[poem=font="Simplified Arabic,6,green,bold,normal" bkcolor="transparent" bkimage="" border="double,7,black" type=2 line=0 align=center use=ex num="0,black"]
سبحانه اللي يدوم وغير وجهه مادام=بأمره يمد الشفاء والغمّه يزيلها
.
العالي المؤمن العدل الكريم السلام=الوالي اللي جميع الخلق والي لها
.
أعوذ به من شرور الجن وبغض الأنام=ومن عقدة أهل العقود ومن محابيلها
.
ما يحذفون الحلال ألاّ عيال الحرام= ناس ٍ نغزها بليس وقام يومي لها
.
اللي في قلبه صدا واللي في خشمه عرام=وكبودها سود مدري ويش اسوي لها
.
الحمدلله زان الحال والحظ قام=ولدن لقاح الليالي وأحملن حيلها
.
بانت وجيهٍ تبادلني غلا وإحترام=وغابت وجيه ٍ تجاملني بتمثيلها
.
والحيّه اللي تشيل السمّ والسمّ سام=أقرا على راسها وتردّه لذيلها
.
مابيني وبينكم يا أهل الضغاين كلام=ألاّ الفلق .. وآية الكرسي وترتيلها
.
ولا حلّـقـت فـ الظلام ألاّ طيور الظلام=واليا انتفض ريشها شبّت قناديلها
.
شكري على البندقيه والفشق والحزام=وأم المفاتيل تنجيها مفاتيلها
.
واقف على حيلي وهجسي طواه الحيام=عسى القصيده معي تآقف على حيلها
.
تقول بيني وبين الشعر نقطة نظام=من يردع اهل المثايل عن تماثيلها
.
والنبره اللي في صوتي من ثلاثين عام=أطيح واحطّها .. وأقوم وأشيلها
.
ترادفت واستقامت والطريق أستقام=وأستقتها حسب معناها وتأويلها
.
الضبط والربط لو ما جاء على مايرام=الجابه المايله ما يعتدل ميلها
.
عز الله اني قنعت من الهوى والغرام=وسرّتني اللي على ليلي .. سرا ليلها !
.
حمامة ٍ من لحنها غير كل الحمام=أمسيت معها تغنيّ لي .. وأغنيّ لها
.
يا شين حبٍ يجي بين اللحم والعظام=ما يجني من الضلوع ألاّ محاصيلها
.
يا صاحبي لو نقول الطقّ فك اللحام=طقّ المواليف ما يقطع مواصيلها
.
وشلون ما أهتمّ بك وأنته محط إهتمام=ومحبّتك في ضميري مسرج ٍ خيلها
.
أربط حزام الأمان .. الخوف ماله حزام=وأخفض جناح الموده لين أعديّ لها
.
تعال يكرم جنابك يا عزيز المقام= بلاش من طاري الدمعه ومنديلها
.
أقول أحبك وأنا صادق عليّ الحرام=لازال غيث المشاعر دارجٍ سيلها
.
أما أستملني غلا .. وألاّ عليك السلام=لابد فرقاك تاصلني مراسيلها [/poem]لشـــاعر \ ســــــــــــــــــداح [/QUOTE]
| 
|
10-28-2007, 07:21 PM
وشلون ما أهتمّ بك وأنته محط إهتمام && ومحبّتك في ضميري مسرج ٍ خيلها
المواضيع المتشابهه
العرض العادي
