هل تٌؤيد الوآسطه أم لا!!

[حاشره بليس بكيس]

بسم الله الرحمن الرحيم
السلام عليكم ورحمة الله وبركاته
<أول مره اطرح موضوع جدي المهم
مرحبا واهلا بكم في موضوعي <ماتدري شلون تبدأ

هذي سالفه صارت لي شخصياً انا ريم <احلفي؟
المهم مالكم بطوالت الحتسي
طال عمركم السنه اللي فاتت صارت عندي شوية ظروف وتغيبت عن امتحان لماده
وطبعاً جبت عذر قالو لي مقبول عذرك بس السنه الجايه تجين!

يعني قصدهم مااروح لسنه ثاني لا انثبر سنه اول بس علشان هالامتحان مع انهم يقدرون يحطونه لي بالعططله امتحنه وامشي بس لعانه !
المهم قلت يالله خيره ..
والسنه هذي ..تغيبت بنت لمدة شهر ولاجت للاختبار العملي لانها مالها خلق تذاكر بنت الاكابر وماشاء الله دخلت الاختبار التظري من دون حرمان والاسبوع الجاي بيختبرونها الماده اللي غابت فيها!!
ليش؟؟؟؟
لان عمها الدكتور الفلاني معروف هالدكتور ماشاء الله متوسط لها وقبلو عذرها وهي اول مره تصير بكلية الطب حقتنا !
وش معنى يعني علشان عمها الدكتور ؟؟؟؟ تبطح وتنام عن المحاضرات واخرتها يازبده لاتموعين وان معتي لاتسيحين <وش تبي الجمله ذي
اتركوني انا فيه بنت ياحياتي الظروف ماتساعدهم وماتجي لبعض الامتحانات ويقولون قبلنا عذرك بس السنه الجايه وهالبنت لها ثلاث سنين بسنه اول .. بالله موب شي يقهر
<طبعا انا مستقبلا يعني مستقبلا ابن ادم مايدري وش مكتوب له قررت لو تكون عندي واسطه مااتوسط لااحد ابداً لاقريب ولابعيد منعاً للظلم ولاني ذقت مره
هالحين عطوني أرآئكم وبكل صدق وحطو نفسكم مكان أي شخص ..
هل تأيد الواسطه أم لا؟!!!

[الأدميرال]

وانتي مالقيتي تغيبين الا وقت الامتحان ؟
هالزمن بدون واسطات لا قيمة لك مهما حملت من شهادات وإثباتات الا من رحم الله ونعم بالله
فالرسول صلى الله عليه وسلم اوصى بااهله وخاصته وهذي شفاعه لايوجد فيها عيب

حاشره ابليس
تسلمين على الطرح القييم

[ابوسـعد]

هلااابك انت وموضوعك الاجتماعي ، والمتجذر فيه بشكل خرافي....الواسطة وما ادراك مالواسطة هي لب المجتمعات سواء المتقدمة او السائرة في ركب التطور....الواسطة ذات اتجاهين حميدة وخبيثة مثل السرطان والعياذ بالله منه...اوحسنة او سيئة مثل الشفاعة...الواسطة قد تكون ضرورية لخدمة المجتمع كأن تتوسط لقبول طالب او طالبة متميزة في المجال الطبي وقد تكون مفسدة كأن تتوسط لكسر الانظمة والقوانين وتقبل طالب او طالبة في تخصص الطب علما انه او انها كسلان لا يفهم شيء...الواسطة مداها قصير جدا وقد تؤثر ايجابيا او سلبيا على مواقف الناس تجاه المتوسط له او لها...قصتك عجيبة وفي ظل غياب الاوراق الثبوتية ودراسة الموضوع من كافة جوانبه وملابساته يصعب الحكم على مصداقية الواقعة، لأن استاذ الجامعة وبالاخص الطبيب من الصعوبة بمكان ان يتوسط لأعطاء امتحان لطالبة تتغيب وحتى لو دخلت الامتحان فإن نسبة نجاحها ضئيلة جدا...مواد الطب تعتمد على الحضور بشكل مستمر والغياب يحرم الطالب فرصة معرفة الامتحان بالشكل المطلوب..عموما موضوع الواسطة لا يمكن تجنبه بشكل نهائي حتى لو حاولنا المثالية وقلنا لن نتوسط لأحد...يأتي من يحرجك من داخل اسرتك او زميل صعب ترد له طلب او امر فوق طاقتك...من الافضل التقليل من الواسطة كلما امكن ولكن القضاء عليها صعب جدا...شكرا لك على الموضوع يالحاشرة وياهلاوغلا

