قصيدة الرائع: ضيدان بن قضعان........

[العاذرية]

[align=center][grade="00BFFF 4169E1 0000FF"]قصيدة الرائع: ضيدان بن قضعان





ياوجودي كل ماهب نسناس الشمال=وجد من حدّه زمانه على اللي ما يبيـه

وياوجودي كل مااغفيت ثم مال الظلال=لاغفت عيني ولاذقت شيٍ مشتهيـه

وجد من قفّى وهوفي رجا كلمة تعال=والتفت من عقب مااقفى ولحدن لدّ فيـه

وياعذابي لادنا الليل من روس الجبال=وانتهى يومٍ من العمر ماعاد ارتجيــــــه

وانتي ابعد من سما الحلم ووصالك محال=يابعد من هلّ دمعي ضحى الفرقا عليه

ياغناتي لاتحسبين دمعي يوم سال=ضعف والا ّخوف والاّ كذا والاّ كذيــــه

والله اني من رجالٍ يضدون الرجال=لكن الحظ الردي ساق دمعي كلبيـــه

ووالله اني كل مادار حوليك الجدال=قمت كن الموت يشر علىقبري يإيديـه

ووالله ان قد لي وانا اصد لاجالك مجال=صدّت اللي لاتضايق تذّكر قبر اخيـه

ومن سألني قلت مدري واذا عاد السؤال=قلتله تكفى سؤالك ترى ماهو وجيه

وش تبيني اقول عماَ ترى ذبحي حلال =والخطا منها علي صرت احبه واهويـه

عذرها لو ماتعذر مثل واضرب مثال= واحدن مايعرف الحر الأشقر يشتويــه

وان رجعنا للتواصيف لله الكمال = لاانتهى ليل المزايين جاتك تبتديـــه

كنها غفلٍ مع البدو طاويها الحيال= ما يميز وصفها الاّ نبيهٍ من نبيــــــه

واهني اللي وصلها وذاق امن الزلال=رشفةٍ مع غفلة الناس من فيها لفيـــه

واعزتي للي سواتي عشق ما لا يطال=ويوم طاله ضيع الحلم بين أمه و ابيه

يااول احلام الطفوله على حد الخيال=الرجا بللي حمى البيت من حملة بريــه

حال دونك سيف عنتر وتاسع حول حال=باثر حولٍ حال دونك وانا ادعي هيه هيه

هيه يللي غرك الحسن واطغاك الجمال=والله ان اموت ماشفت لاوصافك شبيه

لو يسام الحسن والتيه بجنيه وريال=مابقى في سوق غيرك لا ريال ولاجنيه

كيف اهدك للمقابيل وانتي راس مال=راس مال ومال والماال مايعطى السفيه

حافظك حفظي لعيني ورمشي لك جلال=وانتي تشحّين بالما وانا شفّي مويه

شايفن ظلمك وساكت وطال الليل طال=لاتركتي طعن قلبي وانا ماقلت ليه ؟

لو بقا للهيل صبرن علىفوح الدلال=مابقىللقلب صبرن على شيٍ يجيـــــه

كنت احسب ان الغلا زال واثره لايزال=في الحشا ماكنه الا دخيلٍ في وجيـه

ساقني حبك علىالموت وسنيني هزال=والظروف اقسى من الظلم للعرض النزيه

وانتي تسوقين عقلي على حد الهبال=تحسبين ان من بغى شي يقدر يشتريه

والاّ انا ياوجد حالي وجودن مايقال=وجد من ضحى بغاليه لرضا والديـــه

وياوجودي يااول العمر قبل ألبس عقال=وجد من باع آآخر العمر في رغبة ذويه

وياوجودي كل ماهب صوتش من شمال=وجد من حدّه زمانه على اللي مايبيـه



وسلامتكم[/grade][/align]

[السعار]

ليش تنقلين شعر الناس وراك ماتعطينا من شعرك .. ولايهتم بالشعر الا شاعر..

[النـايــــــف]

مشكوره اختي العاذريه


اختيار رائع

وضيدان بن قضعان العجمي من الشعراء الكبار


تحياتي لك

[أبو طلال]

الله يعطيك العافيه
شكراً على نقل القصيده
وضيدان من الشعار اللي يستاهلون نقل قصايدهم في كل المنتديات
ولو ان فيه زمكه شوي
لا .... فيه واحد من ربعه وعيال عمه ماهووووب صاحي
يقال له محمد بن الذيب
ياليت تتكرمين وتنقلين لنا قصايده اذا امكن