قصيدة الشيخ صقر بن زايد بن ثعلي

[إبن ثعلي]

قصيدةالشيخ صقر بن زايد بن ثعلي رئيس مركز الاوقاف بمنطقة المحاني وبمناسبة زيارة معالي محافظ الطائف فهد بن معمر للمحاني وقد صاغ مطالب الديره بها والحمد لله فقد تحققت غالبية المطالب كالهاتف الجوال والثابت والكهرباء والاسفلت وغيرها اعز الله حكومتنا الرشيده وثبتها على الحق
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باسم الله اللي ما يسمى بغيره = محي النفوس وكاتب الاجال
يابن معر مرحبا بوصولك = واللي يرافقكم من الابطال
رؤساء الدواير كل واحد باسمه = هلا بكم في الحل والترحال
حياكم الله في بلدك الثاني = بعد مجيك تعقدالامال
ارفع مطالبنا لابونا الغالي= العاهل اللي للعقد حلال
الله يحفظه من صدوف الدنيا=وعسى سنينه بالحياة طوال
حكامنا منا وحنا منهم = وعلى رعاياهم ذرى وظلال
واهل المحاني من سعود الاول=اشبال عاشوا في محل اشبال
تعرف مواقفهم مع الحكومه=مواقف يضرب بها الامثال
اللي فتح ريع الثنيه مصلح= وعج الرمك والملح له زلزال
اسمع مطالبنا وشف حاجتنا = عطاك ربي صالح الاعمال
متى بروج الكهرباء تاصلنا = ومتى يجينا الهاتف الجوال
ومتى المجمع ياصل المحاني= ومتى يجينا مركز الاحوال
ومتى يجينا مركز للشرطه = تسلم المسلم من المحتال
من وقت فيصل والطلب محمينه = لياقلت وصلت جالها عرقال
هذايجي منا والاخر منا =مانعرف الرجلي من الخيال
حتى الحوادث نقصوا عددها= حطوا وقوعات مغار خيال
والا ترى العوفي كبير حظه=من راجعه يبشر بطيب الفال
اهل الوساطه ماتجي في بيته =ما حصلوا ممسا ولا مقيال
ومتى يؤسس عندنا مستشفى=ومتى يجينا مركز الهلال
ترى من الطايف الى المدينه=ما فيه مستشفى وعنه تسال
ومتى المريض نوصله للطايف=ليا بنشر الاسعاف حاله حال
ان كان به نزيف يرحمه الله=الوقت حر ولاعليه اظلال
خطر عليه انه يغلق دمه = ومن الطرق ماله عليه مجال
والا النويصركلمته مسموعه = من شجرة يضرب بهاالامثال
ومتى يجينا مركز للهيئه = لان البلد يسلم من الانذال
يكبرون بلااله الا الله = وقت الصلاة تقفل الاقفال
وبرامج التلفاز ما نسمعها = بعد المسافه وقف الارسال
ومتى المرور نشوف دورياته = والا يجينا منتدب جمال
عطنا مطالبنا وشف حاجتنا = عطاك ربي صالح الاعمال
من يعمل المعروف يجزى بمثله = مايحقر المعروف لومثقال
ومن لاتجود في الفهد والاسد=ماينفع الحصني على ماقال
حنا عتيبه نفتخر بجدودنا =هذا ولد عم وهذا خال
يقولها راع المثل قدامي=بديوي اللي سجل الامثال
يقول بن ثعلي وهذي هديتي=هديتي عسى لها استقبال
واختم كلامي بالصلاة على النبي=اللي سعى في الشرك لينه زال[/poem]

[إبن ثعلي]

