((بارق الخير لاح))..للشاعر صالح الناصر الاسعدي

[حسام هوازن]

[align=center]بارق الخير لاح وبارق الشعر لاح
في مزون(ن) يشوق العين ربانها
تنعش الخاطر اللي له سنة ماستراح
والمثايل سهر عيني علشانها
غزوها مايباعد غزوة الاجتياح
جيت كلي وانا مشتان في شانها
يوم جتلي على حافر وخف وجناح
ويش ابي بالهزال ادور سمانها
رايعت وستعدت بالمساء والصباح
وقدتها مثل قود الهجن برسانها
المسافة ويله والليالي كفاح
مابقا الا العلوم اهج بيبانها
يارجال المعرفة يا طيور الفلاح
دوكم ارسالةً بالطيب عنوانها
تبتدي بالسلام وتتصل بالصلاح
والحقيقه تشوف العين برهانها
اقتراح(ن) ثمين ابسلة الاقتراح
ماتقوم البيوت الا بعمدانها
ياعرب بالامور اليوم سم(ن)ذحاح
اوزونو كلمة الشاعر بميزانها
التكاتف معزه وجتماع الرماح
يدحر الفتنه اللي قام شيطانها
راية العز للاسلام والطيب فاح
في ديار العرب والعز بركانها
لاتصير الامانة من نصيب الرياح
احفطوها وعدوها بميدانها
نعمة الدين غايه والمعرفة وشاح
والسلع عند اهلها تاخذ اثمانها
شوفوا المقبلة واللي تعدى وراح
ماتعده رجال(ن) تسلم ايمانها
لاتضيع الشيم في عالم الانفتاح
والفرس سرجها بالسوق وعنانها
كل نفس(ن)ترى التفكير سلطانها
يالعل النصيحه كللت بالنجاح
ترضى اهل العقول وتدخل اذهانها[/align]

[المـاشي]

[align=center]الغالي

مشرفنا المتميز

حسام هوازن

قصيدة جزله

صح لسانك ولسان الشاعر

بيض الله وجهك

لاعدمناك

كل الود[/align]

[وليد النفيعي]

أخوي حسام هوازن قصيده رآآآئعه من شخص آآروع,,,

دمت كما تحب...أخوك

وليد النفيعي...

[حسام هوازن]

اخواني الاعزاء

الماشي

وليد النفيعي

يعطيكم الف عافية على المرور الطيب

والرد الجميل الذي تفضّلتوا به

دمتم بخير