[إبن ثعلي]

مَنْ يَشْفَعْ شَفَاعَةً حَسَنَةً يَكُنْ لَهُ نَصِيبٌ مِنْهَا
صدق الله العظيم
والواسطة اذا لم تأخذ حق احد فهي شفاعه حسنه يثاب فاعلها
وموضوعك الأولى به ان لايكون هناك تعقيد من مسؤولي الجامعه مادام بإمكانك الإتيان بالإمتحان والنجاح فيه والواجب عليهم التسهيل على الطلبه وتشجيعهم على طلب العلم وليس التعقيد ويكون المقياس هو مدى اجتياز الطالب للإمتحان

[حاشره بليس بكيس]

المشاركة الأصلية كتبت بواسطة الأدميرال وانتي مالقيتي تغيبين الا وقت الامتحان ؟ هالزمن بدون واسطات لا قيمة لك مهما حملت من شهادات وإثباتات الا من رحم الله ونعم بالله فالرسول صلى الله عليه وسلم اوصى بااهله وخاصته وهذي شفاعه لايوجد فيها عيب حاشره ابليس تسلمين على الطرح القييم

حيآك الله اخوي الادميرال ..
والله يااختك قلت لك ظروف ولا طالب العلم مارح يتخلى عن علمه وخصوصا إني اعرف نظام جامعتنا الزفت

أبي اعقب على جملتك "هالزمن بدون واسطات مالك قيمه" من قال اني مالي قيمه؟! ألا لي قيمه وقيمتي بثبتها بتعبي بعرق جبيني على قولتهم <
وعساني مااحتد على أحددد
مَ فيها عيب بس حطها بالوقت والشخص اللي يستاهل موب المتبطح

[حاشره بليس بكيس]

المشاركة الأصلية كتبت بواسطة ابوسـعد هلااابك انت وموضوعك الاجتماعي ، والمتجذر فيه بشكل خرافي....الواسطة وما ادراك مالواسطة هي لب المجتمعات سواء المتقدمة او السائرة في ركب التطور....الواسطة ذات اتجاهين حميدة وخبيثة مثل السرطان والعياذ بالله منه...اوحسنة او سيئة مثل الشفاعة...الواسطة قد تكون ضرورية لخدمة المجتمع كأن تتوسط لقبول طالب او طالبة متميزة في المجال الطبي وقد تكون مفسدة كأن تتوسط لكسر الانظمة والقوانين وتقبل طالب او طالبة في تخصص الطب علما انه او انها كسلان لا يفهم شيء...الواسطة مداها قصير جدا وقد تؤثر ايجابيا او سلبيا على مواقف الناس تجاه المتوسط له او لها...قصتك عجيبة وفي ظل غياب الاوراق الثبوتية ودراسة الموضوع من كافة جوانبه وملابساته يصعب الحكم على مصداقية الواقعة، لأن استاذ الجامعة وبالاخص الطبيب من الصعوبة بمكان ان يتوسط لأعطاء امتحان لطالبة تتغيب وحتى لو دخلت الامتحان فإن نسبة نجاحها ضئيلة جدا...مواد الطب تعتمد على الحضور بشكل مستمر والغياب يحرم الطالب فرصة معرفة الامتحان بالشكل المطلوب..عموما موضوع الواسطة لا يمكن تجنبه بشكل نهائي حتى لو حاولنا المثالية وقلنا لن نتوسط لأحد...يأتي من يحرجك من داخل اسرتك او زميل صعب ترد له طلب او امر فوق طاقتك...من الافضل التقليل من الواسطة كلما امكن ولكن القضاء عليها صعب جدا...شكرا لك على الموضوع يالحاشرة وياهلاوغلا

