البارحه يوم استوى

[عبدالعزيز بن حشيان]

هذا ابيات نرجو ان تليق بذوقكم
من اتاليفي


البارحه يوم استوى اليل نصفيين
نصفن تعداني ونصفن سريته

مغار انا وهمي ثنين متخاوين
ماشين في درب الحياة المميته

دنياً تقالبني على الزين والشين
وعيت توافقني على مابغيته

يالله يامعطي العفون الملايين
شكرك ورضوانك على ماقضيته

وتغفر لنا ساعة تقام الموازين
في حزتن ماينفع العبد صيته

تنشر صحايفها ويقضى بها الدين
ويقال هذا ذنبك الي جنيته

وصلات ربي عد رش الودادين
على نبياً عمر الدين بيته

[المغوار]

الله الله صح لسانك يابن حشيان دايم مبدع

[عبدالعزيز بن حشيان]

المشاركة الأصلية كتبت بواسطة المغوار الله الله صح لسانك يابن حشيان دايم مبدع

صح بدنك يالمغوار ديماً رايع اسعدني مرورك