هذا بنات اليوم برقع وجوال

[alwasal]

هذه قصيده تصف حال بنات هذا الزمن .. حال الاغلبيه وليس الكل !!!

اليكم هذه القصيدها .. واتمنى انها تعجبكم ..




هذا بنات اليوم برقع وجوال .. ولاعباية كتف هم يلبسوها

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايب اهلها هملوها

الأم نامت والابو صار تمثال .. والبنت راحت وين ما يسألوها

بالليل تسهر بين هاتف وجوال .. والا على دش الفلس سهروها

اقفاي هي ما بين الاسواق واقبال .. بلا غرض راحت ولا انشدوها

اللبس تلبس كل ما يطرب البال .. وفلوس لو تنقص عليها عطوها

من شافها باللبس يا ساتر الحال .. يسبها ويسب من خلفوها

كومة لحم وعيون والرمش قتال .. ويلا مشت كل الشباب اتبعوها

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوها

البنت زين البنت لا زانت الحال .. ما هو بلبس ولا علوم خذوها

وين المراجل ما بقى غيره ارجال .. ليت الشوارب واللحى حلقوها

اللي على عاره رضي الذل ينقال .. ليت الكرامة ليتهم يرفعوها

ما عاد ينفع قول فيها ولا قال .. لا الأم والله ولا الأبو انفعوها

اصبح ضياع البنت بسباب جوال .. البنت ضاعت والأهل ضيعوها





تقبلوا فائق احترامي وتقديري

اخوكم

الــــــواصـــــل

[رعبوبه]

ههههههههه .......يمكن هذا حال البعض على قولك او ضعاف النفوس

لكن صدقني لا موبايل ولا ساتلايت ولا سفر ولا طلعه تفسد البنت....البنت لا بغت تغلط بتغلط لو هي بين اربع جدران .....والهادي رب العالمين ثم التربيه ......والله يصلح ويهدي جميع بنات المسلمين ويستر عليهم......بس انا من جد عجبني ها البيت

وين المراجل ما بقى غيره ارجال .. ليت الشوارب واللحى حلقوها.

انــــــا اشــــــــــهـــــــــــــد

[الهواوي000]

صح لسانك اخوي الواصل

قصيده اكثر من رايعه000 عاد ليتهم يفهمون

[جهز الهرس]

الاخ العزيز الواصل صح السانك على هذه القصيده الممتازه


حقيقه انها قصيده وا قعيه في هذا الز من


ونرجو من الله العلي العظيم ان يصلح شباب المسلمين من ابنا وبنات




وهذه القصيده ذكرتني بأبياتً لي من قصيدة طويله في مثل هذا

الـــــــــمــــــــــو ضـوع

[poet font="Simplified Arabic,4,black,bold,normal" bkcolor="transparent" bkimage="backgrounds/8.gif" border="groove,3,red" type=2 line=200% align=center use=ex length=0 char="" num="0,black" filter=" glow(color=white,strength=4)"]
ياساتر الأحول البنت بالبنطال =وتقلد الرجال في لبسه وزيه
تركب مع السواق وتلف بالأسواق=لابستن المعلاق وتقول حريه
راح الحيا منها تبرز مفاتنها=يارب تلــع نها صارت يهو ديه
وان قلت ذا خطاء جرح العرب سطا=قالت بلا غطا حاجه طبيعيه
مال الغطا داعي امشي بلا قـناعي=البشت اله راعي مالي به ارعيه
انت بدوي مسكين غادن مع الغادين=على القساء وللين حالتك هاذيه
رسم البداوه فيك بلعكس مادنيك =سلمك وسلم ابيك بدون شقاويه
عشتو بوسط البر بالبرد هو والحر=لا واحيات الشر في حالتن سيه
عصر التطور صار يارجعين إسار=اتعبكم المشوار تمشون رجليه
يابنت مغروره بالشكل والصوره=فا اللي طلع دوره يلبس اسداريه
البدو ياام اخصور يوم السلاح يثور=نطاحة الطابور بارواح مهديه
اهل الكرم والكيف يوم الزمان مخيف=عادتهم لضيف ترحيب وتحيه
السب كلً قال ماينقص الأبطال =مير اقصر المجال لزود الكيه
ساس العرب حنا منطيب معدنا =ياجاهلن عنا فينا العروبيه
وليا حصل نزاع حنا عيال إسباع =عدونا فالقاع غاشيته ادميه
دستورنا القران و اسلا حنا الأيمان=عابين للعدوان خنجر وجنبيه
اظن هذا كافي يابنت لأشرافي=يكفيك من قا في عشرين بالميه
ماظلم بنات الناس فيهن عريبت ساس=با لعقل خذت الكاس عذرن سنافيه
بالعــقل مذكوره والدين مشهوره=والاصل مخبوره والز ين حوريه
والقصيده طويله حوالي خمسين بيت وشامله
ولاكن إكتفيت منها بهذا المقطع

واكرر شكري لك يالوصل تقبل تحياتي
جهز الهرس
[/poet]

[هداج تيما]

عزيزي

الواصل

وعزيزي

جهز الهرس

بيض الله وجيهكم

وعز الله ماقصرتو في وصف بناااااااااااات اليوم

فعلا شي واقعي لا يختلف عليه أثنين

والشرهه والله على أولياء الامور( ولا كان وش داعي البنت تطلع جوال)
هههههههههه

[alwasal]

مساكم الله بالخير.

ومرحبا ومسهلا وصح بدنكم والله يعطيكم العافيه على كلامكم الطيب

وهذا ان دل على شئ فهو يدل على رقي ذائقتكم الشعريه.


لا خلى ولا عدم.

تحياتي واحترامي.

[عبد الاله محمد]

الحقيقة مدري من ارد عليه
ارد على الرائع الواصل
وقصيدته الجميلة
والتي تنقل شيئا
من واقع نعاصره
ومن واقع نراه
ومن واقع فرض علينا
فالمجتمع يريد كذا او اغلبه
والناس تريد كذا
والموضه حسب كلامهم
هي اللي عاوزه كذا
ام ارد على جهز
وقصيدته الرائعة
و التي ايضا تنقل الحقيقة
وتنقل الوقائع بشكل ليس فيه لبس
وتصور الحال يامن ينشد عن الحال
وهذا هو حال البنات في مجتمعنا
او اغلبهم حتى لانظلم الكل
فهناك بنات فاضلات
يفتخر بهن المجتمع والاهل
فعلا قصيدتين في غاية الروعة
قصيدتين لشاعرين
ينسجان الجمال
والصدق والحقيقة
على اجنحة المساء
وهذا هو دأب كل شاعر صادق
وحال كل شاعر يهمه
امر مجتمعه
ويتفاعل مع قضاياه
ويصور عيوبه
ويسلط الضوء عليها
قبل ان تتفاقم وتزداد
فشكر للواصل
وللرائع جهز

[alwasal]

ياهلا وغلا .. تبقى رائع بكل ماتحمله الكلمه من معنى .



تسلم على تفضلك بالمرور والقراءه .



تحياتي لك .. وغلاي .