض النسا باللحافي


يقدر عليه اللي حكم نجد بالسيف=واودع مباغيض القبايل ولافي


عبد العزيز اللي يبث المصاريف=يجدع قناطير الذهب بالفيافي


يمشي على دربه جموع مراديف=نو تحدر ماه والجو صافي


يشدي لواقيط الزبيدي بعد ريف=ومما كسى البيدا تفيد الضعافي[/poem]






سرى البارق

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سرى البارق اللي رؤوس مزنه تنصت غال=على هجرة بن سنون وأدنى الشبيكية


على شان خلي جعل يسقيهم الوبال=وإليا عودت مالي ومال الحبردية


ألا ياعيون اللي مواكيرها بالخال=توالي رقايب نجد ماهيب بحرية


إليا نقضت شقرٍ على ردفها ميال=تخابط سبلهنه مطارق شريطية


كما ذيل شقراً شعشعت في يد الزمال=تغانم ملز الشوخ تبغى الكرامية


جوابه لبن عربٍ بعد ما أطرحن أهجال=تدلن على حليت مع درب وسمية


يتل الضماير تل غربٍ على محال=تصافق به الجيلان ملحاً جمالية


يرفع لها صوته صبيٍ خبيث أعمال=تسقي وديٍ فيه تسعين برحية


وترى تبعة المقفين عيبٍ على الرجال=لكن أوسع خاطرٍ بد خافيه[/poem]




واسمعو له


http://www.al7an.com/sh3aar/bandr-bn...a-kl-magel.ram



http://www.al7an.com/sh3aar/bandr-bn...a-kl-masar.ram

http://www.al7an.com/sh3aar/bandr-bn...a-kl-masar.ram

http://www.al7an.com/sh3aar/bandr-bn-sror/alh-3la.ram

http://www.al7an.com/sh3aar/bandr-bn...llh-mn-3en.ram


الله يرحمه ...........رحمه واسعة

للأمانة ( منقول )



والسلام عليكم ورحمة الله وبركاته


أخوكم / سيف العز .

[عــمـــر]

[align=center]
أحد ٍ ينام وحط راسـه بكمـه / وأحد تخم النوم عينه وتخطيـه
وأحد ٍيحاول بالردى بنت عمه / وأحد يحاول ستر عذرا عوانيه [/align][align=center]اخوي الغالي

سيف العز

يعطيك العافيه , :)

على هالنقل الجميل وعلى هالموضوع الرائع عن متنبئ عتيبه



تحياتي [/align]

[بنت الزيادي]

سيف العز

تسلم اناملك على هالموضوع الرائع ..
ابدعت بطرحك اخوي..
ولا تخفى علينا موهبة شاعرنا الكبير بندر بن سرور (رحمه الله) وقصائده الاكثر من رائعه..
يعطيك العافيه على المجهوود وتشكر عليه..
وانا عن نفسي اشوف ان الموضوع يستحق التثبيت بكل جداره

دمت بود..وتقبل مروري..
ولكم مني ارق التحيه..

[سيف العز]

الأخ القدير / عمر

الله يعافيك

وشاكر لك مرورك الجميل لمتصفحي

ووفقك الله لما يحب ويرضى

والسلام عليكم ورحمة الله وبركاته


أخوك / سيف العز .

[سيف العز]

الأخت القديرة / بنت الزيادي

الله يسلمكي ويعافيكي

ولقد تشرفت بمرورك الرائع لمتصفحي

وبإذن الله سوف أورد قصائد أخرى لمتنبي عتيبة

وحفظكي الله من كل مكروه

والسلام عليكم ورحمة الله وبركاته


أخوكي / سيف العز .

[سيف العز]

يرفع

[إبن ثعلي]

مشكور ياسيف العز على هذا التقديم عن متنبي عتيبه
تحياتي

[سيف العز]

الأخ القدير / إبن ثعلي

شاكر لك مرورك الجميل لمتصفحي

وحفظك الله من كل مكروه

والسلام عليكم ورحمة الله وبركاته


أخوك / سيف العز .

["بيطـــار نجـد"]

[align=center]سيف العز

والله مدري وش اقول
الشاعر هذا اسرني بقصيده وجزالته
جو غير
رجولة وصلافة على الدنيا

ودي اقولك شي يا سيف
انه قبل ما يموت بيومين كان متعشي عند ابوي
مع واحد من جماعتنا رفيقه الروح بالروح
الله يرحمه

اشكرك الف شكر

بيطــــار نجــــد[/align]

[سيف العز]

الأخ الكريم / بيطار نجد

شاكر لك مرورك الجميل لمتصفحي

ووفقك الله لما يحب ويرضى

والسلام عليكم ورحمة الله وبركاته


أخوك / سيف العز .