الزين ماهو من شروط الرجولـه

[التركي]

[align=center]السلام عليكم ورحمة الله وبركاته
قالت ترى منت بحلو قلت رجـال
والزين ماهو من شروط الرجولـه
الزين يلقـى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـال
انت بدوي؟قلت بدوي ومن حموله
ما ألبس بناطيل لها الوان واشكـال
وامتر الشارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دلـه وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظهـا مـال
قلت احذري حذرا تكوني جهولـه
بنت البدو يابنت مضرب للامثـال
فوق الجمال وطاعـة الله خجولـه
ماحطت اصباغ ولا حطت ظـلال
ولا سيرت بالسوق سيـر مهبولـه
هي مهرةٍ تصعب على كل خيـال
وانتي ومثلك عسفهـن بالسهولـه
قالت تغزل بي وشف حبة الخـال
ناظر عيوني والرموش الكسولـه
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصـدق تنقـال
الزين ماهو من شروط الرجولـه




وسلمتكم

[align=center]الشاعر مرزوق بن غازي السلمي[/align]

[/align]

[ابوسـعد]

قال الشاعر:

"قالت ترى منت بحلو قلت رجـال
والزين ماهو من شروط الرجولـه"
واقول:
أجمل من طلعت عليه الشمس يوسف عليه السلام ...والزين نسبي..وكلام الشاعر مهوب قرآن بل انه شرط اساسي من شروط الرجويه....
والزين مثل الحيا متبوع............ واما تلى الناس يتلونه
ــــــــــــــــــــــــــــــــــــــــــــــــــ ــــــ
و الله جميل يحب الجمال...وهي احدى صفات المصطفى صلى الله عليه وسلم
ــــــــــــــــــــــــــــــــــــ
شاعرك مثل الي يمدح الشيب
تعيرني بالشيب وهو وقار
ــــــــــــــــــــــــــــــــــــــــــــــــــ ـــ
شكرا للنقل ياالتركي بس منهو التركي الثاني الي تقول ان فيه اثنين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــت

[التركي]

[align=center]هلا يابو سعد[/align] [align=center] مشكور علي المرور يالذيب [/align][align=center]والتركي اللي تسال عنه لم يسبقلي التعرف عليه [/align]

[ابوسـعد]

التركي: مرحبا....
لأني ما أشوف الا واحد.... الثاني ماشفت له ضيحه....
مجرد سؤال ؟؟؟؟ شكرا وش رايك ماعلقت على المداخله؟؟؟؟؟؟

[إبن ثعلي]

مشكور يالتركي قصيده رائعه لكن لازم تقول منين لطشتها علشان نرشحها للمميزه
تحياتي

[ابوسـعد]

وينها مميزة معه يابن ثعلي الله يرضى على هالوجه وهي مخالفة صريحة لحقائق الوجود الانساني>يبى لنا ندرس الموضوع من جد ونشوف انطباق التميز عليها...شكرا لكما الناقل والمادح

[** راس حربه **]

التركي صح السااااان راعيهاا ولاهنت يالقرم

وتسلم على الاختيار الراائع

واتبع التعلمياااات يابعدي كان ماعليك كلافه :)

وتحياتي يالذيب

[التركي]

المشاركة الأصلية كتبت بواسطة ABOSAAD التركي: مرحبا.... لأني ما أشوف الا واحد.... الثاني ماشفت له ضيحه.... مجرد سؤال ؟؟؟؟ شكرا وش رايك ماعلقت على المداخله؟؟؟؟؟؟

[align=center]عزيزي الغالي ابو سعد مداخلتك علي عيني وعلي راسي وهذي وجهت نضرك اخوي لاكن من مايبدولي ان الشاعر متمسك بعادات ابائه واجداده مايداني التملس وفعلن التملس ماهوب لرجال بمعني الان لويجي قرمن من عند اباعره وتقوله البس بدله وكرفته وجزمه الله يكرمكم ابيلبسها علي الحرام مايلبسها وهي ممكن تكون في نظر غيره عايدي علي العموم يابو سعد الله جميل يحب الجمال جمال الرجل بدينه وسمعته وبالنسبه لتركي انا مثلك تفاجات يوم من الايام وانا داخل المنتدي الا فيه طلب لقصيده باسمي وانا لم اطلبها واتضحلي ان هناك سمي تحياتي لك يكنق [/align]

[التركي]

المشاركة الأصلية كتبت بواسطة بن ثعلي مشكور يالتركي قصيده رائعه لكن لازم تقول منين لطشتها علشان نرشحها للمميزه تحياتي

مشكور يالامير علي المرور وبالنسبه لطشتها ملطوشه الها الان اكثر من 3 اشهور وبالضبط والله ناسي وان كان انت مصمل ابعيد الشريط لورا يمكن اذكر وبعدين ابو سعد ماعجبته لاكن عندي اللي تتعجبه تحياتي لك

[التركي]

المشاركة الأصلية كتبت بواسطة ** راس حربه ** التركي صح السااااان راعيهاا ولاهنت يالقرم وتسلم على الاختيار الراائع واتبع التعلمياااات يابعدي كان ماعليك كلافه :) وتحياتي يالذيب

مشكور اخوي راس حربه ولاهنت علي المرور يالذيب لا مافيه كلافه ابشر بعزك