لغز جديد يبا من يحله!!! // محلول من وجودك يكفي

[{ أبوفيصل }]

أطرح هذا اللغز بين يديكم ولولا اهتمامكم بهذا الفن ما بدعته


أبا أنشـد العرّيْف عن ورع مطْواع ** حلْـــو النّبا يا طـيّبيـــن المـرامــيع

ورعٍ مــاهو بضعِيف ولاّ ردي ناع ** ورعٍ خــدوم اتْشـوف منْه المنافيع

الْيا كمَــلْ له سبْع يِذعــن وينصاع ** وش عاد لو تامرعلى عشْر ويطيع



تحيتي لكم وبالتوفيق

اخوكم العـطـ خليجي ــاوي

[وجودك يكفي]

صح لسانك ياخليجي نت على هاللغز الرائع

وش تقول وانا اخوك في التلفون يذعن إذا دقيت رقم ثابت عباره عن 7 أرقام ويذعن أيضا إذا دقيت رقم جوال عباره عن 10 ارقام

[{ أبوفيصل }]

ياولد ثابت
صحيح التلفون الثابت
أممممم ليتك تركت اللغز فوق لو ساعتين ثابت

ماشاء الله عليك صح لسانك ياولد ثابت
خطيييييير

[وجودك يكفي]

المشاركة الأصلية كتبت بواسطة خليجي نت ياولد ثابت انت تقول التلفون الثابت أمممممم ليتك تركت اللغز فوق لو ساعتين ثابت ماشاء الله عليك صح لسانك ياولد ثابت خطيييييير

صح بدنك وانا اخوك ولا أخفيك يوم قلت لي إنك بتطرح لغز ،، كنت أنتظر اللغز بفارغ الصبر وكنت ناويه بنيتن شينه والحمد لله يوم الله وفقني وجبت أجله وأصدرنا له شهادة وفاة بتاريخ اليوم


ولايهمك يالذيب يبقى اللغز مثبت يومين ماهو ساعتين
الخميس والجمعه مثبت والسبت نوديه ثلاجة الموتى مع الألغاز المحلوله




تقبل ودي واحترامي

[{ أبوفيصل }]

سلمت ودمت ياولد ثابت
مع العلم انّي تعبان على هاللغز لي يومين
ونهايته على ثلاجة الموتى ياخوك لاتجيب طاريها مادانيها
تراني ابا اغمض عيوني نهار السبت من شان ما أشوفك وانت مودّيه لـ ....
ههههههههه

[وجودك يكفي]

ههههههههههههه

هذا حال الدنيا وانا اخوك
والموت حق على الجميع

[تسنيم]

ما شاء الله عليك يا وجودك الله يكفيك الشر
صح لسانك خليجي

[وجودك يكفي]

صح بدنك ياتسنيم

آميييييين والله يجزاك خير


احترامي

[{ أبوفيصل }]

صح بدنك ياتسنيم
ترى اللي نقوله بالردود تعليق ودعابه مع حبيبنا وجودك

هالمنتدى الغالي باللي فيه ،، اليا اجتهدنا فيه فهو من محبتكم مالنا فيها منّه
واقولها ماهي بمجامله بلسان الجميع
تحيتي لكم محبه وتقدير

محبكم

العطــــ خليجي نت ــــاوي

[وجودك يكفي]

بيض الله وجهك ياخليجي نت وهذا من طيب أصلك يالعطاوي

ولآ عدمنا تواجدك الرائع والمشرف


اخوك ولد ثابت