~., بين هم الوداع وبين هم الرحيل,.~

[||كلَي شموخ||]

بعد ثالث ثلاثه حـل والوقـت ليـل
كل عين" من العبرة سقـت خدهـا

ارتعش واتثبـت والعبايـر تسيـل
لقـدر اقـول ليـه ولقـدر اردهـا

واقف" وقفت المحتـار وقت"طويـل
انظـر لواقعـي بالعيـن واصدهـا

مقدر اهرب من الواقع على المستحيل
تقصر الرجل خطوه قبـل لامدهـا

بين حزن الوداع وبين هم الرحيـل
كـل لحظـه تمـر بهـم واعدهـا

حسبي الله على الفرقا ونعم الوكيـل
هددتني وانا مجروح مـن ضدهـا

اشهد الجدي في مبداه واشهد سهيـل
قصتـي تبنـي الاهـرام واتهدهـا

ماشفالي جروح ولابردلـي غليـل
صادت الروح روحا" بيحت سدهـا

كلما قلت شده قلـت يمكـن تزيـل
وكل ماقلـت راحـة قلـت لابدهـا

شرهت القلب عدل ونظرة العين ميل
اقنع النفس ميـر النفـس ماودهـا

المشاعر لها بيـن الحنايـا صهيـل
والخواطر تحـز النفـس واتحدهـا

اكتب الشعر من دمي ودمـي ثقيـل
كل ماجيـت امـد القافيـه شدهـا

اقربي يالقوافي واشربـي سلسبيـل
من نهورا" يذوب الذوب مـع ندهـا

وذعني للحقيقه واشربـي حنظليـل
من بحورا" يساقي جزرهـا مدهـا

مايشح الكريـم ولايجـود البخيـل
كل نفـس" طبيعتهـا علـى قدهـا


حبيب العازمي ,,
وسلامتـــــــــــكم

[سلطان بن محسن]

كلــــــــي شمـــــــــوخ



حسبي الله على الفرقا ونعم الوكيـل
هددتني وانا مجروح مـن ضدهـا

اشهد الجدي في مبداه واشهد سهيـل
قصتـي تبنـي الاهـرام واتهدهـا

ماشفالي جروح ولابردلـي غليـل
صادت الروح روحا" بيحت سدهـا



صح لسان شاعرها

وصح نقلك الرائع

تقبلي مروري

[||كلَي شموخ||]

المشاركة الأصلية كتبت بواسطة سلطان بن محسن كلــــــــي شمـــــــــوخ حسبي الله على الفرقا ونعم الوكيـل هددتني وانا مجروح مـن ضدهـا اشهد الجدي في مبداه واشهد سهيـل قصتـي تبنـي الاهـرام واتهدهـا ماشفالي جروح ولابردلـي غليـل صادت الروح روحا" بيحت سدهـا صح لسان شاعرها وصح نقلك الرائع تقبلي مروري

صــح بدنكـ
تسسسلم
شاكره مرورك الكريم
كل الود

[غليص الشيباني]

لاهنتي خيتو على النقل وتقبلي مروري

[برقآآآآوي]

مايشح الكريـم ولايجـود البخيـل
كل نفـس" طبيعتهـا علـى قدهـا


صح لســـانـ قايلهـــا
ولا هنتي اختي على النقــل
الاكثر من رائع


رآآآآقت لي \ برقآآآآآوي

[||كلَي شموخ||]

غليص & برقااوي
الله يعافيكم
شاكره مروركم
لاهنتوا