شايب وعياله الثلاثه ( قصة مؤثرة )

[عزام الوسمي]

السلام عليكم ....

أتمنى ما تكون هالقصة قديمه في الطرح ,,,,, عالعموم حبيت أطرحها لكم ,, متمنيا أن تنال رضاكم وإعجابكم ,,,,,,,


هذي قصة رجل وله ثلاث عيال ماتت امهم وهم صغار وعيا الاب يتزوج ثانيه

خائف على عياله من المره الثانيه تعذبهم وتشقيهم المهم الرجال رباهم وتعب

عليهم وكان يطلع من الصبح ولا يرجع الى بالليل ونوبات يتاخر كله هذا على

شأن يوفر لهم الاكل وكان كل ماطلع خلاهم عند جاره يلعبون مع عياله واذا

جاء من المقناص سوالهم العشى وعشاهم وكان ما يتعشى الا اذا شبعوا عياله

وياكل من بقايا اكلهم ودار الزمن وكبروا العيال وزوجهم ابوهم وشاب الاب

الطيب ولا عاد يقدر على القومه والطلعه الا بالمساعده المهم قامن حريم عياله

يتشكن منه لا زواجهن الين اجتمعوا العيال وكل يقول للثاني خله عندك حتى

اجتمعوا على رأي واحد انهم يطردونه الاب مالقا في بيت جاره وعياله الاولين

ورعوه وكرموه وطيبوا مكانه كأنهم عياله وقال الاب القصيده المذكوره

ودعوته المشهوره فيها المهم عياله ماتوا كلهم ولا واحد منهم خلف له ولدوانقطع

ذكرهم ونسلهم فحسبي الله عليهم ناكرين الجميل وعاقين الوالدين


تهيض الشايب ونشد يقول:

قـال الـذي يقـرا بلـيـا مكاتـيـب
****************************************ياللـي تقـرون العمـى مـن عناكـم
يا عيالي اللـي تشرفـون المراقيـب
****************************************تريضوا لي واقصـروا مـن خطاكـم
خذو كـلام الصـدق مابـه تكاذيـب
****************************************مثـل السنـد مضمـوم للـي وراكـم
يا عيال لا صرتوا ضيوف ومعازيـب
****************************************تـرى الكـلام الزيـن ملحـة قراكـم
وتروا السبابه مـن كبـار العذاريـب
*****************************************وهرج البلايـس مـا يطـول لحاكـم
المذهب الطيب فهـو مذهـب الطيـب
*****************************************والمذهـب الخايـب يبـور نسـاكـم
يـا عيـال مـا سرحتكـم باللواهيـب
*****************************************يا عيال مـا عمـر المعـزب ولاكـم
يامـا توليـت القبايـل تقـل ذيــب
****************************************من خوف لا ينقـص عليكـم عشاكـم
وياما شريت السمن من عرض ما جيب
****************************************يفزقلـبـي يــوم يبـكـي حـداكـم
وياما قطعت مـن الفيافـي العباعيـب
*****************************************نـدور مـن صيـد البـراري غذاكـم
يا عيال دوكـم لحيتـي كلهـا شيـب
*****************************************هـذا زمـان قعودنـا فـي ذراكــم
قمـت اتوكـا عــوج المصالـيـب
*****************************************قصرت خطانا يـوم طالـت خطاكـم
عطونـي القرضـه عليكـم مطاليـب
*****************************************عطوني القرضة جـزى مـن جزاكـم
لابـد يـوم عـاوي دونـي الـذيـب
****************************************بالقبر ما افـرق طيبكـم مـن رداكـم
مانـي بفاضحكـم بوسـط الاجانيـب
****************************************بـا عمالكـم يـدرون كـل اقرباكـم
لو كـان تـدرون الـردي والمعاييـب
****************************************صرتوا مع المخلـوق مثـل خوياكـم
خوالكـم بالطيـب تـروي المغاليـب
****************************************ولـو تتبعـون الجـد محـد شنـاكـم
وش علمكـم يـا تاركيـن المواجيـب
****************************************حسبي عليكـم هالـردى ويـن جاكـم
يالله عسى اعماركـم شمسهـاتغيـب
****************************************يعـتـم قمـركـم ثم تـظـلـم ســمـاكــــــم
يـا علكـم فـي حاميـات اللواهيـب
****************************************ياللـي علـى الوالـد خبيـث لغاكـم
شفت الجفا والحيف والغلب والريـب
*****************************************بضلوعكـم لا بـيـض الله قـراكـم
اطلب عسى نساكم ما تحمل ولاتجيب
****************************** ***ولا احد من الوغدان يمشـي وراكـم
اخسوا خسيتـوا يـا كبـار اللغابيـب
*****************************************اهبـوا هبيتـوا يقـطـع الله نمـاكـم

منقوووول

[فهد العايضي]

لاحول ولاقوة إلا بالله

اللهم أعنا على برهم ورضاهم

مشكور أخي عزام الخيل

[إبن ثعلي]

عزام الخيل اعتقد ان هذه القصه موجده في هذا النتدى وعلى العموم شكرا لك لما تقدمه من مجهود طيب
تحياتي

[خالـد]

قصه مؤثره فعلا

الله يعطيك العافيه اخوي عزام الخيل








تحياتي لك

[عزام الوسمي]

فهد العيضي مرورك أسعدني <<

بن ثعلي .. ماعتدي خبر <<< مرورك رائع

الرائع خالد مرورك جميل ومنور <<<<

تحياتي لكم>>>