عتيبه ملوك الشعر واحق بالمليون...الف مبروك

[رائـــد العتيبي]

الف الف مبروك تاهل يوسف العتيبي ولا املك الا هذه الابيات مهداه
ليوسف العتيبي وجمهوره من قبيلة عتيبه والقبايل الاخرى...




ولا ياعتيبه عيّدوا عيدكم مممنون =وزفّوا لابن رزّاق مليون عيديه



ومليون تسليمه على الشاعر الدندون =ومليون ترحيبه ومليون ردّيه



أبارك لربعي كلّها والصعاب تهون =ويقعد بها (تركي وغسان ووخيه)



وابو(صفر)قدره(صفر)بهناك ولا هون =وحنّا رجال الطاله هناك وهنيّه


عتيبه عصاء موسى وانكبتك يافرعون!! =تفرعنت لين أن العصاء عوّدت حيّه!!


عتيبه هل الفزعه لا جات اللزوم يجون =رجالاً تدوس الموت لا كبرت الهيّه


عتيبه وبإذن الله ترى نصرهم مضمون =مثل نصرنا المبروك(يوم الرشاويّه)


عتيبه جبال الها حيود وحجا وركون =ترانا عتيبه والمواقف عتيبّه


وياحيّ من برقا على جنبه يقومون =وياحيّ من ينخى بني روق ياحيّه



لو أنّك نخيت الشايب اللّي على الحاجون =يفز الك لو رجله من الوقت

مثنيّه

وحنّا هل (أبشر)لا ظهر حرف من(تفكون) =سبقنا طلوع (النون) يادافع السيّه!!


ترى أرواحنا من دون ميقافنا عربون =وهذي على العتبان حاجه طبيعيه


وحنّا هل العلياء ماحنّا من اللي دون =مابين الكواكب والنجوم السماويه


ولن جات للتصويت بالهاتف المشحون =شحنّا القلوب اخلاص ووجوب وحميّه


نبى نقفّل النسبه..نبى نصفّر الطبلون =ونبى نأخذ المليون غصبى وجبريّه



لإنا ملوك الشعر يالجنة المليون =ولا اخذتوا من الشعر(1%) واحد من الميّه


غبينه لا صار الصاحي يقيمه مجنون =فضيحه لا صار العاقل يرشّده عيّه


من الخبث ماينظفكم الماء ولا الصابون =غدرتوا بيوسف كلكم يالحراميّه



ولا عندكم شيمه ولا عندكم قانون =وربي فضحكم قالقناه الفضائيّه


نفختوا قليل المعرفه نفخة البالون =وجحدتوا وسيع المعرفه يالحسوديّه


جلسّتوا محل النابغه مير مامن لون =ويابعد مبدا الشمس عن داجي الفيّه!!


وتقييمكم ماعاد نبغاه مشكورون =مادامت حميتنا على الساس مبنيّه



نبى نكوي الحسّاد من جمرة الغليون =ونضحك جميع ونلحق الكيّه الكيّه


ماحنّا فقارى يوم نبحث عن المليون =ترانا على طول الليالي غناويّه


لكنا ملوك الشعر واحق بالمليون =ونبي نأخذ المليون غصبى وجبريّه
وسلامتكم



والوعد قدام ياعتيبه ......




لشاعرالمبدع:عيضه الثبيتي

[وحش عتيبه]

[align=center]رائد العتيبي ,,

لاهنت على نقل القصيده الرائعه ,,

وصح لسان عيضه الثبيتي على القصيده ,,

معـ تحياتيـ ,, [/align]

[عــمـــر]

[align=center]لا هنت ويعطيك العافيه


والف مبروك ومنها للمليون يارب يستاهل يوسف عز الله



وصح اللسان الثبيتي وبيض الله وجهه


ولا هنت ولا هان راسه


ولحد يرتخي :) ادبل الصوت بعشر


والله انهم قسو عليه بالحيل

لا ما نرضا للعتيبي غليبه


وشكرا يا ابن الرفاقه [/align]

[عــمـــر]

[align=center]
من شان يوسف ماحسبت الفواتير .... والله ما أرضى للعتيبي غليبه

سلم على المره وسلـم على مطير.... وقفاتنا دايم عليهم صعــيــبه

دون العتيبي مانسوق المعاذير ..... يالجنة الشعار حنا عـتــيـبـه

ما اعرف اسم الشاعر .............................[/align]

[بنت السلاطين]

[align=center]قصيــــــــــــــــده رائـــــعه

دمت لعتيبه[/align]

[بدر الشمري]

بالله صح لسانك مليووووووووووون

من ولد شمر ورفيق العتبان


وصدق ماهي مجامله بضلم يوسف

قد ماقدرنا نصوت له هو عبد الرحمن الشمري

وبلتوفيق للجميع

وكل وده اللقب

والي ياخذه نفس المغني بللف والدوران

هو وخوياه الي فللجنه يعطونه الي مايتساهله

ويفتحون له خطوط تصويت لحاله

ومحدن يدري كان ما يحولون الاصوات له

[حنين الماضي]

سلمت على نقلك المميز ولا هنت
وصح الله لسان شاعرها
تقبل فائق التحايا

[ابوبتـــال]

بسم الله الرحمن الرحيم

هذه اول مشاركه لي واتمنى ان تنال اعجابكم واعجاب الشاعر المحبوب يوسف العتيبي بعنوان :
ولكم باالمواقف لياريخ
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعتيبه ياالي باالمواقف لكم تاريخ =العصيمي من شاعر المليون يناديكم
يبي رسايلن باالجوال لها صريخ =رقم ثمان واربعين ماهو صعب عليكم تكفون ياالهيلا شاعركم لايطيح=خلوه يدوس الممليون الي مايسومواطيكم
خلواسم العتيبي علا الشعار يشيخ= الاول طبعكم دايم وطبع اهليكم[/poem]

واذا كان حق يوسف علا قبيلته ومحبيه رسايل جوال فهذا حق بسيط كلاً يقدر عليه تقدر بالريالات فاالهمه الهمه ياعتيبه ومحبين هذه القبيله نريد ان يرتفع دايم اسم القبيله في كل المجالات

[مستر عتيبي]

أخي / رائد العتيبي

لاهنت على نقل القصيده الرائعه

وصح لسان عيضه الثبيتي على القصيده


وقفاتكم غير مستغربه تجاه من يمثل عتيبه(يوسف)

[com.العصيميهwww]

ماحنّا فقارى يوم نبحث عن المليون =ترانا على طول الليالي غناويّه


لكنا ملوك الشعر واحق بالمليون =ونبي نأخذ المليون غصبى وجبريّه



صح لسااان الشااعر ولاهاان

ولاهنت ياناقل القصيده

ونعم في عزوتي قاصيها ودانيها