أنا مليت أردد للهجر [ ياسيّدي عادي ]
.
مَدْخَلْ /
مساء الجرح والدمعه على خد الهـوى تنشـاف
مساء الهم فـي قلـب الصغير مـفارق أحبابـه
مسائك طعنى الفرقى على صدر الـ انا بإجحاف
مسائك دمعةٍ تسأل عـذاب الروح وش جابـه ؟
نويـتـي بالرحـيـل وعاشـقـك فــي مـوقـفـه مـنـهـار
سبـايـب كلـمـة الـعـاذل تـضـجّ الـمـوقـف الـهــادي
تـعـوّد خافـقـي هـجـر الحبـايـب والقـلـوب أســـرار
وأنــا ملّـيـت اردد للهجـــر [ يـاسـيّـدي عـــادي ]
تطـمّـن يالـهـوى المـزعـوم ماعـنـدي وراكــم ثــار
حـيـاتـي كـلـهـا قـســوه مـــن أوّل يـــوم مــيــلادي
مقـاديـر الشـقـا تخـفـي مصايـبـهـا عـــن الأنـظــار
وتحت ستـر الفـرح تقبـل علـى المضيـوم وتنـادي
لعيـنـه يالـظـروف الـلـي تـحــرّم مـنـهـج الاعـــذار
بـدونـك كـانـت العـشـره تـطـول ولا لـهـا حـــادي
علـى الله كـل مـا يوجـع خفـوقـي ياغـريـب الــدار
رضـا منّـي غصـب عنّـي قـدر مكـتـوب لـبـعـادي
أبحـرق دفـتـر اشـعـاري وأبـرمـي علـبـة التـذكـار
عـسـاهـا للـغـيـاب الـلــي يـجــدّد صـفــوة رقـــادي
أنـا مـن جـرّح اقدامـه علـى درب الجـمـر والـنـار
أنــا مــن لـحّـن الغـنـوه مــع العصـفـور والـشـادي
أنا أوّل من عرف هجر المصايب والجروح كثار
أنا اوّل من جرح صمت المشاعر يوم انـا غـادي
عجايـب عيشـة الغربـه , حسايـف كذبـة الاخبـار
مصـايـب لـحـظـة الـفـرقـى تـــزوّد قـــوّة عـنــادي
سهالـه يـا ضميـري وإعتبـرهـا منتـهـى المـشـوار
أنــا ملّـيـت أردّد للهجــر [ يـاسـيّـدي عـــاااادي ]
مَخْرَجْ /
أببكي وأسكب دموعي على خدّي بكل إسراف
أنـا وش فـي يدي يـوم الزمان يجدّد أتعابه
عشقنا وإنخدعنا بالهوى وأثـر الهوى ينعاف
مـدارك تنهـك شعـور الشقاوي ثـم تسلابه
| 
|
03-19-2012, 06:48 PM
أنا مليت أردد للهجر [ ياسيّدي عادي ]
]
العرض العادي
