قصيدة للشاعر الملازم/مشعل بن محماس الحارثي والتي القاها امام ولي العهد

[وليد الزراقي]

قصيدة للشاعر الملازم/مشعل بن محماس الحارثي والتي القاها امام ولي العهد
________________________________________

يسعدني ان اقدم لكم هذه الرائعه التي قدمها الشاعر الملازم/مشعل بن محماس الحارثي أمام صاحب السمو الملكي ولي العهد نائب رئيس مجلس الوزراء وزير الدفاع والطيران والمفتشيه العامه . اثناء معايدته للمنطقه الجنوبيه: :


[poem=font="Simplified Arabic,4,black,normal,normal" bkcolor="transparent" bkimage="backgrounds/20.gif" border="none,4,white" type=0 line=0 align=center use=ex num="0,black"]
خل النياح وفارق العـش يـا طيـر
غرد وهز الريش فـي كـل عالـي
اليـوم هـذا غيـر وأيامنـا غيـر
والبارحـه ماهـي سـوات الليالـي
الأرض صارت في عيوني نواويـر
والبـدر تـم وجامكـان الهـلالـي
وأبها تحدت فـي بهاهـا الغناديـر
فلـت جدايلهـا وقـامـت تـلالـي
وفي وجه خالد للفرح ألـف تعبيـر
وحجاج فيصل فيـه كـل ابتهالـي
من السعادة باقـي شـوي ونطيـر
عز الله ان اللي لفـا الـدار غالـي
يامـر حبـا ماغـرد العصافـيـر
يامرحبـا مـازاف نبـت السهالـي
ترحيب أحلى من حليب المصاغيـر
وضح رعت روض ربيـع وخالـي
باللي شكت رجله طـوال المشاويـر
ياطابهـا درب الخطـر مايبـالـي
قرت عيون اللـي يحبـون ياميـر
طاريك.. والاالحيـن شفتـك قبالـي
ياما حسبت الوقت حسـب الدنانيـر
اسامـر انجـوم الثريـا لحـالـي
مبطي وانا اسمع فيك وصف البياطير
واليوم جالي فـي القصيـده مجالـي
يا سيـدي مـال القوافـي معاذيـر
عـن البيـوت الوافيـات الجزالـي
من لاجعـل للمـدح قيمـه وتقديـر
ماضنتـي يلفـت ذهـون الرجالـي
وانت الذي معك السحاب المزابيـر
تمشـي. ميتبعـك الحيـا والخيالـي
وانت الذي بسمك تبـاع الأساريـر
ومثلك له اسمـاءً عـراضٌ طوالـي
سلطان يا سلطان من يومك صغيـر
مافي تسلطانـك وشخصـك جدالـي
كانـوا ولازالويسمـونـك الخـيـر
وياكثر الاسما اللـي تزاحـم فبالـي
كريـم سبـلا الأزبـون المخاسيـر
طلـق الحجـاج الابعيـد المدالـي
درع البـلاد الاطويـل الاشابـيـر
أبـو اليتيـم الاعشيـق المعـالـي
لو الله ابن مسطـر المجـد تسطيـر
على حصى الأرض ونفودالرمالـي
واخو فهـد ذروة سنـام المشاهيـر
صفوت ملوك الارض باول وتالـي
فهـد ولاقلنـا فهـد جـاوب النيـر
تهتـز لسمـه راسيـات الجبـالـي
زعيمنا اللي للعـلا واصـل السيـر
حتـى تعلينـا علـى كـل عالـي
مال الطموح بوسط راسـه معاييـر
ولا للعوج عنـده ياكـود اعتدالـي
اليازعل تزعـل ملـوك وجماهيـر
وليا رضى ينهـى جميـع الجدالـي
ما يشبه غيـر الثنيـن ألمنـا عيـر
انته وابـو متعـب كريـم السبالـي
عبدا لله اللي فيه من سالـم الزيـر
خطل اليمين الليـث حـام التوالـي
سقم العـدو الياهـرج دون تفكيـر
رده على العـدوان جاهـز وحالـي
نفخـر بكـم والاالقصايـد تعابيـر
يا شيوخ نجد الشعـب كلـه موالـي
والله لوفيكـم عـن الملـك تقصيـر
ما خصكـم ربـي عظيـم اجلالـي
منـا وفينـا مـا لفيتـو مـدا ويـر
حكامنـا وقـت الدهـور الهزالـي
ورث الجدود امن الليال المعاسيـر
قبل القصور وقبل صـرف الريالـي
هاك الزمام سلاحنـا حملـة بعيـر
ومـن يومهـا متوثقيـن الحبـالـي
منها جنـا واضـح ولافيـه تغييـر
نموت مـا نرضـى عليـه البدالـي
ما استعمرونا اللي غذاهـم خنازيـر
تشهد لنا شهـب السنيـن الخوالـي
من قبل عاشر جد ابو بوش وبليـر
ماهي ثـلاث شهـور والاحوالـي ؟
واليوم فـي وقـت الرخاوالتياسيـر
شفنـا العجـب لااوالله الاالهبـالـي
يا كثر ما قمـت تسـوق المقاديـر
وياشيب عيني لاذكـرت وطرالـي
المسجد اللي هزه أصـوات تفجيـر
في حـزة فيهـا يجـاب السوالـي
والمسلم اللي ذبح مـن دون تبريـر
ودم الرضيع اللي على الوجه سالـي
ينشدك يا مكفر هـل الديـن تكفيـر
وش حكم ذبح المسلميـن العزالـي
تدبـر القـران والـهـدى تدبـيـر
واخذ الجـواب بصيغـة والكمالـي
فضحكـم الله يـا لوجيـه المغابيـر
ياطغمـة التخريـب والانحـلالـي
واللي على الفتنـه تـدق المزاميـر
نعرف مطامعهم علـى كـل حالـي
ونعرف من يدفع رسـوم الفواتيـر
يا لحيه اللـي جحرهـا الاحتلالـي
لنحورهم حنـا سـوات الازاريـر
حنا حمـاة الديـن ياهـل الظلالـي
الأرض نزرعها رمـاح ومساميـر
يحـرم عليهـم وطيهـا بالنعـالـي
ديارنا مـا هيـب كابـل وكشميـر
ياهمـلالـي صــدق ياهمـلالـي
حامينها الاجـداد عـج ومعاصيـر
بسيوفهـم علـى ظهـور الجمالـي
واليوم يا سلطـان شفهـم طوابيـر
ملو من المجلاس تحـت الضلالـي
يبـون يـوم فيـه للحـق تكبـيـر
عـن الكـلام تبـان فيـه الفعالـي
ياسيدي قل وش تبي بـس ويصيـر
حدد هدف لـو هـو عسيرالمنالـي
فالجـو نفاثـه وفالقـاع جنـزيـر
وان مت هاك اليوم من طيب فالـي
هـذا وطنـا ماسكـنـاه تهجـيـر
الجيـش واحـد ماجمعنـا الحثالـي
لوينتخـي عرعـر تلبيـه خرخيـر
كل الجنوب يصير جنـب الشمالـي
لا يا وطن لا تحسـب انـا مدابيـر
لوالدهر في بعض الاحيـان مالـي
طالبك لاتجفل مـن الوقـت وتذيـر
وكــلٌّ ابـنـاك وبالله الاتكـالـي
وان كان ما شفت السعد والتباشيـر
عيـبُ علينـا لبسـنـا للبـدالـي
نذرً على لحرسك وافديـك واغيـر
ديني وعرضي فيـك واغلىحلالـي
واللـي ياثـر فيـك بيـات تاثيـر
ابرى منـه لوكـان عمـي وخالـي
وان مت واخذتني صروف المقاديـر
والله لوصـي فيـك حتـى عيالـي[/poem]


