حلّوووه ( حلّته ديم ) صح لسانها

[{ أبوفيصل }]

السلام عليكم

أسعد الله جميع أوقاتكم بالخير والمسرات
.

[poem=font="traditional arabic,6,black,bold,normal" bkcolor="transparent" bkimage="backgrounds/47.gif" border="solid,1,black" type=1 line=0 align=center use=ex num="0,black""]
طرحت اللغز وأنتم للصعايب قدّها وقدود =ولا هي بالتحدّي مير قدر امكانكم حلّوووه
أنا حصّلت بنتٍ في طرف رجلٍ عليك ايْكود =وهي صعبة منال وماصعَب عند العرب خَلَّوْووه
مثَل ماقيل عن صعب الوصول أصعب مثل منشود =وصلّى الله وبارك عد ما حل فرضٍ وصلَّوْووه
[/poem]

.

..

.

[{ أبوفيصل }]

الشطر الاخير من اللغز شطر ختامي لا علاقة له باللغز

وباذن الله لي عوده

[همس النسيم]

وعليكم السلام ورحمة الله وبركاته
ويسعد صباحك يالعطاوي على هاللغز الجزل
ههههه
تصدق دخلت أحسبه موضوع
من عنوانه مايوحي انه لغز بس لما
تمعنت به لقيت على الكلمة تشديد
الله يسعدك وان شاء الله نحله

[شاعر الحرية]

أهلا وسهلا يالعطاوي

صح لسانك وبيض الله وجهك

حدثني قلبي عن عقلي -رضي الله عنهما - أنه قال :
"أن هذا اللغز العطاوي صعب المنال و الهقاوي"
حديث قلبي عقلاني حسن لغيره وأخرجه شاعر الحرية

بعدين يالعطاوي ما قصدك تحدي وتقول حلوووه قدر اﻹمكان

ذكرتني بمثل عندنا يقول (فلان يضرب بالفاس ويمسح بالقدوم )

يعني يضرب ويوجع لكن ما يبان اﻷثر

على العموم وش تقول بالصداقة
كحل مبدأي ودون تركيز عمييق

ولو إني على قول السيدة سقيا : ما لي لوا فيما يبدو

[شاعر الحرية]

ولا وش تقول يالعطاوي بنجمة الصبح أو الشعرى اليمانية

التفكير ارتفع هنا قليلا يالعطاوي وأصبح سماويا

[ديم]

صباحكم استبشار

و زين قدرنا نلحق على اللغز قبل ذبحه


ظاهر اللغز يوحي بالصعوبة



أول محاولة يالعطاوي

حبة الكوع


نقول أصعب من حبة الكوع

[إبن ثعلي]

قضت عليهالأخت ديم وفيه مثل يقول يا ما غدى للكذوب من صدقه فلعل البنت هي صدقة الكذوب المذكوره والكذب يكود على الرجال
ويش رايك يالعطاوي

[شاعر الحرية]

علينا جاي يالعطاوي .. خيرة الله
خلنا نشوف تعليقاتك ونستنبط من تلميحاتك إن كانت لم تذكر اﻹجابة حتى اﻵن

هذا لغز جبار ومستعصي على كيمياء المخ يالعطاوي

ودعني أضيف إجابة أخرى أيضا وهي :
قمة جبل افرست

ولو إني أميل نوعا ما لجواب ديم

[{ أبوفيصل }]

المشاركة الأصلية كتبت بواسطة همس النسيم وعليكم السلام ورحمة الله وبركاته ويسعد صباحك يالعطاوي على هاللغز الجزل ههههه تصدق دخلت أحسبه موضوع من عنوانه مايوحي انه لغز بس لما تمعنت به لقيت على الكلمة تشديد الله يسعدك وان شاء الله نحله

ويسعدكـ يارب هههههه أجل ماينفع معكم غير الشده

لكن ماحصلت لك رمعه ،، خيرها بغيرها

[{ أبوفيصل }]

المشاركة الأصلية كتبت بواسطة شاعر الحرية أهلا وسهلا يالعطاوي صح لسانك وبيض الله وجهك حدثني قلبي عن عقلي -رضي الله عنهما - أنه قال : "أن هذا اللغز العطاوي صعب المنال و الهقاوي" حديث قلبي عقلاني حسن لغيره وأخرجه شاعر الحرية بعدين يالعطاوي ما قصدك تحدي وتقول حلوووه قدر اﻹمكان ذكرتني بمثل عندنا يقول (فلان يضرب بالفاس ويمسح بالقدوم ) يعني يضرب ويوجع لكن ما يبان اﻷثر على العموم وش تقول بالصداقة كحل مبدأي ودون تركيز عمييق ولو إني على قول السيدة سقيا : ما لي لوا فيما يبدو

ماكان كان واللي ماكان بقدر الامكان صعب لوتحلونه

بيت لمتنبي عتيبه بندر بن سرور الله يرحمه

اصعب على المخلوق من حبّة الكوع * واّلاّ عـلـى الخـالـق بـسـيـطٍ خبرها

" الصداقه " ماااااالك لوااا

المشاركة الأصلية كتبت بواسطة شاعر الحرية ولا وش تقول يالعطاوي بنجمة الصبح أو الشعرى اليمانية التفكير ارتفع هنا قليلا يالعطاوي وأصبح سماويا

مالك لوااا قد ارتفعت وافتقدت الجاذبيه بهذه الرمعه

المشاركة الأصلية كتبت بواسطة شاعر الحرية علينا جاي يالعطاوي .. خيرة الله خلنا نشوف تعليقاتك ونستنبط من تلميحاتك إن كانت لم تذكر اﻹجابة حتى اﻵن هذا لغز جبار ومستعصي على كيمياء المخ يالعطاوي ودعني أضيف إجابة أخرى أيضا وهي : قمة جبل افرست ولو إني أميل نوعا ما لجواب ديم

ابشر لكن خلك على ميلك
ميّل عقالك وريّح بالك من عناء التفكير ياصاحبي