القصيدة الثانيه للشيخ صقر بمنابة زيارة المحافظ الثانيه في العام الماضي1424هـ
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله اللي كون الكون كله = بسمه يطير الطير بالجنحان
اللي رمى فرعون في غبة البحر=وفرعون عيا ينفعه هامان
يابن معمر مرحبا بوصولك=واللي يرافقكم من الشجعان
رؤساء الدواير كل واحد باسمه=عسى زيارتكم لها برهان
والشكر لله ثم نشكر ملوكنا = على الرخاء والامن والامان
نشكر حكومتنا ونشكرجهودهم = ونجازي الاحسان بالاحسان
وسايل التعليم انارت بلدنا = دعاة علم وحفظ للقران
ومكاتب للتوعيه والمساجد = ورواتب تصرف من الضمان
ومشايخ في كل ليلة تزورنا = تغضب بليس وترضي الرحمن
مشوا على سيرة نبيهم محمد = بتوجيه من فهد وعبداالله وسلطان
وعبد المجيد اللي مشيتوا بامره = هذاك له وسط القلوب مكان
الله يحفظه من صدوف الدنيا = ويكتب له التوفيق والغفران
يابن معمر يوم زرت المنطقه = ناظربعينك وافتح الاذان
المنطقه تحتاج مركز شرطه=حتى يتم الامن والامان
ساووا بنا رضوان والفيصليه = ودغيبجه والحفر مع مران
يابن معمر ما لقينا واسطه = ترجع مطالبنا بلا قبلان
عشرين عام ولا حصل مستشفى =مريضنا دايم وهو تعبان
والا الدراسه قررت حاجتنا = كثر العدد والبعد والسكان
شفت الطريق اللي بدون علامه = خطر على الشيبان والشبان
حنا نقدم والحسيني يدري = ويظهر عليه انه معه نسيان
والمنطقه تحتاج مندوبيه = ساووابنا بعضا من البلدان
عشر مدارس واقعه في المحاني = صادق واسلوا علي بن خضران
والهيئه اللي نفتخر بوجودها = وقت الصلاة تقفل البيبان
وحنا عتيبه كلنا نستنكر= نستنكر التفجير والعدوان
اللي يخاون دولته وبلاده = خاين ولا احد يرحم الخوان
نستنكر الخاين وننكر فعله = هذاك ماله عندنا مكان
من لاخدم دينه وديرته ودولته = تحسب حياته كلها خسران
يقول بن ثعلي وهذي هديتي = مشاعري مشاعر الاخوان
واختم كلامي بالصلاة على النبي = محمد اللي حطم الأوثان[/poem]

[سمران القثامي]

عطنا مطالبنـا وشـف حاجتنـاعطاك ربـي صالـح الاعمـال
من يعمل المعروف يجزى بمثلهمايحقـر المعـروف لومثقـال
ومن لاتجود في الفهد والاسـدماينفع الحصنـي علـى ماقـال
حنـا عتيبـه نفتخـر بجدودنـاهـذا ولـد عـم وهـذا خـال
يقولهـا راع المثـل قـدامـيبديـوي اللـي سجـل الامثـال
يقول بن ثعلي وهـذي هديتـيهديتـي عسـى لهـا استقبـال
واختم كلامي بالصلاة على النبياللي سعى في الشرك لينه زال


الغاااالي/ بن ثعلي مشكور على نقل

القصيدتين الراااائعتين وصح لسان قائلها

اخوك/ القثاااااامي

[السعار]

الله يطول عمر ابو فهد ويحفظه بحفظه ويمتعه بالصحة دائما... يعجبني شعره للجرائه التي يتمتع بها في المعنى والبيان.. احترامي اخوي بن ثعلي..

[ساحر الكلمه]

القصيدة جميلة..... ولكن متى صار صقر بن زايد شـــــــــــــيخ
كلام كبير يابن ثعلي .................
مع أحترامي لك.

[إبن ثعلي]

الأخوين سمران القثامي والسعار الله لايهينكما وشكرا لمروركما
تحياتي لكما

[إبن ثعلي]

الاخ الساحر
صقر بن ثعلي شيخ للأسباب التاليه
اولا:- هو من بيت الاماره ذوي عيد
ثانيا:هو كبير اهل المجمعه ورئيسهم
ثالثا:-هو رئيس الاوقاف والدعوه والارشاد في منطقة المحاني
رابعا:-لكبر سنه

[الحصان]

نعم ابو فهد شيخ كما ذكر بن ثعلي ولا داعي ياخي الساحر لهذا الكلام

[روقيً مردد..؟]

[size=4][size=5][size=6][align=center]الاخ بن ثعلي
يعطيك الف عافيه على هذه النقلة الرائعة...........
لشيخ/صقر بن زايد بن ثعلي طول الله في عمره

[السعار]

ليست هكذا تورد الابل... نحن قوم نرحم صغيرنا ونوقر كبيرنا .. والساحر يعرف الشيخ صقر المعرفة التامة .. ولكنه سأل السؤال لغرض في نفسة وصل اليه .. ويعتبر الموضوع منتهي عند هذا الحد.. احترامي للجميع..