وسلامتكم
مع تحياتي
أمير المنتدى

[إبن ثعلي]

مشكور اخوي وليد على اتحاف منتدانا بهذه الرائعه وصح السان شاعرها والله يطول عمر ولي عهدنا المحبوب ويمتعه بالصحه والعافيه
تحياتي

[اخو من طاع الله]

مشكور يا وليد على نقلهاااااااااااااااااااا


الله يعطيك العاااااااااااااافيه

[وليد الزراقي]

المشاركة الأصلية كتبت بواسطة بن ثعلي مشكور اخوي وليد على اتحاف منتدانا بهذه الرائعه وصح السان شاعرها والله يطول عمر ولي عهدنا المحبوب ويمتعه بالصحه والعافيه تحياتي

الشكر لك على المرور الجميل
والله يطول عمر ولي عهدنا
تحياتي
أمير المنتدى

[وليد الزراقي]

المشاركة الأصلية كتبت بواسطة عبد الله الحافي مشكور يا وليد على نقلهاااااااااااااااااااا الله يعطيك العاااااااااااااافيه

الشكر لك على الاطلاع
تحياتي
أمير المنتدى

[فواز الشيباني]

مشكور يا وليد على نقلهاااااااااااااااااااا


الله يعطيك العاااااااااااااافيه

[وليد الزراقي]

المشاركة الأصلية كتبت بواسطة فواز الشيباني مشكور يا وليد على نقلهاااااااااااااااااااا الله يعطيك العاااااااااااااافيه

تسلم فواز
تحياتي
أمير المنتدى