حياك الله ياابو سعد كفت ووفيت وكلامك على الراس وهذا الحتسي اللي يشرح الصدر ماتصير عميد جامعتنا؟ < تستظرف
واللي بيحرجني ذا ياابوسعد بيحاسب معاي يوم الحشر؟؟؟؟؟؟
القضاء عليها امر صعب بسبب وجود من يملكون الخلل العقلي

[حاشره بليس بكيس]

المشاركة الأصلية كتبت بواسطة إبن ثعلي مَنْ يَشْفَعْ شَفَاعَةً حَسَنَةً يَكُنْ لَهُ نَصِيبٌ مِنْهَا صدق الله العظيم والواسطة اذا لم تأخذ حق احد فهي شفاعه حسنه يثاب فاعلها وموضوعك الأولى به ان لايكون هناك تعقيد من مسؤولي الجامعه مادام بإمكانك الإتيان بالإمتحان والنجاح فيه والواجب عليهم التسهيل على الطلبه وتشجيعهم على طلب العلم وليس التعقيد ويكون المقياس هو مدى اجتياز الطالب للإمتحان

حياك الله يَ إبن ثعلي الله الله كلامك على الراس
التسهيل على الطلبه؟ وين اللي يسمعك بس هذولا يبون يشيبون بروسنا مطلعين قرار كل المواد امتحانهم بيوم واحد مدري يظنونا كمبيوترات ولاوش وقسم لوالكمبيوتر متساني خرب
الله يعين ويرحم الحال بس وماجورين ان شاء الله حقنا ماهوب ضايع دام الله معنا

[وجودك يكفي]

لاهنتي ياريم والله يعطيك العافيه على الطرح

موضوع الواسطه طويل ومتشعب وبإختصار الواسطه إللي ماتضر شخص آخر تعتبر واسطه محموده ولآبأس بها


احترامي

[تباريح الروقي]

ماازيد على الكلام.. الواسطة بكل امانة بها الوقت مافئ مفر منها...

بس اذا كانت محمودة فلا باس فيها.. يعني ياريم لو انتي عندك واسطة.. مثل زميلتك كان امتحنتي

في الاسبوع نفسه.. ههههههههههههههههههه.. معليش..عشان معاد تغيبين في مادة ...


تقبلي مرري\دومتي بصحة وعافية..

[ابوسـعد]

المشاركة الأصلية كتبت بواسطة حاشره بليس بكيس حياك الله ياابو سعد كفيت ووفيت وكلامك على الراس وهذا الحتسي اللي يشرح الصدر ماتصير عميد جامعتنا؟ < تستظرف واللي بيحرجني ذا ياابوسعد بيحاسب معاي يوم الحشر؟؟؟؟؟؟ القضاء عليها امر صعب بسبب وجود من يملكون الخلل العقلي

شكرا على ردك الوافي الكافي زادك الله ورعا...
والمناصب في الجامعة سلمك الرب الكريم
الرئيس للقسم
والعميد للكلية
والمدير للجامعة
وللاسف الشديد كل مدراء الجامعات غير متخصصين في إدارة التعليم الجامعي، كلهم شلة واحدة من طق طق الين السلام عليكم..ولهذا فقرارات التعسف على الطلبة والطالبات لم تأتي من فراغ،
والمثل يقول "إذا كان رب البيت بالدف ضاربا.......
والتكملة عند قوقل الخبر اليقينا،
والواسطة معضلة المعاضل وياهلاوغلا بحاشرة ابليس بكيس....هالاسم مركب وشلون تحشرين ابليس اللعين بكيس...الله يعينك....ومع السلامة...